ਪਾਣੀ ਤੋਂ ਵੀ ਸਸਤੀ ਹੋਈ ਕੱਚੇ ਤੇਲ ਦੀ ਕੀਮਤ
ਨਵੀਂ ਦਿੱਲੀ : ਕੱਚੇ ਤੇਲ ਦੀਆਂ ਕੀਮਤਾਂ ‘ਚ ਗਿਰਾਵਟ ਦਾ ਰੁਝਾਨ ਲਗਾਤਾਰ ਜਾਰੀ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੀ ਕੀਮਤ ਨੇ ਇਕ ਵਾਰ ਫਿਰ ਵੱਡੀ ਟੁੰਭੀ ਮਾਰੀ ਹੈ। ਵਾਅਦਾ ਬਾਜ਼ਾਰ 'ਚ ਬ੍ਰੈਂਟ ਕੱਚੇ ਤੇਲ ਦੀ ਕੀਮਤ 3.14 ਡਾਲਰ ਦੀ ਗਿਰਾਵਟ ਦੇ ਨਾਲ 36.75 ਡਾਲਰ ਪ੍ਰੀਤ ਬੈਰਲ ‘ਤੇ ਪਹੁੰਚ ਗਈ ਹੈ। ਉੱਥੇ ਹੀ WTI ਕੱਚੇ ਤੇਲ 'ਚ ਵੀ 3.63 ਡਾਲਰ ਦੀ ਨਰਮੀ ਦੇ ਨਾਲ 34.49 ਡਾਲਰ ਪ੍ਰਤੀ ਬੈਰਲ ਤੇ ਕਾਰੋਬਾਰ ਹੋ ਰਿਹਾ ਹੈ।
Crude oil
ਡਾਲਰ ਦੇ ਮੁਕਾਬਲੇ ਰੁਪਏ ਦੀ ਕੀਮਤ ਇਸ ਵੇਲੇ 74.10 ਰੁਪਏ ਚੱਲ ਰਹੀ ਹੈ। ਇਕ ਬੈਰਲ ਵਿਚ 159 ਲੀਟਰ ਕੱਚਾ ਤੇਲ ਹੁੰਦਾ ਹੈ। ਇਸ ਹਿਸਾਬ ਨਾਲ 1 ਬੈਰਲ ਬ੍ਰੈਂਟ ਕੱਚੇ ਤੇਲ ਦੀ ਕੀਮਤ 2723.18 ਰੁਪਏ ਬਣਦੀ ਹੈ। 2723.18 ਨੂੰ 159 ਤੇ ਵੰਡਣ ਤੇ ਇਕ ਲੀਟਰ ਬ੍ਰੈਂਟ ਕੱਚੇ ਤੇਲ ਦੀ ਕੀਮਤ 17.13 ਰੁਪਏ ਬਣਦੀ ਹੈ। ਜਦਕਿ ਪਾਣੀ ਦੀ ਇਕ ਲੀਟਰ ਵਾਲੀ ਬੋਤਲ ਦੀ ਕੀਮਤ ਇਸ ਵੇਲੇ 20 ਰੁਪਏ ਚੱਲ ਰਹੀ ਹੈ ਜੋ ਕੱਚੇ ਤੇਲ ਦੀ ਕੀਮਤ ਤੋਂ 3 ਰੁਪਏ ਵਧੇਰੇ ਹੈ।
crude oil
ਕਾਬਲੇਗੌਰ ਹੈ ਕਿ ਮੌਜੂਦਾ ਸਮੇਂ ਕੱਚੇ ਤੇਲ ਦੀ ਕੀਮਤ ਭਾਵੇਂ ਪਾਣੀ ਤੋਂ ਵੀ ਹੇਠਾਂ ਜਾ ਚੁਕੀ ਹੈ ਪਰ ਖਪਤਕਾਰਾਂ ਨੂੰ ਇਸਦਾ ਲਾਭ ਮਿਲਣਾ ਕੇਂਦਰ ਸਰਕਾਰ ਦੀ ਨੀਅਤ ‘ਤੇ ਨਿਰਭਰ ਕਰਦਾ ਹੈ। ਕੱਚੇ ਤੇਲ ਦੀਆਂ ਕੀਮਤਾਂ ‘ਚ ਗਿਰਾਵਟ ਦਾ ਦੌਰ ਕਰੋਨਾ ਦੀ ਆਮਦ ਨਾਲ ਹੀ ਸ਼ੁਰੂ ਹੋ ਗਿਆ ਸੀ। ਕੇਂਦਰ ਸਰਕਾਰ ਨੇ ਇਸ ਦਾ ਲਾਭ ਖਪਤਕਾਰਾਂ ਨੂੰ ਦੇਣ ਦੀ ਥਾਂ ਟੈਕਸ ‘ਚ ਵਾਧਾ ਕਰ ਬਚਤ ਦਾ ਮੂੰਹ ਆਪਣੇ ਖਜਾਨੇ ਵੱਲ ਮੌੜ ਲਿਆ।
crude oil
ਇਸ ਤੋਂ ਬਾਅਦ ‘ਚ ਇਕ ਵਾਰ ਕੀਮਤਾਂ ‘ਚ ਉਛਾਲ ਬਾਅਦ ਟੈਕਸ ‘ਚ ਕਟੌਤੀ ਦੀ ਥਾਂ ਇਸ ਦਾ ਬੋਝ ਵੀ ਸਿੱਧਾ ਖਪਤਕਾਰਾਂ ‘ਤੇ ਪਾ ਦਿੱਤਾ ਗਿਆ ਸੀ। ਹੁਣ ਜਦੋਂ ਕੱਚੇ ਤੇਲ ਦੀਆਂ ਕੀਮਤਾਂ 36.75 ਡਾਲਰ ਪ੍ਰੀਤੀ ਬੈਰਲ ‘ਤੇ ਪਹੁੰਚ ਚੁੱਕੀ ਹੈ ਤਾਂ ਖਪਤਕਾਰਾਂ ਨੂੰ ਇਕ ਵਾਰ ਫਿਰ ਰਾਹਤ ਮਿਲਣ ਦੀ ਉਮੀਦ ਜਾਗੀ ਹੈ।
