Air India -ਡੀਜੀਸੀਏ ਨੇ ਏਅਰ ਇੰਡੀਆ ਨੂੰ ਫਲਾਈਟਾਂ 'ਚ ਦੇਰੀ ਅਤੇ ਯਾਤਰੀਆਂ ਦੀ ਦੇਖਭਾਲ ਨਾ ਕਰਨ 'ਤੇ ਕਾਰਨ ਦੱਸੋ ਨੋਟਿਸ ਕੀਤਾ ਜਾਰੀ
Air India - ਦਿੱਲੀ -1 ਜੂਨ ਨੂੰ ਵੈਨਕੂਵਰ ਲਈ ਏਅਰ ਇੰਡੀਆ ਦੀ ਉਡਾਣ ਲਗਭਗ 22 ਘੰਟਿਆਂ ਦੀ ਦੇਰੀ ਤੋਂ ਬਾਅਦ ਐਤਵਾਰ ਸਵੇਰੇ 3.15 ਵਜੇ ਰਵਾਨਾ ਹੋਈ। ਇਕ ਸੂਤਰ ਨੇ ਇਹ ਜਾਣਕਾਰੀ ਦਿੱਤੀ। ਫਲਾਈਟ ਨੇ ਸ਼ਨੀਵਾਰ ਨੂੰ ਸਵੇਰੇ 5.30 ਵਜੇ ਉਡਾਣ ਭਰਨੀ ਸੀ, ਪਰ 'ਤਕਨੀਕੀ' ਮੁੱਦੇ ਕਾਰਨ ਏਅਰਲਾਈਨ ਨੂੰ ਇਸ ਨੂੰ ਦੁਬਾਰਾ ਤਹਿ ਕਰਨਾ ਪਿਆ।
ਇਹ ਵੀ ਪੜੋ:EVM machines : ਸਾਰੀਆਂ ਈਵੀਐਮ ਮਸ਼ੀਨਾਂ ਸੁਖਜਿੰਦਰਾ ਗਰੁੱਪ ਆਫ਼ ਇੰਸਟੀਚਿਊਟ ਦੇ ਸਟਰਾਂਗ ਰੂਮ ’ਚ ਪਹੁੰਚੀਆਂ ਗਈਆਂ
"ਏਅਰ ਇੰਡੀਆ ਦੀ ਦਿੱਲੀ-ਵੈਨਕੂਵਰ ਉਡਾਣ, ਜੋ ਸ਼ਨੀਵਾਰ ਸਵੇਰੇ ਰਵਾਨਾ ਹੋਣੀ ਸੀ, ਆਖਰਕਾਰ ਐਤਵਾਰ ਨੂੰ ਲਗਭਗ 3.15 ਵਜੇ ਰਵਾਨਾ ਹੋਈ," ਸੂਤਰ ਨੇ ਕਿਹਾ। ਏਅਰ ਇੰਡੀਆ ਦੇ ਬੁਲਾਰੇ ਨੇ ਸ਼ਨੀਵਾਰ ਨੂੰ ਇੱਕ ਬਿਆਨ ’ਚ ਕਿਹਾ, "ਫਲਾਈਟ ਏਆਈ 185... ਇੱਕ ਤਕਨੀਕੀ ਸਮੱਸਿਆ ਕਾਰਨ ਅਤੇ ਬਾਅਦ ਵਿਚ ਚਾਲਕ ਦਲ ਦੇ ਲਾਜ਼ਮੀ ਫਲਾਈਟ ਡਿਊਟੀ ਸ਼ਡਿਊਲ ਵਿੱਚ ਆਉਣ ਕਾਰਨ ਦੇਰੀ ਹੋਈ।" ਪਿਛਲੇ ਇੱਕ ਹਫ਼ਤੇ ’ਚ ਇਹ ਘੱਟੋਂ-ਘੱਟ ਤੀਜੀ ਵਾਰ ਸੀ ਜਦੋਂ ਏਅਰ ਇੰਡੀਆ ਦੀਆਂ ਲੰਬੀਆਂ ਉਡਾਣਾਂ ਨੂੰ ਕਿਸੇ ਨਾ ਕਿਸੇ ਕਾਰਨ ਕਰਕੇ ਬਹੁਤ ਜ਼ਿਆਦਾ ਦੇਰੀ ਦਾ ਸਾਹਮਣਾ ਕਰਨਾ ਪਿਆ।
ਇਹ ਵੀ ਪੜੋ:Punjab News :ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਨੇ ਚੋਣ ਨਤੀਜੇ ਆਉਣ ਮਗਰੋਂ ਜੇਤੂ ਉਮੀਦਵਾਰਾਂ ਨੂੰ ਕੀਤੀ ਅਪੀਲ
ਇਸ ਤੋਂ ਪਹਿਲਾਂ ਏਅਰਲਾਈਨ ਦੀ ਦਿੱਲੀ-ਸਾਨ ਫਰਾਂਸਿਸਕੋ ਫਲਾਈਟ, ਜੋ ਵੀਰਵਾਰ ਨੂੰ ਕਰੀਬ 3:30 ਵਜੇ ਰਵਾਨਾ ਹੋਣੀ ਸੀ, ਅਗਲੇ ਦਿਨ ਸਵੇਰੇ 9:55 ਵਜੇ ਰਵਾਨਾ ਹੋਈ। ਕਰੀਬ 30 ਘੰਟੇ ਦੀ ਦੇਰੀ ਹੋਈ। ਉਡਾਣ ’ਚ ਦੇਰੀ ਕਾਰਨ ਯਾਤਰੀਆਂ ਨੂੰ ਹੋਣ ਵਾਲੀ ਅਸੁਵਿਧਾ ਦੇ ਬਾਵਜੂਦ, ਟਾਟਾ ਸਮੂਹ ਦੀ ਮਾਲਕੀ ਵਾਲੀ ਏਅਰਲਾਈਨ ਨੇ ਕੋਈ ਅਧਿਕਾਰਤ ਬਿਆਨ ਜਾਰੀ ਨਹੀਂ ਕੀਤਾ ਸੀ।
ਇਹ ਵੀ ਪੜੋ:Mumbai News : ਮੁੰਬਈ ਦੀ ਇਕ ਬਹੁਮੰਜ਼ਿਲਾ ਇਮਾਰਤ 'ਚ ਲੱਗੀ ਅੱਗ 'ਤੇ ਤਿੰਨ ਘੰਟਿਆਂ 'ਚ ਪਾਇਆ ਕਾਬੂ
ਹਾਲਾਂਕਿ, ਸ਼ਨੀਵਾਰ ਨੂੰ, ਏਅਰਲਾਈਨ ਨੇ ਮਾਫ਼ੀ ਮੰਗੀ ਅਤੇ ਬੋਇੰਗ 777 ਏਅਰਕ੍ਰਾਫਟ ਦੇ ਗੈਰ-ਕਾਰਜਸ਼ੀਲ ਏਅਰ ਕੰਡੀਸ਼ਨਿੰਗ ਸਿਸਟਮ ਸਮੇਤ ਕਈ ਕਾਰਕਾਂ ਦੇ ਕਾਰਨ ਸੈਨ ਫਰਾਂਸਿਸਕੋ ਫਲਾਈਟ ਦੀ ਭਾਰੀ ਦੇਰੀ ਲਈ ਹਰੇਕ ਯਾਤਰੀ ਨੂੰ US$350 ਯਾਤਰਾ ਵਾਊਚਰ ਦੀ ਪੇਸ਼ਕਸ਼ ਕੀਤੀ।
ਤੁਹਾਨੂੰ ਦੱਸ ਦੇਈਏ ਕਿ ਸ਼ੁੱਕਰਵਾਰ ਨੂੰ ਡੀਜੀਸੀਏ ਨੇ ਏਅਰ ਇੰਡੀਆ ਨੂੰ ਕੁਝ ਫਲਾਈਟਾਂ 'ਚ ਦੇਰੀ ਅਤੇ ਯਾਤਰੀਆਂ ਦੀ ਦੇਖਭਾਲ ਨਾ ਕਰਨ 'ਤੇ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ।
(For more news apart from Air India Delhi-Vancouver flight departed after delay of 22 hours News in Punjabi, stay tuned to Rozana Spokesman)
