ਇਸ ਕਲਿੱਪ ਨੂੰ ਯੂਜ਼ਰ @nihalsinghlive ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ ਸੀ।
ਚੰਡੀਗੜ੍ਹ: ਸੋਸ਼ਲ ਮੀਡੀਆ ’ਤੇ ਦੋ ਸਿੱਖ ਨੌਜਵਾਨਾਂ ਦਾ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ। ਦੋਹਾਂ ਨੂੰ 'ਤਬਲੇ' ’ਤੇ ਸੇਲੇਨਾ ਗੋਮੇਜ਼ ਅਤੇ ਰੇਮਾ ਦਾ ਮਸ਼ਹੂਰ ਗੀਤ 'ਕਾਲਮ ਡਾਊਨ' ਵਜਾਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਇਸ ਕਲਿੱਪ ਨੂੰ ਯੂਜ਼ਰ @nihalsinghlive ਨੇ ਇੰਸਟਾਗ੍ਰਾਮ 'ਤੇ ਪੋਸਟ ਕੀਤਾ ਸੀ।
ਉਹਨਾਂ ਲਿਖਿਆ, “ਮੇਰੇ ਭਰਾ ਨੇ ਪੂਰੇ 6 ਘੰਟੇ ਲਈ ਉਡਾਣ ਭਰੀ ਅਤੇ ਇਸ ਤਰ੍ਹਾਂ ਅਸੀਂ ਆਪਣਾ ਸਮਾਂ ਬਿਤਾਇਆ। FEEL THE VIBE #CalmDown”।
ਵੀਡੀਓ ਵਿਚ ਦੋ ਸਿੱਖ ਵਿਅਕਤੀ ਇਕ ਬਾਸਕਟਬਾਲ ਕੋਰਟ ਵਿਚਕਾਰ ਇਕ ਮੇਜ਼ ਉੱਤੇ ਰੱਖੇ 'ਤਬਲੇ' ਨਾਲ ਦਿਖਾਈ ਦੇ ਰਹੇ ਹਨ। ਇਕ ਨੌਜਵਾਨ ਬਾਸਕਟਬਾਲ ਨੂੰ ਡ੍ਰੀਬਲ ਕਰਦਾ ਹੋਇਆ ਮੇਜ਼ ਵੱਲ ਦੌੜਦਾ ਹੈ।
ਬੈਕਗ੍ਰਾਉਂਡ ਵਿਚ ਗੀਤ ‘ਕਾਲਮ ਡਾਊਨ’ ਵੱਜ ਰਿਹਾ ਹੈ। ਇਸ ਫਿਊਜ਼ਨ ਨੂੰ ਸਿਰਫ਼ ਭਾਰਤੀ ਹੀ ਨਹੀਂ, ਸਗੋਂ ਪਾਕਿਸਤਾਨੀ ਵੀ ਬਹੁਤ ਪਸੰਦ ਕਰ ਰਹੇ ਹਨ ਅਤੇ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਸ ਵੀਡੀਓ ਨੂੰ ਹੁਣ ਤੱਕ 90 ਹਜ਼ਾਰ ਤੋਂ ਲਾਈਕਸ ਮਿਲ ਚੁੱਕੇ ਹਨ।