ਇੱਕ ਪਾਸੇ ਜਿੱਥੇ ਪੰਜਾਬ ਦੀ ਪੇਂਡੂ ਅਰਥ ਵਿਵਸਥਾ ਖੇਤੀ ਸੰਕਟ ਨਾਲ ਜੂਝ ਰਹੀ, ਉੱਥੇ ਹੀ ਫੋਕੀ ਟੌਰ੍ਹ ਤਹਿਤ ਵਿਆਹਾਂ ਤੇ ਹੋਰ ਕਾਰਜ ਵਿਹਾਰਾਂ ਤੇ ਅੰਤਾਂ ਦੇ ਖ਼ਰਚੇ..
ਚੰਡੀਗੜ੍ਹ : ਇੱਕ ਪਾਸੇ ਜਿੱਥੇ ਪੰਜਾਬ ਦੀ ਪੇਂਡੂ ਅਰਥ ਵਿਵਸਥਾ ਖੇਤੀ ਸੰਕਟ ਨਾਲ ਜੂਝ ਰਹੀ, ਉੱਥੇ ਹੀ ਫੋਕੀ ਟੌਰ੍ਹ ਤਹਿਤ ਵਿਆਹਾਂ ਤੇ ਹੋਰ ਕਾਰਜ ਵਿਹਾਰਾਂ ਤੇ ਅੰਤਾਂ ਦੇ ਖ਼ਰਚੇ ਕੀਤੇ ਜਾਂਦੇ ਹਨ। ਅਜਿਹੇ ਖ਼ਰਚੇ ਹੋਰ ਪਰੇਸ਼ਾਨੀ ਖੜ੍ਹੇ ਕਰ ਦਿੰਦੇ ਹਨ ਪਰ ਅਜਿਹੇ ਹਾਲਤਾਂ ਵਿੱਚ ਕੁੱਝ ਜਾਗਰੂਕ ਨੌਜਵਾਨ ਸਮਾਜ ਨੂੰ ਨਵੀਂ ਸੇਧ ਦੇਣ ਦੀ ਕੋਸ਼ਿਸ਼ ਕਰਦੇ ਹਨ।
wedding
ਕੁੱਝ ਅਜਿਹਾ ਹੀ ਬੀਤੇ ਵੀਰਵਾਰ ਬਠਿੰਡਾ ਦੇ ਮੌੜ ਮੰਡੀ ਵਿੱਚ ਹੋਇਆ। ਜੀ ਹਾਂ ਇੱਥੇ ਇੱਕ ਨੌਜਵਾਨ ਲਾੜਾ ਬਿਨ੍ਹਾਂ ਦਹੇਜ ਤੋਂ ਖ਼ੁਦ ਸਾਈਕਲ ਚਲਾ ਕੇ ਆਪਣੀ ਲਾੜੀ ਨੂੰ ਵਿਆਹੁਣ ਉਸ ਦੇ ਪਿੰਡ ਪਹੁੰਚਿਆ।
wedding
ਬਿਨ੍ਹਾਂ ਬੈਂਡ ਬਾਜਿਆਂ ਦੇ ਉਹ 25 ਕਿੱਲੋ ਮੀਟਰ ਸਾਈਕਲ ਚਲਾ ਕੇ ਲਾੜੀ ਨੂੰ ਲੈਣ ਪਿੰਡ ਠੂਠੀਆਂ ਵਾਲੀ ਗੁਰਦੁਆਰਾ ਸਾਹਿਬ ਪਹੁੰਚਿਆ। ਇੰਨਾ ਹੀ ਨਹੀਂ ਲਾੜੀ ਰਮਨਦੀਪ ਵੀ ਲਾੜੇ ਦੇ ਸਾਈਕਲ 'ਤੇ ਹੀ ਵਿਦਾ ਹੋਈ। ਬਾਰਾਤ ਵਿੱਚ 12 ਲੋਕ ਸ਼ਾਮਲ ਸਨ।
wedding
ਲਾੜੇ ਗੁਰ ਬਖ਼ਸ਼ੀਸ਼ ਨੇ ਦੱਸਿਆ ਕਿ ਵਿਆਹ ਦੇ ਲਈ ਕਰਜ਼ ਲੈ ਕੇ ਦਿਖਾਵਾ ਕਰਨ ਦੀ ਬਜਾਏ ਉਸ ਪੈਸਿਆਂ ਦਾ ਸਹੀ ਇਸਤੇਮਾਲ ਕਰਨਾ ਚਾਹੀਦਾ। ਉਨ੍ਹਾਂ ਨੇ ਕਿਹਾ ਕਿ ਨੌਜਵਾਨਾਂ ਨੂੰ ਵੀ ਫੋਕੀ ਲਿਫਾਫੇਬਾਜੀ ਛੱਡੇ ਅਜਿਹੇ ਕੰਮ ਕਰਨੇ ਚਾਹੀਦੇ ਹਨ।
wedding
ਇੰਨਾ ਹੀ ਨਹੀਂ ਉੱਥੇ ਮੌਜੂਦ ਲੋਕਾਂ ਨੇ ਕਿਹਾ ਕਿ ਜੇਕਰ ਹਰ ਕਿਸੇ ਦੀ ਅਜਿਹੀ ਸੋਚ ਹੋ ਜਾਵੇ ਤਾਂ ਧੀਆਂ ਮਾਂ ਦੀਆਂ ਕੁੱਖਾਂ ਵਿੱਚ ਨਹੀਂ ਮਾਰੀਆਂ ਜਾਣਗੀਆਂ। ਉਹ ਚਾਹੁੰਦੇ ਹਨ ਕਿ ਵਿਆਹ ਸਾਦਗੀ ਨਾਲ ਹੀ ਹੋਣੇ ਚਾਹੀਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
