ਸਕੂਲ, ਕਾਲਜ, ਦਫ਼ਤਰ ਰਹੇ ਬੰਦ, ਪ੍ਰੀਖਿਆਵਾਂ ਰੱਦ
ਮੁੰਬਈ : ਮੁੰਬਈ 'ਚ ਪਿਛਲੇ ਕੁਝ ਦਿਨਾਂ ਤੋਂ ਜਾਰੀ ਮੀਂਹ ਨੇ ਆਮ ਲੋਕਾਂ ਦਾ ਜੀਉਣਾ ਮੁਸ਼ਕਲ ਕਰ ਦਿੱਤਾ ਹੈ। ਮੀਂਹ ਕਾਰਨ ਸਕੂਲ-ਕਾਲਜ ਬੰਦ ਹਨ। ਪ੍ਰੀਖਿਆਵਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ। ਸ਼ਹਿਰ ਦੀ ਰਫ਼ਤਾਰ ਹੌਲੀ ਹੋ ਗਈ ਹੈ ਅਤੇ ਲੋਕ ਘਰਾਂ 'ਚ ਕੈਦ ਹੋਣ ਨੂੰ ਮਜਬੂਰ ਹਨ। ਸੋਮਵਾਰ ਰਾਤ ਨੂੰ ਮੋਹਲੇਧਾਰ ਮੀਂਹ ਤੋਂ ਬਾਅਦ ਮੰਗਲਵਾਰ ਨੂੰ ਵੀ ਮੀਂਹ ਜਾਰੀ ਰਿਹਾ। ਮੀਂਹ ਕਾਰਨ ਸ਼ਹਿਰ 'ਚ ਬਣੇ ਹਾਲਾਤ ਵੇਖ ਕੇ ਹੀ ਪਤਾ ਲੱਗਦਾ ਹੈ ਕਿ ਕਿੰਨਾ ਮੀਂਹ ਪਿਆ ਹੈ। ਇਹ ਗੱਲ ਮੌਸਮ ਵਿਭਾਗ ਦੀ ਸਾਂਤਾ ਕਰੂਜ਼ ਸਥਿਤ ਆਬਜ਼ਰਵੇਟਰੀ ਦੇ ਅੰਕੜਿਆਂ ਤੋਂ ਸਾਬਤ ਹੁੰਦੀ ਹੈ।
When Marol naka became Juhu beach at night #MumbaiRainsLiveUpdates #MumbaiRainlive #MumbaiRain #mumbaimonsoon pic.twitter.com/ETwJhZcVTe
— Farhan khan (@Farhank1026) 2 July 2019
ਇਥੇ ਦਰਜ ਕੀਤੀ ਗਈ ਬਾਰਸ਼ ਮੁਤਾਬਕ ਮੰਗਲਵਾਰ ਦੁਪਹਿਰ 3 ਵਜੇ ਤਕ 24 ਘੰਟੇ ਅੰਦਰ 425 ਮਿਲੀਮੀਟਰ ਮੀਂਹ ਪਿਆ। ਪਿਛਲੇ 44 ਸਾਲ 'ਚ ਇਸ ਤੋਂ ਪਹਿਲਾਂ ਸੱਭ ਤੋਂ ਵੱਧ ਮੀਂਹ 26 ਜੁਲਾਈ 2005 ਨੂੰ ਪਿਆ ਸੀ, ਜਦੋਂ ਦੁਗਣੇ ਤੋਂ ਵੱਧ 944 ਮਿਲੀਮੀਟਰ ਮੀਂਹ ਰਿਕਾਰਡ ਕੀਤਾ ਗਿਆ ਸੀ। ਕਈ ਇਲਾਕਿਆਂ 'ਚ 5 ਤੋਂ 6 ਫੁਟ ਪਾਣੀ ਭਰ ਗਿਆ ਹੈ।
#WATCH Maharashtra: Andheri Subway in Mumbai is closed due to flooding in the area. #MumbaiRains pic.twitter.com/9J4hNyzQTn
— ANI (@ANI) 2 July 2019
ਮੀਂਹ ਕਾਰਨ ਮਹਾਰਾਸ਼ਟਰ 'ਚ ਪਿਛਲੇ 24 ਘੰਟੇ ਵਿਚ 32 ਲੋਕਾਂ ਦੀ ਮੌਤ ਹੋਈ ਹੈ। ਇਸ 'ਚ ਮੁੰਬਈ 'ਚ 20, ਪੁਣੇ 'ਚ 6 ਅਤੇ ਕਲਿਆਣ ਤੇ ਨਾਸਿਕ 'ਚ 3-3 ਲੋਕਾਂ ਦੀ ਜਾਨ ਗਈ ਹੈ। ਮਲਾਡ ਦੇ ਸਬ-ਵੇਅ 'ਚ ਇਕ ਕਾਰ ਪਾਣੀ ਅੰਦਰ ਡੁੱਬ ਗਈ, ਜਿਸ 'ਚ ਸਵਾਰ ਦੋ ਨੌਜਵਾਨ ਗੁਲਸ਼ਾਦ ਅਤੇ ਇਰਫ਼ਾਨ ਦੀ ਮੌਤ ਹੋ ਗਈ। ਹਾਲਾਤ ਇੰਨੇ ਖ਼ਰਾਬ ਹੋ ਗਏ ਹਨ ਕਿ ਹੁਣ ਸੜਕਾਂ 'ਤੇ ਮਦਦ ਕਰਨ ਲਈ ਜਲ ਸੈਨਾ ਨੂੰ ਉਤਰਨਾ ਪਿਆ ਹੈ। ਬੀ.ਐਮ.ਸੀ. ਦੀ ਅਪੀਲ 'ਤੇ ਮੁੰਬਈ ਦੇ ਕੁਰਲਾ ਇਲਾਕੇ ਵਿਚ ਜਲ ਸੈਨਾ ਟੀਮ ਪੁੱਜੀ ਹੈ। ਇੱਥੇ ਚਾਰੇ ਪਾਸੇ ਪਾਣੀ ਭਰਿਆ ਹੋਇਆ ਹੈ। ਐਨ.ਡੀ.ਆਰ.ਐਫ, ਫ਼ਾਇਰ ਬ੍ਰਿਗੇਡ, ਜਲ ਸੈਨਾ ਦੀਆਂ ਟੀਮਾਂ ਦੇ ਨਾਲ-ਨਾਲ ਸਥਾਨਕ ਸਵੈ-ਸੇਵਕਾਂ ਦੀ ਮਦਦ ਨਾਲ ਲਗਭਗ 1000 ਲੋਕਾਂ ਨੂੰ ਸੁਰੱਖਿਅਤ ਥਾਂ 'ਤੇ ਭੇਜਿਆ ਗਿਆ ਹੈ।
BMC started gondola ride in Mumbai like Venice to attract more tourist #Mumbaikars #MumbaiRain pic.twitter.com/w0G7RIGxIB
— Imaginatorsourav (@Imaginatorsour1) 2 July 2019
ਅਗਲੇ 48 ਘੰਟੇ 'ਚ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ ਜਾਰੀ :
ਮੌਸਮ ਵਿਭਾਗ ਨੇ ਅਗਲੇ 48 ਘੰਟੇ ਲਈ ਮੁੰਬਈ 'ਚ ਭਾਰੀ ਮੀਂਹ ਪੈਣ ਦੀ ਚਿਤਾਵਨੀ ਜਾਰੀ ਕੀਤੀ ਹੈ। ਮੌਸਮ ਵਿਭਾਗ ਮੁਤਾਬਕ ਮੁੰਬਈ ਅਤੇ ਉਪਨਗਰੀ ਹਿੱਸਿਆਂ 'ਚ ਬਹੁਤ ਜ਼ਿਆਦਾ ਮੀਂਹ ਪੈਣ ਦੀ ਸੰਭਾਵਨਾ ਹੈ। ਸੈਲਾਨੀਆਂ ਨੂੰ ਪਹਾੜੀ ਖੇਤਰਾਂ 'ਤੇ ਨਾ ਜਾਣ ਦੀ ਸਲਾਹ ਦਿੱਤੀ ਗਈ ਹੈ। ਮੌਸਮ ਵਿਭਾਗ ਮੁਤਾਬਕ ਵਲਸਾਡ, ਨਵਸਾਰੀ, ਡਾਂਗ ਜ਼ਿਲ੍ਹਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਦਮਨ ਅਤੇ ਦਾਦਰਾ ਨਗਰ ਹਵੇਲੀ 'ਚ ਭਾਰੀ ਮੀਂਹ ਪੈ ਸਕਦਾ ਹੈ।