ਇਸ ਦੌਰਾਨ ਕੁੱਝ ਵਿਦਿਆਰਥੀਆਂ ਨੇ ਗਾਂਧੀਗੀਰੀ ਦਾ ਰਾਸਤਾ ਅਪਣਾਉਂਦੇ ਹੋਏ ਅਪਣਾ...
ਨਵੀਂ ਦਿੱਲੀ: ਜਾਮਿਆ ਮਾਲਿਆ ਇਸਲਾਮਿਆ ਯੂਨੀਵਰਸਿਟੀ ਦੇ ਬਾਹਰ ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ ਜਾਰੀ ਪ੍ਰਦਰਸ਼ਨ ਵਿਚ ਵੀਰਵਾਰ ਨੂੰ ਸ਼ਾਮਲ ਹੋਣ ਆਏ ਹੋਰ ਸਥਾਨਾਂ ਦੇ ਕਈ ਵਿਦਿਆਰਥੀਆਂ ਅਤੇ ਚਿੱਤਰਕਾਰਾਂ ਨੇ ਜਾਮਿਆ ਦੇ ਬਾਹਰ ਮੁੱਖ ਸੜਕ ’ਤੇ ਕਈ ਪੇਟਿੰਗ ਬਣਾ ਕੇ ਵਿਰੋਧ ਕੀਤਾ।
ਪ੍ਰਦਰਸ਼ਨ ਵਿਚ ਸ਼ਾਮਲ ਵਿਦਿਆਰਥੀ ਆਮਿਰ ਮੀਰ ਮੁਤਾਬਕ ਵਿਦਿਆਰਥੀਆਂ ਦੁਆਰਾ ‘ਕਾਲ ਫਾਰ ਆਰਟਿਸਟ’ ਨਾਮ ਤੋਂ ਇਕ ਅਭਿਆਨ ਚਲਾਇਆ ਗਿਆ ਜਿਸ ਦੇ ਅੰਤਰਗਤ ਵਿਰੋਧ ਸਥਾਨ ’ਤੇ ਕਲਾਕਾਰਾਂ ਨੂੰ ਆਉਣ ਬਾਰੇ ਕਿਹਾ ਸੀ। ਜਦੋਂ ਕਲਾਕਾਰ ਆਏ ਤਾਂ ਪ੍ਰਦਰਸ਼ਨਕਾਰੀਆਂ ਨੇ ਉਹਨਾਂ ਨੂੰ ਚਿੱਤਰਾਂ ਰਾਹੀਂ ਵਿਰੋਧ ਕਰਨ ਦੀ ਮੰਗ ਕੀਤੀ। ਇਹਨਾਂ ਕਲਾਕਾਰਾਂ ਨੇ ਸੜਕ ’ਤੇ ਕਈ ਰੰਗੋਲੀਆਂ, ਚਿੱਤਰ, ਪੇਟਿੰਗਸ ਅਤੇ ਪੋਸਟਰ ਬਣਾ ਕੇ ਅਪਣੀ ਆਵਾਜ਼ ਨੂੰ ਸਰਕਾਰ ਤਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ।
ਉਹਨਾਂ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਪੇਟਿੰਗ ਬਣਾ ਕੇ ਨਾਗਰਿਕਤਾ ਕਾਨੂੰਨ ਅਤੇ ਐਨਆਰਸੀ ’ਤੇ ਅਪਣਾ ਵਿਰੋਧ ਜਤਾਇਆ। ਜਾਮਿਆ ਵਿਚ ਜੁਟੇ ਕਲਾਕਾਰਾਂ ਨੇ ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਵਿਚ ਸੜਕ ’ਤੇ ਪੇਟਿੰਗ ਦੁਆਰਾ ਉਰਦੂ ਦੇ ਲੋਕਪ੍ਰਿਯ ਸ਼ਾਇਰ ਸਾਹਿਰ ਲੁਧਿਆਨਵੀ ਦਾ ਸ਼ੇਅਰ “ਏ ਰਹਿਬਰ-ਏ-ਮੁਲਕ-ਓ-ਕੌਮ ਬਤਾ ਯਹ ਕਿਸਕਾ ਲਹੂ ਹੈ ਕੌਣ ਮਰਾ”, ਲਿਖ ਕੇ ਵਿਰੋਧ ਜਤਾਇਆ।
ਇਸ ਤੋਂ ਇਲਾਵਾ ਨੋ ਸੀਏਏ, ਨੋ ਐਨਆਰਸੀ, ਪੀਐਮ ਮੋਦੀ ਦੀ ਤਸਵੀਰ ਬਣਾ ਕੇ ਵਿਰੋਧ ਦਾ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕੀਤੀ। ਇਹ ਵਿਰੋਧ ਪ੍ਰਦਰਸ਼ਨ ਦਾ 21ਵਾਂ ਦਿਨ ਸੀ। ਵਿਦਿਆਰਥੀ ਰੋਜ਼ ਨਵੇਂ ਤਰੀਕੇ ਨਾਲ ਵਿਰੋਧ ਪ੍ਰਦਰਸ਼ਨ ਕਰਦੇ ਹਨ। ਦਸ ਦਈਏ ਕਿ ਸ਼ੁਰੂਆਤੀ ਦਿਨਾਂ ਦੇ ਭਾਸ਼ਣਾਂ ਵਿਚ ਅਤੇ ਨਾਅਰਿਆਂ ਤੋਂ ਬਾਅਦ ਹੁਣ ਕਲਾਤਮਕ ਅਤੇ ਸੰਸਕ੍ਰਿਤੀ ਦਾ ਇਸਤੇਮਾਲ ਇਸ ਵਿਰੋਧ ਪ੍ਰਦਰਸ਼ਨ ਵਿਚ ਕੀਤਾ ਜਾ ਰਿਹਾ ਹੈ।
ਇਸ ਦੌਰਾਨ ਕੁੱਝ ਵਿਦਿਆਰਥੀਆਂ ਨੇ ਗਾਂਧੀਗੀਰੀ ਦਾ ਰਾਸਤਾ ਅਪਣਾਉਂਦੇ ਹੋਏ ਅਪਣਾ ਵਿਰੋਧ ਦਰਜ ਕਰਵਾਉਣ ਲਈ ਸੱਤਿਆਗ੍ਰਹਿ ਕਰਦੇ ਹੋਏ ਭੁੱਖ ਹੜਤਾਲ ਕਰਨ ਦਾ ਐਲਾਨ ਕੀਤਾ ਹੈ। ਇਸ ਤਹਿਤ ਰੋਜ਼ਾਨਾ ਜਾਮਿਆ ਦੇ 8 ਤੋਂ 10 ਮੌਜੂਦਾ ਅਤੇ ਸਾਬਕਾ ਵਿਦਿਆਰਥੀ ਭੁੱਖ ਹੜਤਾਲ ਤੇ ਬੈਠਣਗੇ। ਵਿਦਿਆਰਥੀਆਂ ਦਾ ਕਹਿਣਾ ਹੈ ਕਿ ਜਦੋਂ ਤਕ ਨਾਗਰਿਕਤਾ ਸੋਧ ਕਾਨੂੰਨ ਵਾਪਸ ਨਹੀਂ ਲਿਆ ਜਾਵੇਗਾ ਉਦੋਂ ਤਕ ਉਹ ਗਾਂਧੀ ਜੀ ਦੇ ਰਾਸਤੇ ’ਤੇ ਚਲ ਕੇ ਅਪਣਾ ਸੱਤਿਆਗ੍ਰਹਿ ਜਾਰੀ ਰੱਖਣਗੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।