ਔਰਤਾਂ ਨੇ ਮਿਲ ਕੇ ਤਿਆਰ ਕੀਤੀ ਮੁਹਿੰਮ
ਨੋਇਡਾ: ਲਿਫ਼ਾਫ਼ਿਆਂ ਦੀ ਰੋਕਥਾਮ ਲਈ ਅਰੁਣ ਵਿਹਾਰ ਵਿਚ ਔਰਤਾਂ ਨੇ ਸਾਫ਼ ਨਾਮ ਦੀ ਇਕ ਮੁਹਿੰਮ ਸ਼ੁਰੂ ਕੀਤੀ ਹੈ। ਇਸ ਦੇ ਤਹਿਤ ਕਮੇਟੀ ਦੀਆਂ ਮੈਂਬਰ ਦੁਕਾਨਾਂ ’ਤੇ ਜਾ ਕੇ ਗਾਹਕਾਂ ਨੂੰ ਲਿਫ਼ਾਫ਼ੇ ਇਸਤੇਮਾਲ ਨਾ ਕਰਨ ਲਈ ਜਾਗਰੂਕ ਕਰ ਰਹੀਆਂ ਹਨ। ਇਸ ਵਿਚ ਡਾਕਟਰ ਅਤੇ ਸੀਨੀਅਰ ਔਰਤਾਂ ਵੀ ਸ਼ਾਮਲ ਹਨ। ਸੈਕਟਰ 29 ਵਿਚ ਰਹਿਣ ਵਾਲੀ ਸੁਪਰੀਆ ਮਹਾਜਨ ਸਰਦਾਨਾ ਚਮੜੀ ਦੀ ਡਾਕਟਰ ਹੈ।
Polythene Bags
ਉਹਨਾਂ ਨੇ ਦਸਿਆ ਕਿ ਅਰੁਣ ਵਿਹਾਰ ਸੈਕਟਰ 28, 29 ਅਤੇ 37 ਦੀਆਂ ਔਰਤਾਂ ਨੇ ਲਿਫ਼ਾਫ਼ਿਆਂ ’ਤੇ ਪ੍ਰਬੰਧ ਨੂੰ ਸਫਲ ਬਣਾਉਣ ਲਈ ਸਸਟੇਨੇਬਲ ਅਲਟਰਨੈਟਿਵ ਐਂਡ ਅਵੇਅਰਨੈਸ ਅਗੈਂਸਟ ਐਂਡ ਹਾਊਸਹੋਲਡ ਵੈਸਟ ਨਾਮ ਦੀ ਮੁਹਿੰਮ ਸ਼ੁਰੂ ਕੀਤੀ ਹੈ। ਆਰਡਬਲਯੂ ਦੇ ਚੇਅਰਮੈਨ ਰਿਟਾਇਰਡ ਕਰਨਲ ਸ਼ਸ਼ੀ ਵੈਦ ਦੀ ਦੇਖ ਰੇਖ ਵਿਚ ਸੈਕਟਰ ਵਿਚ ਰਹਿਣ ਵਾਲੀਆਂ ਔਰਤਾਂ ਵਿਹਾਰ ਦੀ ਮਾਰਕਿਟ ਵਿਚ ਜਾ ਕੇ ਦੁਕਾਨਾਂ ਵਾਲਿਆਂ ਅਤੇ ਗਾਹਕਾਂ ਨੂੰ ਇਸ ਪ੍ਰਤੀ ਜਾਗਰੂਕ ਕਰ ਰਹੀਆਂ ਹਨ।
Clothe Bags
ਪਿਛਲੇ ਤਿੰਨ ਦਿਨਾਂ ਤੋਂ ਉਹ ਰੋਜ਼ ਦੁਕਾਨਦਾਰਾਂ ਨੂੰ ਲਿਫ਼ਾਫ਼ੇ ਦੇਣ ਤੋਂ ਰੋਕ ਰਹੀਆਂ ਹਨ। ਇਹਨਾਂ ਨੇ ਇਸ ਅਭਿਆਨ ਦੀ ਸ਼ੁਰੂਆਤ ਸੈਕਟਰ 29 ਦੇ ਬ੍ਰਹਮਪੁੱਤਰ ਮਾਰਕਿਟ ਤੋਂ ਕੀਤੀ ਹੈ। ਇਸ ਤੋਂ ਬਾਅਦ ਨੋਇਡਾ ਦੇ ਕਈ ਬਾਜ਼ਾਰਾ ਵਿਚ ਇਸ ਮੁਹਿੰਮ ਨੂੰ ਚਲਾਇਆ ਜਾਵੇਗਾ। ਔਰਤਾਂ ਦੀ ਇਸ ਮੁਹਿੰਮ ਤਹਿਤ ਕਈ ਲੋਕ ਜਾਗਰੂਕ ਵੀ ਹੋਏ ਹਨ ਅਤੇ ਕਈਆਂ ਨੇ ਲਿਫ਼ਾਫ਼ਿਆਂ ਦਾ ਇਸਤੇਮਾਲ ਕਰਨਾ ਵੀ ਬੰਦ ਕਰ ਦਿੱਤਾ ਹੈ।
ਲੋਕ ਅੱਗੇ ਹੋਰਨਾਂ ਨੂੰ ਵੀ ਇਸ ਦੇ ਨੁਕਸਾਨਾਂ ਬਾਰੇ ਦਸ ਰਹੇ ਹਨ। ਔਰਤਾਂ ਦੀ ਇਹ ਮੁਹਿੰਮ ਰੰਗ ਲਿਆਉਂਦੀ ਨਜ਼ਰ ਆ ਰਹੀ ਹੈ। ਲਗਦਾ ਹੈ ਜਲਦ ਹੀ ਲੋਕ ਸਮਝ ਜਾਣਗੇ ਕਿ ਲਿਫ਼ਾਫ਼ਿਆਂ ਦੇ ਇਸਤੇਮਾਲ ਨਾਲ ਬਹੁਤ ਸਾਰੇ ਨੁਕਸਾਨ ਹੁੰਦੇ ਹਨ। ਕੁੱਝ ਕੁ ਲੋਕਾਂ ਨੇ ਇਸ ਦਾ ਇਸਤੇਮਾਲ ਕਰਨਾ ਬੰਦ ਕਰ ਦਿੱਤਾ ਹੈ ਤੇ ਕਪੜੇ ਦੇ ਥੈਲੇ ਵਰਤਣੇ ਸ਼ੁਰੂ ਕਰ ਦਿੱਤੇ ਹਨ। ਲੋਕਾਂ ਨੂੰ ਇਸ ਕਮੇਟੀ ਨੇ ਸਲਾਹ ਦਿੱਤੀ ਹੈ ਕਿ ਉਹ ਕਪੜੇ ਦਾ ਥੈਲਾ ਹੀ ਇਸਤੇਮਾਲ ਕਰਨ।
