ਫਿਰ 19 ਅਪ੍ਰੈਲ ਨੂੰ ਇਸ ਇਮਾਰਤ ਨੂੰ ਸੀਲ ਕਰ ਦਿੱਤਾ...
ਨਵੀਂ ਦਿੱਲੀ: ਇਕੋ ਇਮਾਰਤ ਦੇ 41 ਲੋਕਾਂ ਦੇ ਕਾਰੋਨਾ ਪਾਜ਼ੀਟਿਵ ਹੋਣ ਕਾਰਨ ਦਿੱਲੀ ਵਿਚ ਹਲਚਲ ਮਚ ਗਈ। ਮਾਮਲਾ ਪੱਛਮੀ ਦਿੱਲੀ ਦੇ ਕਪਾਸ਼ੇਰਾ ਦਾ ਹੈ। ਇਸ ਖੇਤਰ ਵਿਚ ਇਕੋ ਇਮਾਰਤ ਵਿਚ 18 ਅਪ੍ਰੈਲ ਨੂੰ ਕੋਰੋਨਾ ਦੀ ਲਾਗ ਦਾ ਮਾਮਲਾ ਸਾਹਮਣੇ ਆਇਆ ਸੀ।
Corona Virus
ਫਿਰ 19 ਅਪ੍ਰੈਲ ਨੂੰ ਇਸ ਇਮਾਰਤ ਨੂੰ ਸੀਲ ਕਰ ਦਿੱਤਾ ਗਿਆ ਸੀ। ਜਿਸ ਤੋਂ ਬਾਅਦ 175 ਵਿਅਕਤੀਆਂ ਦੇ ਨਮੂਨੇ ਜਾਂਚ ਲਈ ਭੇਜੇ ਗਏ ਸਨ। 11 ਦਿਨਾਂ ਬਾਅਦ 67 ਲੋਕਾਂ ਦੀ ਰਿਪੋਰਟ ਆਈ, 41 ਲੋਕ ਕੋਰੋਨਾ ਸਕਾਰਾਤਮਕ ਨਿਕਲੇ. ਨਮੂਨਾ ਟੈਸਟ ਨੋਇਡਾ ਦੀ ਲੈਬ ਵਿਚ ਭੇਜਿਆ ਗਿਆ ਸੀ। ਸਿਹਤ ਮੰਤਰਾਲੇ ਅਨੁਸਾਰ ਭਾਰਤ 'ਚ ਕੋਰੋਨਾ ਵਾਇਰਸ (COVID-19) ਦੇ 37,336 ਮਾਮਲੇ ਸਾਹਮਣੇ ਆ ਗਏ ਹਨ।
Coronavirus
ਇਨ੍ਹਾਂ ਵਿਚੋਂ 26,167 ਲੋਕਾਂ ਦਾ ਇਲਾਜ ਜਾਰੀ ਹੈ। 9950 ਲੋਕ ਠੀਕ ਹੋਗਏ ਹਨ ਤੇ 1218 ਲੋਕਾਂ ਦੀ ਮੌਤ ਹੋ ਗਈ ਹੈ। ਬੀਤੇ 24 ਘੰਟਿਆਂ 'ਚ 2293 ਨਵੇਂ ਕੇਸ ਤੇ 71 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ। ਇਹ ਹੁਣ ਤਕ ਦੇ ਇਕ ਦਿਨ ਵਿਚ ਸਭ ਤੋਂ ਵੱਧ ਕੇਸ ਹਨ। ਮਹਾਰਾਸ਼ਟਰ 'ਚ ਮਰੀਜ਼ਾਂ ਦੀ ਗਿਣਤੀ 11,506 ਹੋ ਗਈ। ਇਨ੍ਹਾਂ ਵਿਚੋਂ ਮਰਨ ਵਾਲਿਆਂ ਦੀ ਗਿਣਤੀ 485 ਹੋ ਗਈ ਹੈ। ਹੁਣ ਤਕ 1,879 ਠੀਕ ਹੋ ਕੇ ਘਰ ਜਾ ਚੁੱਕੇ ਹਨ।
Coronavirus
ਗੁਜਰਾਤ 'ਚ 4721 ਮਾਮਲੇ ਸਾਹਮਣੇ ਆ ਗਏ ਹਨ। ਇਨ੍ਹਾਂ ਵਿਚੋਂ 735 ਲੋਕ ਠੀਕ ਹੋ ਗਏ ਹਨ ਤੇ 236 ਲੋਕਾਂ ਦੀ ਮੌਤ ਹੋ ਗਈ ਹੈ। ਦਿੱਲੀ 'ਚ 3738 ਮਾਮਲੇ ਸਾਹਮਣੇ ਆ ਗਏ ਹਨ। ਇਨ੍ਹਾਂ ਵਿਚੋਂ 1167 ਲੋਕ ਠੀਕ ਹੋ ਗਏ ਹਨ ਤੇ 61 ਲੋਕਾਂ ਦੀ ਮੌਤ ਹੋ ਗਈ ਹੈ।
Coronavirus
ਪੰਜਾਬ ਦੇ 22 ਜ਼ਿਲ੍ਹਿਆਂ ਵਿਚੋਂ 22 ਜ਼ਿਲ੍ਹੇ ਕੋਰੋਨਾ ਦੀ ਲਪੇਟ ਵਿੱਚ ਹਨ। ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿਚ ਕੋਰੋਨਾ ਦੀ ਲਾਗ ਦੇ ਮਰੀਜ਼ਾਂ ਦੀ ਗਿਣਤੀ ਇਸ ਤਰ੍ਹਾਂ ਹੈ। ਜਲੰਧਰ 'ਚ 105, ਮੋਹਾਲੀ 'ਚ 92, ਪਟਿਆਲਾ 'ਚ 65, ਲੁਧਿਆਣਾ 'ਚ 76, ਅੰਮ੍ਰਿਤਸਰ 'ਚ 90, ਪਠਾਨਕੋਟ ਵਿਚ 25, ਐਸਬੀਐਸ ਨਗਰ 'ਚ 23, ਤਰਨ ਤਾਰਨ 'ਚ 14, ਮਾਨਸਾ 'ਚ 13, ਕਪੂਰਥਲਾ ਵਿਚ 12 ਸਾਹਮਣੇ ਆਏ।
Corona Virus
ਹੁਸ਼ਿਆਰਪੁਰ 'ਚ 11, ਫਰੀਦਕੋਟ 'ਚ 6, ਸੰਗਰੂਰ 'ਚ 6, ਮੋਗਾ 'ਚ 5, ਗੁਰਦਾਸਪੁਰ 'ਚ 4, ਮੁਕਤਸਰ 'ਚ 4, ਰੋਪੜ 'ਚ 5, ਬਰਨਾਲਾ 'ਚ 2, ਫ਼ਤਿਹਗੜ੍ਹ ਸਾਹਿਬ 'ਚ 3, ਬਠਿੰਡਾ 'ਚ 2 ਅਤੇ ਫ਼ਿਰੋਜ਼ਪੁਰ 'ਚ 17 ਕੋਰੋਨਾ ਪਾਜ਼ੀਟਿਵ ਕੇਸ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
