CBSE declare result of 12th
ਸਾਰੇ ਜ਼ੋਨਾਂ ਦਾ ਇਕੱਠਾ ਰਿਜ਼ਲਟ ਹੋਇਆ ਐਲਾਨ
ਚੰਡੀਗੜ੍ਹ: ਸੀਬੀਐਸਸੀ ਨੇ 12ਵੀਂ ਜਮਾਤ ਦੇ ਨਤੀਜੇ ਐਲਾਨ ਦਿਤੇ ਹਨ। ਸਾਰੇ ਜ਼ੋਨਾਂ ਦੇ ਨਤੀਜਿਆਂ ਦਾ ਇਕੱਠਾ ਐਲਾਨ ਕੀਤਾ ਗਿਆ ਹੈ। ਦੱਸ ਦਈਏ ਕਿ 31 ਲੱਖ ਵਿਦਿਆਰਥੀਆਂ ਨੇ 12ਵੀਂ ਦੀ ਪ੍ਰੀਖਿਆ ਦਿਤੀ ਸੀ। ਇੰਨ੍ਹਾਂ ਵਿਚੋਂ 18.1 ਫ਼ੀ ਸਦੀ ਲੜਕੇ ਤੇ 12.9 ਫ਼ੀ ਸਦੀ ਲੜਕੀਆਂ ਸਨ। ਕੁੱਲ ਪਾਸ ਵਿਦਿਆਰਥੀਆਂ ਦੀ ਗੱਲ ਕਰੀਏ ਤਾਂ 83.04 ਫ਼ੀ ਸਦੀ ਵਿਦਿਆਰਥੀ ਨੇ ਪ੍ਰੀਖਿਆ ਪਾਸ ਕੀਤੀ ਹੈ।
CBSE Declare Result of 12th
ਇਸ ਪ੍ਰੀਖਿਆ ਵਿਚੋਂ ਸਭ ਤੋਂ ਪਹਿਲਾ ਸਥਾਨ ਹਾਸਲ ਦੋ ਵਿਦਿਆਰਥਣਾਂ ਨੇ ਕੀਤਾ ਹੈ, ਜਿੰਨ੍ਹਾਂ ਵਿਚੋਂ ਇਕ ਦਿੱਲੀ ਪਬਲਿਕ ਸਕੂਲ ਗਾਜ਼ੀਆਬਾਦ ਤੋਂ ਹੰਸਿਕਾ ਸ਼ੁਕਲਾ ਹੈ ਅਤੇ ਦੂਜੀ ਐਸਵੀਐਮ ਸਕੂਲ ਮੁਜ਼ੱਫ਼ਰਨਗਰ ਤੋਂ ਕ੍ਰਿਸ਼ਮਾ ਅਰੋੜਾ ਹੈ। ਦੋਵਾਂ ਨੇ ਪੂਰੇ ਦੇਸ਼ ਵਿਚੋਂ ਟਾਪ ਕੀਤਾ ਹੈ। ਦੋਵਾਂ ਦੇ ਅੰਕ 500 ਵਿਚੋਂ 499 ਹਨ।
Result Declared
ਦੱਸਣਯੋਗ ਹੈ ਕਿ ਪਹਿਲਾਂ ਖ਼ਬਰ ਸੀ ਕਿ ਇਸ ਵਾਰ ਸੀਬੀਐਸਸੀ ਦੇ ਨਤੀਜੇ 10 ਮਈ ਤੱਕ ਆਉਣਗੇ ਪਰ ਸੀਬੀਐਸਸੀ ਨੇ ਅੱਜ ਵੀਰਵਾਰ ਨੂੰ ਨਤੀਜੇ ਐਲਾਨ ਕੇ ਵਿਦਿਆਰਥੀਆਂ ਨੂੰ ਵੱਡਾ ਸਰਪ੍ਰਾਈਜ਼ ਦਿਤਾ ਹੈ।
