ਉਦਘਾਟਨ ਮਗਰੋਂ 24 ਘੰਟਿਆਂ ’ਚ ਟੁੱਟੀ ਕੰਧ
ਰਾਂਂਚੀ: ਝਾਰਖੰਡ ਸਿੰਚਾਈ ਪਰਿਯੋਜਨਾ ਤਹਿਤ ਬਣਾਈ ਕੋਨਾਲ ਨਹਿਰ ਨੂੰ ਬਣਾਉਣ ਵਿਚ ਜਿੱਥੇ 42 ਸਾਲ ਲੱਗ ਗਏ। ਉਹ ਨਹਿਰ ਮਹਿਜ਼ 24 ਘੰਟਿਆਂ ਵਿਚ ਹੀ ਪਾਣੀ ਵਿਚ ਵਹਿ ਗਈ, ਜਿਸ ਨਹਿਰ ਵਿਚ ਭ੍ਰਿਸ਼ਟਾਚਾਰ ਦੀਆਂ ਇੱਟਾਂ ਲੱਗੀਆਂ ਹੋਣ, ਆਖ਼ਰ ਉਸ ਦਾ ਹਸ਼ਰ ਤਾਂ ਇਹ ਹੋਣਾ ਹੀ ਸੀ। ਝਾਰਖੰਡ ਦੇ ਮੁੱਖ ਮੰਤਰੀ ਰਘੂਬਰ ਦਾਸ ਨੇ ਹਾਲੇ ਇਕ ਦਿਨ ਪਹਿਲਾਂ ਦੁਪਹਿਰ ਵੇਲੇ ਇਸ ਨਹਿਰ ਦਾ ਉਦਘਾਟਨ ਕੀਤਾ ਸੀ। ਪਰ ਉਦਘਾਟਨ ਦੇ ਸਿਰਫ਼ 24 ਘੰਟਿਆਂ ਦੇ ਅੰਦਰ ਹੀ ਇਸ ਨਹਿਰ ਦੀ ਇਕ ਕੰਧ ਟੁੱਟ ਗਈ, ਜਿਸ ਨੇ ਕਿਸਾਨਾਂ ਦੀਆਂ ਫ਼ਸਲਾਂ ਵਿਚ ਤਬਾਹੀ ਮਚਾ ਦਿੱਤੀ।
Canal
ਸਰਕਾਰ ਨੇ ਇਸ ਨਹਿਰ ਨੂੰ ਬਣਾਉਣ ਲਈ ਲਗਭਗ 2200 ਕਰੋੜ ਰੁਪਏ ਖ਼ਰਚ ਕੀਤੇ ਸਨ। ਪਰ ਜਿਵੇਂ ਇਸ ਨਹਿਰ ਦੀ ਕੰਧ ਟੁੱਟੀ ਤਾਂ ਸਰਕਾਰ ਅਤੇ ਪ੍ਰਸ਼ਾਸਨ ਨੂੰ ਭਾਜੜਾਂ ਪੈ ਗਈਆਂ ਅਤੇ ਉਸ ਨੇ ਝੱਟ ਨਹਿਰ ਟੁੱਟਣ ਦਾ ਸਾਰਾ ਦੋਸ਼ ਚੂਹਿਆਂ ਸਿਰ ਮੜ੍ਹ ਦਿੱਤਾ। ਨਹਿਰ ਵਿਚ ਪਏ ਪਾੜ ਨੇ ਆਸਪਾਸ ਦੇ ਪਿੰਡਾਂ ਦੇ ਕਿਸਾਨਾਂ ਦੀਆਂ ਸਾਰੀਆਂ ਫ਼ਸਲਾਂ ਤਬਾਹ ਕਰਕੇ ਰੱਖ ਦਿੱਤੀਆਂ। ਜਿਹੜੀ ਨਹਿਰ ਕਿਸਾਨਾਂ ਦੀ ਭਲਾਈ ਲਈ ਬਣਾਈ ਗਈ ਸੀ, ਭ੍ਰਿਸ਼ਟਾਚਾਰ ਦੀ ਵਜ੍ਹਾ ਨਾਲ ਉਹੀ ਨਹਿਰ ਕਿਸਾਨਾਂ ਲਈ ਸ਼ਰਾਪ ਬਣ ਗਈ।
Canal
ਦਰਅਸਲ ਕਰੀਬ 42 ਸਾਲ ਪਹਿਲਾਂ ਇਸ ਨਹਿਰ ਨੂੰ ਬਣਾਉਣ ਦੀ ਯੋਜਨਾ ਬਣਾਈ ਗਈ ਸੀ, ਜਿਸ ਦੀ ਕੁੱਲ ਲਾਗਤ ਉਸ ਸਮੇਂ 12 ਕਰੋੜ ਰੁਪਏ ਤੈਅ ਕੀਤੀ ਗਈ ਸੀ। ਪਰ ਨਹਿਰ ਬਣਦੇ-ਬਣਦੇ ਉਸ ਦੀ ਲਾਗਤ ਵਧ ਕੇ 2176 ਕਰੋੜ ਤਕ ਪਹੁੰਚ ਗਈ, ਪਰ ਜਦੋਂ ਨਹਿਰ ਬਣ ਕੇ ਤਿਆਰ ਹੋ ਗਈ ਤਾਂ 24 ਘੰਟਿਆਂ ਵਿਚ ਨਹਿਰ ਟੁੱਟਣ ਨਾਲ ਨੇਤਾਵਾਂ ਵੱਲੋਂ ਕੀਤਾ ਗਿਆ ਭ੍ਰਿਸ਼ਟਾਚਾਰ ਖ਼ੁਦ ਬ ਖ਼ੁਦ ਸਾਹਮਣੇ ਆਇਆ ਗਿਆ।
Feildਇਸ ਘਟਨਾ ਤੋਂ ਬਾਅਦ ਵਿਰੋਧੀ ਪਾਰਟੀਆਂ ਨੇ ਸਰਕਾਰ ਅਤੇ ਪ੍ਰਸ਼ਾਸਨ ’ਤੇ ਜਮ ਕੇ ਨਿਸ਼ਾਨਾ ਸਾਧਿਆ ਹੈ। ਕਾਂਗਰਸੀ ਨੇਤਾ ਅਲੋਕ ਦੂਬੇ ਨੇ ਕਿਹਾ ਕਿ ਭਾਜਪਾ ਸਰਕਾਰ ਦੂਜੇ ਦੇ ਕੰਮਾਂ ਲਈ ਸਿਹਰਾ ਲੈਣ ਦੀ ਕੋਸ਼ਿਸ਼ ਵਿਚ ਲੱਗੀ ਰਹਿੰਦੀ ਹੈ। ਝਾਰਖੰਡ ਮੁਕਤੀ ਮੋਰਚਾ ਦੇ ਜਨਰਲ ਸਕੱਤਰ ਸੁਪਿ੍ਰਯੋ ਭੱਟਾਚਾਰੀਆ ਨੇ ਵੀ ਸਰਕਾਰ ’ਤੇ ਭ੍ਰਿਸ਼ਟਾਚਾਰ ਕਰਨ ਦਾ ਦੋਸ਼ ਲਗਾਇਆ। ਫਿਲਹਾਲ ਇਸ ਘਟਨਾ ਤੋਂ ਬਾਅਦ ਭਾਜਪਾ ਸਰਕਾਰ ਦੀ ਕਾਫ਼ੀ ਕਿਰਕਿਰੀ ਹੋ ਰਹੀ ਹੈ, ਜਿਸ ਤੋਂ ਬਚਣ ਲਈ ਸਰਕਾਰ ਨੇ ਮੁੜ ਤੋਂ ਨਹਿਰ ਦੀ ਮੁਰੰਮਤ ਦਾ ਕੰਮ ਤੇਜ਼ੀ ਨਾਲ ਸ਼ੁਰੂ ਕਰਵਾ ਦਿੱਤਾ ਅਤੇ ਇਸ ਘਟਨਾ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਹਨ।
ਦੇਖੋ ਵੀਡੀਓ:
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
