ਇਸ ਨਾਲ ਧੂੜ, ਬਰਸਾਤ, ਧੁੰਦ ਅਤੇ ਭਾਰੀ ਟ੍ਰੈਫਿਕ ਦੌਰਾਨ ਵਾਹਨ ਚਾਲਕ ਦੂਜੇ ਵਾਹਨ ਨੂੰ ਆਸਾਨੀ ਨਾਲ ਦੇਖ ਸਕਣਗੇ।
ਨਵੀਂ ਦਿੱਲੀ : ਦੇਸ਼ ਵਿਚ ਹੁਣ ਜਿੰਨੀਆਂ ਵੀ ਨਵੀਂਆਂ ਗੱਡੀਆਂ ਆ ਰਹੀਆਂ ਹਨ ਉਹਨਾਂ ਵਿਚ ਗੱਡੀ ਨੂੰ ਚਾਲੂ ਕਰਦਿਆਂ ਹੀ ਲਾਈਟ ਜਗਣ ਦਾ ਆਟੋਮੈਟਿਕ ਸਿਸਟਮ ਦਿਤਾ ਗਿਆ ਹੈ। ਸਰਕਾਰ ਨੇ ਸਾਰੀਆਂ ਗੱਡੀਆਂ ਦੀ ਲਾਈਟ ਹਰ ਵੇਲ੍ਹੇ ਚਾਲੂ ਰੱਖੇ ਜਾਣ ਦੀ ਕੋਸਿਸ਼ ਕੀਤੀ ਹੈ। ਇਸ ਨਾਲ ਧੂੜ, ਬਰਸਾਤ, ਧੁੰਦ ਅਤੇ ਭਾਰੀ ਟ੍ਰੈਫਿਕ ਦੌਰਾਨ ਵਾਹਨ ਚਾਲਕ ਦੂਜੇ ਵਾਹਨ ਨੂੰ ਆਸਾਨੀ ਨਾਲ ਦੇਖ ਸਕਣਗੇ। ਸਾਧਾਰਨ ਮੌਸਮ ਵਿਚ ਜਦ ਸਾਹਮਣੇ ਤੋਂ ਆ ਰਹੀ ਵਾਹਨ ਦੀ ਲਾਈਟ ਚਮਕਦੀ ਹੈ ਤਾਂ ਸਾਹਮਣੇ ਵਾਲਾ ਸਚੇਤ ਹੋ ਜਾਂਦਾ ਹੈ ਜਿਸ ਨਾਲ ਹਾਦਸੇ ਦੀ ਸੰਭਾਵਨਾ ਘੱਟ ਹੋ ਜਾਂਦੀ ਹੈ।
Daytime Running Lights
ਦਿਨ ਵਿਚ ਲਾਈਟ ਜਗਣ ਨਾਲ ਵਾਹਨ ਦੇ ਕੋਈ ਅਸਰ ਨਹੀਂ ਪੈਂਦਾ ਹੈ। ਸੜਕ ਅਤੇ ਆਵਾਜਾਈ ਮੰਤਰੀ ਨੀਤਿਨ ਗਡਕਰੀ ਨੇ ਅਪਣੇ ਮੰਤਰਾਲੇ ਦੀ ਸਲਾਨਾ ਰੀਪੋਰਟ ਵਿਚ ਕਿਹਾ ਹੈ ਕਿ ਸਾਲ 2015 ਵਿਚ ਭਾਰਤ ਵਚਿ 5,01,423 ਸੜਕ ਹਾਦਸੇ ਹੋਏ ਸਨ। ਜਦਕਿ 2016 ਵਿਚ ਸੜਕ ਹਾਦਸਿਆਂ ਵਿਚ ਲਗਭਗ 4.1 ਫ਼ੀ ਸਦੀ ਦੀ ਕਮੀ ਆਈ ਹੈ। ਸੜਕ ਹਾਦਸਿਆਂ ਵਿਚ ਮਰਨ ਵਾਲਿਆਂ ਦੀ ਗਿਣਤੀ ਜੋ ਕਿ 2016 ਵਿਚ 79,354 ਸੀ ਉਹ ਜਨਵਰੀ ਤੋਂ ਜੁਲਾਈ 2017 ਦੀ ਮਿਆਦ ਵਿਚ ਘੱਟ ਕੇ 75,583 'ਤੇ ਆ ਗਈ ਹੈ। ਹਾਲਾਂਕਿ ਇਹ ਅੰਕੜਾ ਅਜੇ ਵੀ ਵੱਧ ਹੈ।
Nitin Gadkari
ਇਹਨਾਂ ਸਾਰੇ ਸੜਕ ਹਾਦਸਿਆਂ ਵਿਚ ਸੱਭ ਤੋਂ ਵੱਧ ਮਰਨ ਵਾਲਿਆਂ ਦੀ ਗਿਣਤੀ ਲਗਭਗ 35 ਫ਼ੀ ਸਦੀ ਦੁਪਹੀਆ ਵਾਹਨ ਚਾਲਕਾਂ ਦੀ ਹੁੰਦੀ ਹੈ। ਸਰਕਾਰ ਨੇ ਇਹਨਾਂ ਸੜਕ ਹਾਦਸਿਆਂ ਦੀ ਗਿਣਤੀ ਨੂੰ ਘਟਾਉਣ ਲਈ ਸਾਰੇ ਲੋੜੀਂਦੇ ਉਪਰਾਲੇ ਸ਼ੁਰੂ ਕਰ ਦਿਤੇ ਹਨ। ਇਹਨਾਂ ਕੋਸ਼ਿਸ਼ਾਂ ਵਿਚੋਂ ਹੀ ਇਕ ਹੈ ਦਿਨ ਵਿਚ ਵਾਹਨਾਂ ਦੀ ਹੈਡਲਾਈਟ ਜਗਾਉਣਾ। ਇਸ ਤੋਂ ਇਲਾਵਾ ਸਾਲ 2017 ਵਿਚ ਸੁਪਰੀਮ ਕੋਰਟ ਨੇ ਬੀਐਸ-3 ਵਾਹਨਾਂ ਦੀ ਵਿਕਰੀ ਤੇ ਰੋਕ ਲਗਾ ਦਿਤੀ ਹੈ ।
Implement measures to stop road accidents
ਇਸ 'ਤੇ ਰੋਕ ਲਗਾਏ ਜਾਣ ਤੋਂ ਬਾਅਦ ਹੁਣ 1 ਅਪ੍ਰੈਲ 2017 ਤੋਂ ਆਟੋ ਕੰਪਨੀਆਂ ਵੱਲੋਂ ਬੀਐਸ-3 ਬਾਲਣ ਵਾਲੇ ਵਾਹਨਾਂ ਦਾ ਨਾ ਤਾ ਉਤਪਾਦਨ ਕੀਤਾ ਜਾਵੇਗਾ ਅਤੇ ਨਾ ਹੀ ਵਿਕਰੀ। ਹੁਣ ਕੰਪਨੀਆ ਸਿਰਫ ਬੀਐਸ-4 ਬਾਲਣ ਨਾਲ ਚਲਣ ਵਾਲੇ ਵਾਹਨਾਂ ਦਾ ਉਤਪਾਦਨ ਹੀ ਕਰ ਸਕਣਗੀਆਂ। ਦੱਸ ਦਈਏ ਕਿ ਗੱਡੀਆਂ ਵਿਚ ਦਿਨ ਵਿਚ ਹੈਡਲਾਈਟ ਜਗਾਉਣ ਦਾ ਨਿਯਮ ਯੂਰਪੀ ਦੇਸ਼ਾਂ ਵਿਚ ਪਹਿਲਾਂ ਤੋਂ ਹੀ ਲਾਗੂ ਹੈ ਜਿਸ ਕਾਰਨ ਉਥੇ ਹਾਦਸੇ ਘੱਟ ਹੁੰਦੇ ਹਨ।
