ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਇਹ ਰਕਮ ਪੰਜ ਪਿੰਡਾਂ ਦੀਆਂ ਗਊਸ਼ਾਲਾਵਾਂ ਨੂੰ ਦਾਨ ਕੀਤੀ ਜਾਵੇਗੀ
ਗੁਜਰਾਤ: ਵਿਆਹਾਂ ਵਿਚ ਫਜੂਲਖਰਚੀ ਰੋਕਣ ਦੀ ਗੱਲ਼ ਹਮੇਸ਼ਾ ਚਰਚਾ ਵਿਚ ਰਹਿੰਦੀ ਹੈ ਪਰ ਗੁਜਰਾਤ ਵਿਚ ਕੁਝ ਵੱਖਰਾ ਹੀ ਨਜ਼ਰਾ ਵੇਖਣ ਨੂੰ ਮਿਲਿਆ। ਗੁਜਰਾਤ ਦੇ ਜਾਮਨਗਰ ਵਿਚ ਇਕ ਵਿਆਹ ਇਨ੍ਹੀਂ ਦਿਨੀਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ।
Photoਇਸ ਵਿਆਹ ਉਤੇ ਜੋ ਖਰਚ ਹੋਇਆ ਉਹ ਤਾਂ ਹੋਇਆ ਹੀ, ਪਰ ਲਾੜੇ ਦੇ ਰਿਸ਼ਤੇਦਾਰਾਂ ਨੇ ਬਰਾਤ ਉਤੇ ਨੋਟਾਂ ਦਾ ਮੀਂਹ ਵਰ੍ਹਾ ਦਿੱਤਾ। ਦੱਸਿਆ ਜਾਂਦਾ ਹੈ ਕਿ ਬਰਾਤ ਵਿਚ ਲਾੜੇ ਦੇ ਪਰਿਵਾਰ ਵਾਲਿਆਂ ਨੇ ਇਕ-ਦੋ ਨਹੀਂ, 90 ਲੱਖ ਰੁਪਏ ਉਡਾ ਦਿੱਤੇ। ਇਸ ਵਿਆਹ ਦੀ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਕਿਵੇਂ ਨੋਟਾਂ ਦੇ ਬੰਡਲ ਉੱਡ ਰਹੇ ਹਨ। ਗੁਜਰਾਤ ਦੇ ਜਾਮਨਗਰ ਵਿਚ ਵਿਆਹ ਦੀ ਪਾਰਟੀ ਵਿਚ ਬਰਾਤੀਆਂ ਨੇ ਲੱਖਾਂ ਰੁਪਏ ਦੇ ਨੋਟ ਸੁੱਟ ਦਿੱਤੇ।
Photoਸੌ ਅਤੇ ਦੋ ਸੌ ਦੇ ਨੋਟ ਹੀ ਨਹੀਂ, ਬਾਰਾਤੀਆਂ ਨੇ ਪੰਜ ਸੌ ਅਤੇ ਦੋ ਹਜ਼ਾਰ ਰੁਪਏ ਦੇ ਨੋਟ ਵੀ ਹਵਾ ਵਿਚ ਉਡਾਏ। ਨੋਟਾਂ ਦੀ ਇੱਕ ਪਰਤ ਸੜਕ ਉਤੇ ਦਿਖਾਈ ਦੇਣ ਲੱਗੀ, ਉਥੇ ਮੌਜੂਦ ਲੋਕਾਂ ਨੂੰ ਇਵੇਂ ਮਹਿਸੂਸ ਹੋਇਆ ਜਿਵੇਂ ਨੋਟਾਂ ਦੀ ਬਾਰਸ਼ ਹੋ ਰਹੀ ਹੋਵੇ। ਕਈ ਲੋਕ ਨੋਟ ਚੁੱਕਦੇ ਵੇਖੇ ਜਾ ਸਕਦੇ ਹਨ। ਦੱਸ ਦਈਏ ਕਿ ਚੇਲਾ ਪਿੰਡ ਵਿਚ ਜਡੇਜਾ ਪਰਿਵਾਰ ਦਾ ਵਿਆਹ ਸਮਾਗਮ ਸੀ।
marriage ਹਾਲਾਂਕਿ ਦੱਸਿਆ ਜਾ ਰਿਹਾ ਹੈ ਕਿ ਇਹ ਰਕਮ ਪੰਜ ਪਿੰਡਾਂ ਦੀਆਂ ਗਊਸ਼ਾਲਾਵਾਂ ਨੂੰ ਦਾਨ ਕੀਤੀ ਜਾਵੇਗੀ। ਵਿਆਹ ਤੋਂ ਬਾਅਦ ਲਾੜਾ ਰਿਸ਼ੀਰਾਜ ਜਡੇਜਾ ਹੈਲੀਕਾਪਟਰ ਉਤੇ ਲਾੜੀ ਨੂੰ ਲੈ ਕੇ ਆਇਆ। ਦੱਸਿਆ ਜਾ ਰਿਹਾ ਹੈ ਕਿ ਰਿਸ਼ੀਰਾਜ ਦੇ ਵੱਡੇ ਭਰਾ ਯਸ਼ਪਾਲ ਨੇ ਇਕ ਕਰੋੜ ਰੁਪਏ ਦੀ ਕਾਰ ਤੋਹਫੇ ਵਜੋਂ ਦਿੱਤੀ ਹੈ।
Marriageਦਸ ਦਈਏ ਕਿ ਉੱਥੇ ਹੀ ਕਈ ਲੋਕ ਬਿਲਕੁਲ ਸਾਦਾ ਵਿਆਹ ਕਰਨ ਵਿਚ ਯਕੀਨ ਰੱਖਦੇ ਹਨ ਤੇ ਉਹ ਫਜ਼ੂਲ ਖਰਚੇ ਤੋਂ ਪਰਹੇਜ਼ ਕਰਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
