ਅਹਿਮਦਾਬਾਦ: ਉੱਤਰੀ ਗੁਜਰਾਤ ਦੇ ਬਨਾਸਕਾਂਠਾ ਜ਼ਿਲ੍ਹੇ ਵਿਚ ਲਗਭਗ 70 ਯਾਤਰੀਆਂ ਨੂੰ ਲਿਜਾ ਰਹੀ ਨਿਜੀ ਲਗਜ਼ਰੀ ਬੱਸ ਦੇ ਪਲਟ ਜਾਣ ਕਾਰਨ ਘੱਟੋ ਘੱਟ 21 ਜਣਿਆਂ ਦੀ ਮੌਤ ਹੋ ਗਈ ਅਤੇ 50 ਹੋਰ ਜ਼ਖ਼ਮੀ ਹੋ ਗਏ। ਮੌਤਾਂ ਦੀ ਗਿਣਤੀ ਵੱਧ ਸਕਦੀ ਹੈ। ਬਲਾਸਕਾਂਠਾ ਜ਼ਿਲ੍ਹੇ ਦੇ ਅੰਬਾਜੀ ਸ਼ਹਿਰ ਵਿਚ ਅੰਬਾਜੀ ਦਾਂਤਾ ਮਾਰਗ 'ਤੇ ਪਹਾੜੀ ਰਸਤੇ ਵਿਚ ਤਿਰਸ਼ੂਲੀਆ ਘਾਟ ਵਿਚ ਇਹ ਦਰਦਨਾਕ ਹਾਦਸਾ ਵਾਪਰਿਆ।
Gujarat bus accident
ਬਲਾਸਕਾਂਠਾ ਜ਼ਿਲ੍ਹੇ ਦੇ ਐਸਪੀ ਅਜੀਤ ਰਜੀਅਨ ਨੇ ਦਸਿਆ ਕਿ ਨਿਜੀ ਬੱਸ ਵਿਚ ਕਰੀਬ 70 ਯਾਤਰੀ ਸਵਾਰ ਸਨ। ਇਲਾਕੇ ਵਿਚ ਭਾਰੀ ਮੀਂਹ ਕਾਰਨ ਬੱਸ ਚਾਲਕ ਕੰਟਰੋਲ ਗਵਾ ਬੈਠਾ। ਪੁਲਿਸ ਮੁਤਾਬਕ ਲਗਜ਼ਰੀ ਬੱਸ ਅੰਬਾਜੀ ਮੰਦਰ ਤੋਂ ਮੁੜ ਰਹੀ ਸੀ। ਇਸ ਦੌਰਾਨ ਅੰਬਾਜੀ ਦੇ ਤਿਰਸ਼ੂਲੀਆ ਘਾਟ ਦੇ ਰਸਤੇ ਬੱਸ ਅਚਾਨਕ ਖੱਡ ਵਿਚ ਡਿੱਗ ਗਈ। ਸਥਾਨਕ ਲੋਕਾਂ ਦੀ ਮਦਦ ਨਾਲ ਜ਼ਖ਼ਮੀਆਂ ਨੂੰ ਬੱਸ ਵਿਚੋਂ ਕੱਢ ਕੇ ਜ਼ਿਲ੍ਹਾ ਹਸਪਤਾਲ ਵਿਚ ਦਾਖ਼ਲ ਕਰਾਇਆ ਗਿਆ ਹੈ।
Gujarat bus accident
ਬੱਸ ਵਿਚ ਸਵਾਰ ਜ਼ਿਆਦਾਤਰ ਲੋਕ ਨਡਿਆਡ, ਆਨੰਦ ਅਤੇ ਬੋਰਸਦ ਦੇ ਰਹਿਣ ਵਾਲੇ ਸਨ। ਪੁਲਿਸ ਨੇ ਦਸਿਆ ਕਿ ਜਿਉਂ ਹੀ ਮੁਕਾਮੀ ਲੋਕਾਂ ਨੂੰ ਹਾਦਸੇ ਬਾਰੇ ਪਤਾ ਲੱਗਾ ਤਾਂ ਉਹ ਤੁਰਤ ਮਦਦ ਲਈ ਪਹੁੰਚ ਗਏ। ਉਨ੍ਹਾਂ ਕਿਹਾ ਕਿ ਇਲਾਕੇ ਵਿਚ ਦੋ ਦਿਨਾਂ ਤੋਂ ਭਾਰੀ ਮੀਂਹ ਪੈ ਰਿਹਾ ਹੈ, ਇਸ ਲਈ ਰਾਹਤ ਅਤੇ ਬਚਾਅ ਕਾਰਜਾਂ ਵਿਚ ਬਹੁਤ ਮੁਸ਼ਕਲ ਆਈ। ਇਸ ਦੇ ਬਾਵਜੂਦ ਸਥਾਨਕ ਲੋਕਾਂ ਅਤੇ ਪੁਲਿਸ ਨੇ ਮਿਲ ਕੇ ਜ਼ਖ਼ਮੀਆਂ ਨੂੰ ਸਥਾਨਕ ਹਸਪਤਾਲ ਵਿਚ ਪਹੁੰਚਾਇਆ ਅਤੇ ਲਾਸ਼ਾਂ ਨੂੰ ਬਾਹਰ ਕਢਿਆ।
Devastating news from Banaskantha. I am extremely pained by the loss of lives due to an accident. In this hour of grief, my thoughts are with the bereaved families.
— Narendra Modi (@narendramodi) 30 септември 2019 г.
The local administration is providing all possible help to the injured. May they recover soon.
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਹਾਦਸੇ 'ਤੇ ਦੁੱਖ ਪ੍ਰਗਟ ਕਰਦਿਆਂ ਕਿਹਾ ਕਿ ਬਨਾਸਕਾਂਠਾ ਤੋਂ ਦੁਖਦ ਖ਼ਬਰ ਆਈ ਹੈ। ਇਸ ਹਾਦਸੇ ਦੀ ਖ਼ਬਰ ਸੁਣ ਕੇ ਬਹੁਤ ਦੁਖੀ ਹਾਂ। ਉਨ੍ਹਾਂ ਕਿਹਾ, 'ਮੇਰੀਆਂ ਸੰਵੇਦਨਾਵਾਂ ਊਨ੍ਹਾਂ ਸਾਰੇ ਲੋਕਾਂ ਹਨ ਜਿਨ੍ਹਾਂ ਦੇ ਪਿਆਰੇ ਹਾਦਸੇ ਵਿਚ ਮਾਰੇ ਗਏ ਹਨ ਅਤੇ ਜ਼ਖ਼ਮੀ ਹੋਏ ਹਨ। ਸਥਾਨਕ ਪ੍ਰਸ਼ਾਸਨ ਨੂੰ ਤੁਰਤ ਮਦਦ ਪਹੁੰਚਾਣ ਲਈ ਕਿਹਾ ਗਿਆ ਹੈ।'
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
