ਸਮਾਜਵਾਦੀ ਪਾਰਟੀ (ਸਪਾ) ਵਿਚ ‘ਅਣਗਹਿਲੀ’ ਤੋਂ ਬਾਅਦ ਅਪਣੇ ਰਸਤੇ ਵੱਖ ਕਰਨ ਵਾਲੇ ਨਵੀਂ ਬਣੀ ‘ਸਮਾਜਵਾਦੀ ਸੈਕਿਉਲਰ ਮੋਰਚਾ’ ਦੇ ਸੰਸਥਾਪਕ ਸ਼ਿਵਪਾਲ ਸਿੰਘ...
ਲਖਨਊ : ਸਮਾਜਵਾਦੀ ਪਾਰਟੀ (ਸਪਾ) ਵਿਚ ‘ਅਣਗਹਿਲੀ’ ਤੋਂ ਬਾਅਦ ਅਪਣੇ ਰਸਤੇ ਵੱਖ ਕਰਨ ਵਾਲੇ ਨਵੀਂ ਬਣੀ ‘ਸਮਾਜਵਾਦੀ ਸੈਕਿਉਲਰ ਮੋਰਚਾ’ ਦੇ ਸੰਸਥਾਪਕ ਸ਼ਿਵਪਾਲ ਸਿੰਘ ਯਾਦਵ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਉਨ੍ਹਾਂ ਦਾ ਮੋਰਚਾ ਅਗਲੀ ਲੋਕਸਭਾ ਚੋਣ ਵਿਚ ਉਤਰ ਪ੍ਰਦੇਸ਼ ਦੀਆਂ ਸਾਰੀਆਂ 80 ਲੋਕਸਭਾ ਸੀਟਾਂ 'ਤੇ ਚੋਣ ਲੜੇਗੀ। ਯਾਦਵ ਨੇ ਦਰਕਵਦਾ ਪਿੰਡ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਕਿਹਾ ਕਿ ਉਨ੍ਹਾਂ ਦਾ ਨਵੀਂ ਬਣੀ ਮੋਰਚਾ ਸਾਲ 2019 ਦੇ ਲੋਕਸਭਾ ਚੋਣ ਵਿਚ ਉਤਰ ਪ੍ਰਦੇਸ਼ ਦੀ ਸਾਰੀਆਂ ਸੀਟਾਂ 'ਤੇ ਚੋਣ ਲੜੇਗਾ।
Shivpal Yadav
ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਮੋਰਚੇ ਦੇ ਸਹਿਯੋਗ ਤੋਂ ਬਿਨਾਂ ਦੇਸ਼ ਵਿਚ ਅਗਲੀ ਸਰਕਾਰ ਬਣਾਉਣਾ ਸੰਭਵ ਨਹੀਂ ਹੋਵੇਗਾ। ਯਾਦਵ ਨੇ ਭਾਜਪਾ ਵਿਚ ਸ਼ਾਮਿਲ ਹੋਣ ਦੀ ਅਪਣੀ ਯੋਜਨਾ ਸਬੰਧੀ ਰੁਕਾਵਟਾਂ ਨੂੰ ਸਿਰੇ ਤੋਂ ਖਾਰਿਜ ਕਰਦੇ ਹੋਏ ਕਿਹਾ ਕਿ ਇਹ ਸੱਭ ਵਿਰੋਧੀਆਂ ਦੀ ਸਾਜਿਸ਼ ਹੈ। ਇਕ ਸਵਾਲ ਦੇ ਜਵਾਬ ਵਿਚ ਉਨ੍ਹਾਂ ਨੇ ਕਿਹਾ ਕਿ ਬੇਇੱਜ਼ਤ ਅਤੇ ਅਪਮਾਨਿਤ ਹੋ ਕੇ ਉਨ੍ਹਾਂ ਨੇ ਮੋਰਚਾ ਬਣਾਇਆ ਹੈ। ਉਨ੍ਹਾਂ ਦੀ ਕੋਸ਼ਿਸ਼ ਹੋਵੇਗੀ ਕਿ ਅਜਿਹੇ ਲੋਕਾਂ ਨੂੰ ਜੋੜਣ, ਜਿਨ੍ਹਾਂ ਦਾ ਸਮਾਜਵਾਦੀ ਪਾਰਟੀ ਵਿਚ ਸਨਮਾਨ ਨਹੀਂ ਹੋ ਰਿਹਾ ਹੈ। ਇਸ ਲਈ ਸੈਕਿਉਲਰ ਮੋਰਚਾ ਬਣਾ ਕੇ ਅਪਣੇ ਲੋਕਾਂ ਨੂੰ ਕੰਮ ਦਿਤਾ ਹੈ।
Shivpal Yadav and Mulayam
ਸਪਾ ਦੇ ਸਾਬਕਾ ਪ੍ਰਦੇਸ਼ ਪ੍ਰਧਾਨ ਨੇ ਕਿਹਾ ਕਿ ਉਨ੍ਹਾਂ ਨੇ ਅਪਣੇ ਵੱਡੇ ਭਰਾ ਮੁਲਾਇਮ ਸਿੰਘ ਯਾਦਵ ਦੇ ਨਾਲ ਮਿਲ ਕੇ ਵੱਡੇ ਯਤਨ ਨਾਲ ਸਮਾਜਵਾਦੀ ਪਾਰਟੀ ਬਣਾਈ ਸੀ ਪਰ ਲਗਾਤਾਰ ਹੋ ਰਹੀ ਅਣਦੇਖੀ ਦੇ ਚਲਦੇ ਸੀਨੀਅਰ ਨੇਤਾ ਬੇਇੱਜ਼ਤ ਮਹਿਸੂਸ ਕਰ ਰਹੇ ਹਨ। ਜਿਨ੍ਹਾਂ ਨੂੰ ਹਾਸ਼ੀਏ 'ਤੇ ਪਹੁੰਚਾ ਦਿਤਾ ਗਿਆ ਸੀ ਉਨ੍ਹਾਂ ਨੂੰ ਜੋੜ ਕੇ ਸੈਕਿਉਲਰ ਮੋਰਚਾ ਦਾ ਗਠਨ ਕੀਤਾ ਹੈ। ਭਾਜਪਾ ਵਲੋਂ ਮਿਲੀਭੁਗਰ ਹੋਣ ਦੇ ਇਲਜ਼ਾਮ ਨੂੰ ਉਨ੍ਹਾਂ ਨੇ ਸਿਰੇ ਤੋਂ ਖਾਰਿਜ ਕਰ ਦਿਤਾ ਅਤੇ ਕਿਹਾ ਕਿ ਇਹ ਗੱਲ ਬੇਬੁਨਿਆਦ ਹੈ ਅਤੇ ਉਨ੍ਹਾਂ ਦੇ ਸੈਕਿਉਲਰ ਮੁਹਿੰਮ ਨੂੰ ਰੋਕਣ ਲਈ ਕੀਤਾ ਜਾ ਰਿਹਾ ਗਲਤ ਪ੍ਰਚਾਰ ਹੈ।
Shivpal Yadav and Mulayam
ਸ਼ਿਵਪਾਲ ਨੇ ਪਿਛਲੇ ਬੁੱਧਵਾਰ ਨੂੰ ਹੀ ਸਮਾਜਵਾਦੀ ਸੈਕਿਉਲਰ ਮੋਰਚੇ ਦਾ ਗਠਨ ਦੀ ਰਸਮੀ ਐਲਾਨ ਕੀਤਾ ਸੀ। ਧਿਆਨ ਯੋਗ ਹੈ ਕਿ ਕੁੱਝ ਦਿਨ ਪਹਿਲਾਂ ਸ਼ਿਵਪਾਲ ਯਾਦਵ ਨੇ ਅਪਣੇ ਦਿਲ ਦੀ ਗੱਲ ਸੱਭ ਦੇ ਸਾਹਮਣੇ ਰੱਖੀ। ਇਸ ਦੌਰਾਨ ਇਕ ਸਮਾਂ ਸਮਾਜਵਾਦੀ ਪਾਰਟੀ ਦੇ ਕੱਦਾਵਰ ਨੇਤਾ ਰਹੇ ਅਤੇ ਅੱਜਕੱਲ ਹਾਸ਼ੀਏ 'ਤੇ ਚੱਲ ਰਹੇ ਸ਼ਿਵਪਾਲ ਸਿੰਘ ਯਾਦਵ ਦਾ ਦਰਦ ਛਲਕ ਉਠਿਆ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਅਗਲੀ ਲੋਕਸਭਾ ਚੋਣ ਵਿਚ ਨਾਲ ਮਿਲ ਕੇ ਚੋਣ ਲੜੇ, ਡੇਢ ਸਾਲ ਤੋਂ ਸੜਕ 'ਤੇ ਹਾਂ ਪਰ ਪਾਰਟੀ ਨੇ ਕੋਈ ਜ਼ਿੰਮੇਵਾਰੀ ਨਹੀਂ ਦਿਤੀ ਹੈ।
Shivpal Yadav and his sister
ਇਟਾਵਾ ਵਿਚ ਸ਼ਿਵਪਾਲ ਨੇ ਅਪਣੀ ਭੈਣ ਤੋਂ ਰੱਖੜੀ ਬਨਵਾਉਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਕਿਹਾ ਕਿ ਅਸੀਂ ਚਾਹੁੰਦੇ ਹਾਂ ਕਿ ਅਗਲੀ ਲੋਕਸਭਾ ਚੋਣ ਵਿਚ ਨਾਲ ਮਿਲ ਕੇ ਚੋਣ ਲੜ੍ਹਣ। ਮੈਂ ਡੇਢ ਸਾਲ ਤੋਂ ਸੜਕ 'ਤੇ ਹਾਂ। ਪਾਰਟੀ ਨੇ ਮੈਨੂੰ ਹੁਣੇ ਤੱਕ ਕੋਈ ਜ਼ਿੰਮੇਵਾਰੀ ਨਹੀਂ ਸੌਂਪੀ ਹੈ। ਪਾਰਟੀ ਨੇਤਾ ਮੁਲਾਇਮ ਸਿੰਘ ਯਾਦਵ ਦੇ ਬਾਰੇ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਤਾਂ ਹਮੇਸ਼ਾ ਤੋਂ ਹੀ ਉਨ੍ਹਾਂ ਦੀ ਇੱਜ਼ਤ ਕਰਦੇ ਆਏ ਹਾਂ, ਜੋ ਲੋਕ ਉਨ੍ਹਾਂ ਦੀ ਇੱਜ਼ਤ ਨਹੀਂ ਕਰਦੇ ਉਨ੍ਹਾਂ ਨੂੰ ਇੱਜ਼ਤ ਕਰਨੀ ਚਾਹੀਦੀ ਹੈ। ਨਾਲ ਮਿਲ ਕੇ ਚੋਣ ਲੜ੍ਹਨ ਨਾਲ ਜਨਤਕ ਰਾਏ ਵਿਚ ਵਧੀਆ ਪ੍ਰਭਾਵ ਪੈਂਦਾ ਹੈ ਪਰ ਇੰਤਜ਼ਾਰ ਕਰਦੇ - ਕਰਦੇ ਡੇਢ ਸਾਲ ਲੰਘ ਗਿਆ ਹੈ ਅਤੇ ਕਿੰਨਾ ਇੰਤਜ਼ਾਰ ਕਰੀਏ।
