ਪੀਐਮ ਨੇ ਕਿਹਾ ਕਿ ਜੋ ਲੋਕ ਅੱਜ ਭਾਰਤ ਦੀ ਸੰਸਦ ਦੇ ਖਿਲਾਫ ਅੰਦੋਲਨ ਕਰ ਰਹੇ ਹਨ...
ਨਵੀਂ ਦਿੱਲੀ: ਪੀਐਮ ਨਰਿੰਦਰ ਮੋਦੀ ਦੋ ਦਿਨ ਕਰਨਾਟਕ ਦੇ ਦੌਰੇ ਤੇ ਹਨ। ਇਸ ਦੌਰਾਨ ਤੁਮਕੁਰੂ ਵਿਚ ਇਕ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਨਾਗਰਿਕਤਾ ਕਾਨੂੰਨ ਦੇ ਖਿਲਾਫ ਹੋ ਰਹੇ ਪ੍ਰਦਰਸ਼ਨ ਨੂੰ ਲੈ ਕੇ ਕਾਂਗਰਸ ਤੇ ਨਿਸ਼ਾਨਾ ਸਾਧਿਆ। ਉਹਨਾਂ ਕਿਹਾ ਕਿ ਜੇ ਤੁਸੀਂ ਨਾਅਰੇ ਲਗਾਉਣੇ ਹੀ ਹਨ ਤਾਂ ਪਾਕਿਸਤਾਨ ਵਿਚ ਜਿਸ ਤਰ੍ਹਾਂ ਘਟ ਗਿਣਤੀ ਵਾਲਿਆਂ ਤੇ ਅੱਤਿਆਚਾਰ ਹੋ ਰਿਹਾ ਹੈ ਉਸ ਨਾਲ ਜੁੜੇ ਨਾਅਰੇ ਲਗਾਏ।
ਜੇ ਤੁਸੀਂ ਜਲੂਸ ਕੱਢਣਾ ਹੀ ਹੈ ਤਾਂ ਪਾਕਿਸਤਾਨ ਤੋਂ ਆਏ ਹਿੰਦੂ-ਦਲਿਤ ਪੀੜਤਾਂ, ਸ਼ੋਸ਼ਣਕਾਰ ਦੇ ਸਮਰਥਨ ਵਿਚ ਜਲੂਸ ਕੱਢੋ। ਪੀਐਮ ਨੇ ਅੱਗੇ ਕਿਹਾ ਕਿ ਪਰ ਕਾਂਗਰਸ ਦੇ ਲੋਕ ਅਤੇ ਉਹਨਾਂ ਦੇ ਸਾਥੀ ਦਲ ਅਤੇ ਉਹਨਾਂ ਦਾ ਬਣਾਇਆ ਇਕੋਸਿਸਟਮ ਭਾਰਤ ਦੀ ਸੰਸਦ ਵਿਰੁਧ ਹੀ ਉਠ ਖੜ੍ਹਾ ਹੋਇਆ ਹੈ।
ਪੀਐਮ ਮੋਦੀ ਨੇ ਕਿਹਾ ਕਿ ਅੱਜ ਹਰ ਦੇਸ਼ਵਾਸੀ ਦੇ ਮਨ ਵਿਚ ਸਵਾਲ ਹੈ ਕਿ ਜੋ ਲੋਕ ਪਾਕਿਸਤਾਨ ਤੋਂ ਅਪਣੀ ਜਾਨ ਬਚਾਉਣ ਲਈ ਅਪਣੀਆਂ ਬੇਟੀਆਂ ਦੀ ਜ਼ਿੰਦਗੀ ਬਚਾਉਣ ਲਈ ਇੱਥੇ ਆਏ ਹਨ ਉਹਨਾਂ ਵਿਰੁਧ ਤਾਂ ਜਲੂਸ ਕੱਢੇ ਜਾ ਰਹੇ ਹਨ ਪਰ ਜਿਸ ਪਾਕਿਸਤਾਨ ਨੇ ਉਹਨਾਂ ਤੇ ਇਹ ਜ਼ੁਲਮ ਕੀਤਾ ਜਿਸ ਵਿਰੁਧ ਇਹਨਾਂ ਲੋਕਾਂ ਦੇ ਮੂੰਹ ਤੇ ਤਾਲੇ ਕਿਉਂ ਨਹੀਂ ਲੱਗੇ।
ਰੈਲੀ ਵਿਚ ਪੀਐਮ ਮੋਦੀ ਨੇ ਕਿਹਾ ਕਿ ਕੁੱਝ ਹਫ਼ਤੇ ਪਹਿਲਾਂ ਹੀ ਸੰਸਦ ਨੇ CAA ਬਣਾਉਣ ਦਾ ਇਤਿਹਾਸਿਕ ਕੰਮ ਵੀ ਕੀਤਾ ਹੈ। ਪਰ ਕਾਂਗਰਸ ਦੇ ਲੋਕ ਅਤੇ ਉਹਨਾਂ ਦੇ ਸਾਥੀ ਦਲ ਅਤੇ ਉਹਨਾਂ ਦਾ ਬਣਾਇਆ ਇਕੋਸਿਸਟਮ ਭਾਰਤ ਦੀ ਸੰਸਦ ਖਿਲਾਫ ਹੀ ਉਠ ਖੜ੍ਹਾ ਹੋਇਆ ਹੈ। ਜਿਸ ਤਰ੍ਹਾਂ ਦੀ ਨਫ਼ਰਤ ਉਹ ਉਹਨਾਂ ਨਾਲ ਕਰਦੇ ਹਨ ਅਜਿਹਾ ਹੀ ਹੁਣ ਦੇਸ਼ ਦੀ ਸੰਸਦ ਖਿਲਾਫ ਦਿਖ ਰਿਹਾ ਹੈ।
ਪੀਐਮ ਨੇ ਕਿਹਾ ਕਿ ਜੋ ਲੋਕ ਅੱਜ ਭਾਰਤ ਦੀ ਸੰਸਦ ਦੇ ਖਿਲਾਫ ਅੰਦੋਲਨ ਕਰ ਰਹੇ ਹਨ ਉਹ ਉਹਨਾਂ ਨੂੰ ਕਹਿਣਾ ਚਾਹੁੰਦੇ ਹਨ ਕਿ ਅੱਜ ਅੰਤਰਰਾਸ਼ਟਰੀ ਪੱਧਰ ਤੇ ਪਾਕਿਸਤਾਨ ਦੀਆਂ ਹਰਕਤਾਂ ਨੂੰ ਬੇਨਕਾਬ ਕਰਨ ਦੀ ਜ਼ਰੂਰਤ ਹੈ। ਜੇ ਤੁਸੀਂ ਅੰਦੋਲਨ ਕਰਨਾ ਹੀ ਹੈ ਤਾਂ ਪਾਕਿਸਤਾਨ ਦੇ ਪਿਛਲੇ 70 ਸਾਲ ਦੇ ਕਾਰਨਾਮਿਆਂ ਦੇ ਖਿਲਾਫ ਅੰਦੋਲਨ ਕਰਨਾ ਚਾਹੀਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।