ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਬੁੱਧਵਾਰ ਨੂੰ ਇਕ ਵਿਸ਼ੇਸ਼ ਸਮਾਰੋਹ ਵਿਚ ਸੰਯੁਕਤ ਰਾਸ਼ਟਰ ਦੇ ਸਰਵਉੱਚ ਵਾਤਾਵਰਨ ਇਨਾਮ...
ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਬੁੱਧਵਾਰ ਨੂੰ ਇਕ ਵਿਸ਼ੇਸ਼ ਸਮਾਰੋਹ ਵਿਚ ਸੰਯੁਕਤ ਰਾਸ਼ਟਰ ਦੇ ਸਰਵਉੱਚ ਵਾਤਾਵਰਨ ਇਨਾਮ 'ਚੈਪੀਅਨ ਆਫ਼ ਅਰਥ’ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ। ਦਿੱਲੀ 'ਚ ਸਥਿਤ ਪਰਵਾਸੀ ਭਾਰਤੀ ਕੇਂਦਰ ਵਿਚ ਇਕ ਸਮਾਰੋਹ ਦੇ ਦੌਰਾਨ ਸੰਯੁਕਤ ਰਾਸ਼ਟਰ ਸੰਘ ਦੇ ਮਹਾਂਸਚਿਵ ਏਟੋਨਿਯੋ ਗੁਤਰੇਸ ਨੇ ਇਹ ਇਨਾਮ ਦਿੱਤਾ। ਇਨਾਮ ਸਮਾਰੋਹ ਵਿਚ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਸਮੇਤ ਮੋਦੀ ਮੰਤਰੀ ਮੰਡਲ ਦੇ ਸਾਰੇ ਮੈਂਬਰ ਵੀ ਮੌਜੂਦ ਸਨ। ਇਸ ਦੌਰਾਨ ਸਵਰਾਜ ਨੇ ਆਪਣੇ ਸੰਬੋਧਨ ਵਿਚ ਪ੍ਰਧਾਨ ਮੰਤਰੀ ਮੋਦੀ ਦੀ ਵੱਧ ਕੇ ਤਾਰੀਫ਼ ਕੀਤੀ।
ਦੱਸ ਦੇਈਏ ਕਿ ਪ੍ਰਧਾਨ ਮੰਤਰੀ ਮੋਦੀ ਦੇ ਇਲਾਵਾ ਫ਼ਰਾਂਸ ਦੇ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋ ਨੂੰ ਸਥਾਈ ਵਿਕਾਸ ਅਤੇ ਜਲਵਾਯੂ ਬਦਲਾਵ ਦੇ ਖੇਤਰ ਵਿਚ ਮਿਸਾਲ ਦੇ ਤੌਰ 'ਤੇ ਅਤੇ ਸਕਾਰਾਤਮਕ ਕਦਮ ਚੁੱਕਣ ਦੇ ਲਈ ਇਹ ਇਨਾਮ ਦਿੱਤਾ ਗਿਆ ਹੈ। ਇਨਾਮ ਦਾ ਐਲਾਨ ਨਿਊ ਯਾਰਕ ਵਿਚ 26 ਸਤੰਬਰ ਨੂੰ 73ਵੀਂ ਸੰਯੁਕਤ ਰਾਸ਼ਟਰ ਮਹਾਂਸਭਾ ਦੇ ਅੰਦਰ ਕੀਤਾ ਗਿਆ ਸੀ।ਪ੍ਰਧਾਨ ਮੰਤਰੀ ਮੋਦੀ ਨੂੰ ਅੰਤਰਰਾਸ਼ਟਰੀ ਸੌਰ ਗੰਢ-ਜੋੜ ਦੀ ਕੋਸ਼ਿਸ਼ ਲਈ ਆਗੂ ਕੰਮਾਂ ਅਤੇ 2022 ਤੱਕ ਏਕਲ ਵਰਤੋਂ ਵਾਲੀ ਸਾਰੇ ਤਰ੍ਹਾਂ ਦੀ ਪਲਾਸਟਿਕ ਨੂੰ ਭਾਰਤ ਤੋਂ ਹਟਾਉਣ ਦੇ ਸੰਕਲਪ ਦੇ ਕਾਰਨ ਅਗਵਾਈ ਸ਼੍ਰੇਣੀ ਵਿਚ ਚੁਣਿਆ ਗਿਆ।
ਸਾਲਾਨਾ ਚੈਪੀਅਨਸ ਆਫ ਅਰਥ ਇਨਾਮ ਸਰਕਾਰ, ਸਿਵਲ ਸੋਸਾਇਟੀ ਅਤੇ ਨਿਜੀ ਖੇਤਰ ਵਿਚ ਅਜਿਹੇ ਮਹਾਨ ਨੇਤਾਵਾਂ ਨੂੰ ਦਿੱਤੀ ਜਾਂਦੀ ਹੈ। ਜਿਨ੍ਹਾਂ ਦੇ ਕਦਮਾਂ ਨਾਲ ਵਾਤਾਵਰਨ ਉਤੇ ਸਾਕਾਰਾਤਮਕ ਪ੍ਰਭਾਵ ਪਿਆ ਹੈ।