ਏਅਰਟੈਲ ਦੀ ਐਕਸਸਟ੍ਰੀਮ ਫਾਈਬਰ ਬ੍ਰੌਡਬੈਂਡ ਅਤੇ ਪੋਸਟਪੇਡ ਯੋਜਨਾਵਾਂ ਹੋਰ ਕੰਪਨੀਆਂ ਦੇ ਮੁਕਾਬਲੇ ਬਹੁਤ ਮਸ਼ਹੂਰ ਹਨ। ਏਅਰਟੈਲ ਦੀ ਬ੍ਰੌਡਬੈਂਡ ਯੋਜਨਾ ਨਾਲ,ਗਾਹਕਾਂ...
ਨਵੀਂ ਦਿੱਲੀ- ਏਅਰਟਲ ਦੀ ਐਕਸਸਟ੍ਰੀਮ ਫਾਈਬਰ ਬ੍ਰੌਡਬੈਂਡ ਅਤੇ ਪੋਸਟਪੇਡ ਯੋਜਨਾਵਾਂ ਹੋਰ ਕੰਪਨੀਆਂ ਦੇ ਮੁਕਾਬਲੇ ਬਹੁਤ ਮਸ਼ਹੂਰ ਹਨ। ਏਅਰਟਲ ਦੀ ਬ੍ਰੌਡਬੈਂਡ ਯੋਜਨਾ ਨਾਲ ਗਾਹਕਾਂ ਨੂੰ ਸਮੇਂ ਸਮੇਂ 'ਤੇ ਬਹੁਤ ਵਧੀਆ ਲਾਭ ਦਿੱਤੇ ਗਏ ਹਨ।
ਜਦ ਕਿ ਬਾਕੀ ਕੰਪਨੀਆਂ ਬ੍ਰੌਡਬੈਂਡ ਯੋਜਨਾ ਨਾਲ ਸਿਰਫ਼ ਡਾਟਾ ਅਤੇ ਕਾਲਿੰਗ ਦੀ ਸੁਵਿੱਧਾ ਦੇ ਰਹੀਆ ਸਨ।ਏਅਰਟਲ ਆਪਣੀ ਯੋਜਨਾ ਦੇ ਨਾਲ ਹੋਰ ਵੀ ਵਾਧੂ ਲਾਭ ਦੇ ਰਹੀ ਸੀ। ਪਰ ਹੁਣ ਇਸ ਕੰਪਨੀ ਨੇ ਆਪਣੇ ਗਾਹਕਾਂ ਨੂੰ ਵੱਡਾ ਝਟਕਾ ਇਹ ਦਿੱਤਾ ਹੈ ਕਿ ਆਪਣੀ ਯੋਜਨਾ ਵਿਚ ਦਿੱਤੀ ਜਾਣ ਵਾਲੀ ਮੁਫ਼ਤ ਸੇਵਾ ਨੂੰ ਬੰਦ ਕਰ ਦਿੱਤਾ ਹੈ।
ਦੱਸਣਯੋਗ ਹੈ ਕਿ ਏਅਰਟਲ ਆਪਣੀ ਬ੍ਰੌਡਬੈਂਡ ਯੋਜਨਾ ਦੇ ਨਾਲ ਨੈੱਟਫਲਿਕਸ ਦੀ ਮੁਫ਼ਤ ਸੁਵਿੱਧਾ ਦੇ ਰਹੀ ਸੀ। ਪਰ ਹੁਣ ਕੰਪਨੀ ਨੇ ਇਹ ਮੁਫ਼ਤ ਯੋਜਨਾ ਨੂੰ ਹਟਾ ਦਿੱਤਾ ਹੈ ਤੇ ਇਸ ਦੀ ਜਾਣਕਾਰੀ ਕੰਪਨੀ ਨੇ ਆਪਣੀ ਵੈੱਬਸਾਇਟ 'ਤੇ ਵੀ ਅਪਡੇਟ ਕਰ ਦਿੱਤੀ ਹੈ।
ਪਰ ਮੌਜੂਦਾ ਉਪਭੋਗਤਾ ਵੈਲਡਿਟੀ ਖ਼ਤਮ ਹੋਣ ਤੱਕ ਇਸ ਸਹੂਲਤ ਨੂੰ ਪ੍ਰਾਪਤ ਕਰਦੇ ਰਹਿਣਗੇ। ਏਅਰਟਲ ਦੀ ਯੋਜਨਾ ਦੇ ਨਾਲ, ਗਾਹਕਾਂ ਨੂੰ ਅਜੇ ਵੀ ਇਕ ਸਾਲ ਲਈ ਐਮਾਜ਼ਾਨ ਪ੍ਰਾਈਮ ਦੀ ਸੇਵਾ ਦਿੱਤੀ ਜਾ ਰਹੀ ਹੈ, ਜਿਸ ਦੀ ਕੀਮਤ 999ਰੁਪਏ ਹੈ।
ਆਰਥਿਕ ਮੰਦੀ ਦੇ ਕਾਰਨ ਦੇਸ਼ ਦੀਆ ਨਾਮਵਾਂਰ ਕੰਪਨੀਆਂ ਦਿਨ ਪ੍ਰਤੀ ਦਿਨ ਆਪਣੇ ਉਪਭੋਗਤਾਵਾਂ ਨੂੰ ਦਿੱਤੀਆ ਜਾਣ ਵਾਲੀਆ ਸਹੂਲਤਾਂ ਵਿਚ ਕਟੌਤੀ ਕਰ ਰਹੀਆਂ ਹਨ। ਜਿਸ ਦੇ ਕਾਰਨ ਆਮ ਆਦਮੀ ਨੂੰ ਵੀ ਮੁਸ਼ਕਲਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤੇ ਆਉਣ ਵਾਲੇ ਸਮੇਂ ਵਿਚ ਜੇਕਰ ਇਸ ਤਰ੍ਹਾਂ ਦਾ ਹਾਲ ਰਿਹਾ ਤਦ ਲੋਕ ਕਿਸੇ ਵੀ ਇਕ ਕੰਪਨੀ ਨਾਲ ਜੁੜੇ ਨਹੀਂ ਰਹਿਣਗੇ।