ਦਾਸਗੁਪਤਾ ਨੇ ਇਸ ਸਾਲ ਜਨਵਰੀ ’ਚ ਹਾਈ ਕੋਰਟ ’ਚ ਪਟੀਸ਼ਨ ਦਾਇਰ ਕੀਤੀ ਸੀ।
ਮੁੰਬਈ: ਬੰਬਈ ਹਾਈ ਕੋਰਟ ਨੇ ਟੈਲੀਵਿਜਨ ਰੇਟਿੰਗ ਪੁਆਇੰਟਸ (ਟੀ.ਆਰ.ਪੀ.) ਘਪਲੇ ਮਾਮਲੇ ’ਚ ਦੋਸ਼ੀ ਅਤੇ ਬ੍ਰਾਡਕਾਸਟ ਆਡੀਐਂਸ ਰਿਸਰਚ ਕਾਊਂਸਿਲ (ਬਾਰਕ) ਦੇ ਸਾਬਕਾ ਸੀ.ਈ.ਓ. ਪਾਰਥੋ ਦਾਸਗੁਪਤਾ ਦੀ ਜਮਾਨਤ ਮੰਗਲਵਾਰ ਨੂੰ ਸਵੀਕਾਰ ਕਰ ਲਈ। ਜੱਜ ਪੀ.ਡੀ. ਨਾਈਕ ਨੇ 2 ਲੱਖ ਰੁਪਏ ਦੇ ਨਿਜੀ ਮੁਚਲਕੇ ਅਤੇ ਇੰਨੀ ਹੀ ਰਕਮ ਦੇਣ ’ਚ ਸਮਰੱਥ 2 ਜਮਾਨਤੀ ’ਤੇ ਦਾਸਗੁਪਤਾ (55) ਦੀ ਜਮਾਨਤ ਮਨਜ਼ੂਰ ਕਰ ਲਈ। ਅਦਾਲਤ ਨੇ ਦਾਸਗੁਪਤਾ ਨੂੰ 6 ਹਫ਼ਤਿਆਂ ਈ ਸਮਾਨ ਰਕਮ ਦੀ ਅਸਥਾਈ ਨਕਦ ਜਮਾਨਤ ਰਕਮ ਜਮ੍ਹਾ ਕਰਵਾਉਣ ਦੀ ਮਨਜ਼ੂਰੀ ਦੇ ਦਿਤੀ, ਉਦੋਂ ਤਕ ਉਨ੍ਹਾਂ ਨੂੰ 2 ਜਮਾਨਤੀ ਮੁਹਈਆ ਕਰਵਾਉਣੇ ਹੋਣਗੇ।
ਦਾਸਗੁਪਤਾ ਨੇ ਇਸ ਸਾਲ ਜਨਵਰੀ ’ਚ ਹਾਈ ਕੋਰਟ ’ਚ ਪਟੀਸ਼ਨ ਦਾਇਰ ਕੀਤੀ ਸੀ। ਇਸ ਤੋਂ ਪਹਿਲਾਂ ਸੈਸ਼ਨ ਅਦਾਲਤ ਨੇ ਉਨ੍ਹਾਂ ਦੀ ਜਮਾਨਤ ਪਟੀਸ਼ਨ ਖ਼ਾਰਜ਼ ਕਰ ਦਿਤੀ ਸੀ। ਸੈਸ਼ਨ ਅਦਾਲਤ ਨੇ ਕਿਹਾ ਸੀ ਅਜਿਹਾ ਲਗਦਾ ਹੈ ਕਿ ਦਾਸਗੁਪਤਾ ਨੇ ਘਪਲੇ ’ਚ ਅਹਿਮ ਭੂਮਿਕਾ ਨਿਭਾਈ ਅਤੇ ਉਹ ਮੁੱਖ ਯੋਜਨਾਕਰਤਾ ਹਨ।’’ ਦਾਸਗੁਪਤਾ ਨੂੰ ਪਿਛਲੇ ਸਾਲ 24 ਦਸੰਬਰ ਨੂੰ ਗਿ੍ਰਫ਼ਤਾਰ ਕੀਤਾ ਗਿਆ ਸੀ ਅਤੇ ਉਹ ਉਦੋਂ ਤੋਂ ਜੇਲ ’ਚ ਹਨ।