ਕਾਂਗਰਸ ਨੇਤਾ ਸ਼ਸ਼ੀ ਥਰੂਰ ਦੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਕੀਤੀ ਗਈ ਕਥਿਤ 'ਬਿੱਛੂ ਵਾਲੀ' ਟਿੱਪਣੀ ਨੂੰ ਲੈ ਕੇ ਇਥੇ ਇਕ ਅਦਾਲਤ ਵਿਚ ਉਨ੍ਹਾਂ ...
ਨਵੀਂ ਦਿੱਲੀ : (ਭਾਸ਼ਾ) ਕਾਂਗਰਸ ਨੇਤਾ ਸ਼ਸ਼ੀ ਥਰੂਰ ਦੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਕੀਤੀ ਗਈ ਕਥਿਤ 'ਬਿੱਛੂ ਵਾਲੀ' ਟਿੱਪਣੀ ਨੂੰ ਲੈ ਕੇ ਇਥੇ ਇਕ ਅਦਾਲਤ ਵਿਚ ਉਨ੍ਹਾਂ ਵਿਰੁਧ ਅਪਰਾਧਿਕ ਮਾਣਹਾਨੀ ਦੀ ਸ਼ਿਕਾਇਤ ਦਰਜ ਕੀਤੀ ਗਈ। ਦਿੱਲੀ ਭਾਜਪਾ ਦੇ ਨੇਤਾ ਰਾਜੀਵ ਬੱਬਰ ਨੇ ਅਪਣੀ ਸ਼ਿਕਾਇਤ ਵਿਚ ਕਿਹਾ ਕਿ ਉਨ੍ਹਾਂ ਦੀ ਧਾਰਮਿਕ ਭਾਵਨਾਵਾਂ ਆਹਤ ਹੋਈਆਂ ਹਨ।
ਸ਼ਿਕਾਇਤ ਵਿਚ ਕਿਹਾ ਗਿਆ ਹੈ, ਮੈਂ ਭਗਵਾਨ ਸ਼ਿਵ ਦਾ ਭਗਤ ਹਾਂ। ਆਰੋਪੀ (ਥਰੂਰ) ਨੇ ਕਰੋਡ਼ਾਂ ਸ਼ਿਵ ਭਕਤਾਂ ਦੀਆਂ ਭਾਵਨਾਵਾਂ ਨੂੰ ਨਜ਼ਰਅੰਦਾਜ਼ ਕਰਦੇ ਹੋਏ ਇਹ ਬਿਆਨ ਦਿਤਾ ਜੋ ਭਾਰਤ ਅਤੇ ਦੇਸ਼ ਤੋਂ ਬਾਹਰ ਸਾਰੇ ਸ਼ਿਵ ਭਕਤਾਂ ਦੀਆਂ ਭਾਵਨਾਵਾਂ ਨੂੰ ਆਹਤ ਕਰਦਾ ਹੈ।
Shashi Tharoor
ਇਸ ਵਿਚ ਕਿਹਾ ਗਿਆ ਹੈ, ਸ਼ਿਕਾਇਤਕਰਤਾ ਦੀ ਧਾਰਮਿਕ ਭਾਵਨਾਵਾਂ ਆਹਤ ਹੋਈਆਂ ਹਾਂ ਅਤੇ ਆਰੋਪੀ ਨੇ ਜਾਣ-ਬੁੱਝ ਕੇ ਇਹ ਨਫ਼ਰਤੀ ਭਰਿਆ ਕੰਮ ਕੀਤਾ ਜਿਸ ਦੀ ਇੱਛਾ ਭਗਵਾਨ ਸ਼ਿਵ ਦੇ ਭਕਤਾਂ ਦੀ ਧਾਰਮਿਕ ਮਾਨਤਾਵਾਂ ਦੀ ਮਾਣਹਾਨੀ ਕਰ ਉਨ੍ਹਾਂ ਦੀ ਧਾਰਮਿਕ ਭਾਵਨਾਵਾਂ ਨੂੰ ਆਹਤ ਕਰਨਾ ਹੈ। ਨਿਊਜ਼ ਏਜੰਸੀ ਦੇ ਮੁਤਾਬਕ, ਵਕੀਲ ਨੀਰਜ ਦੇ ਜ਼ਰੀਏ ਦਰਜ ਸ਼ਿਕਾਇਤ ਵਿਚ ਬਿਆਨ ਨੂੰ ਅਸਹਿਯੋਗ ਦੁਰਵਿਹਾਰ ਅਤੇ ਲੱਖਾਂ ਲੋਕਾਂ ਦੀ ਸ਼ਰਧਾ ਦਾ ਪੂਰੀ ਤਰ੍ਹਾਂ ਮਾਣਹਾਨੀ ਦੱਸਿਆ।
ਮਾਣਹਾਨੀ ਨਾਲ ਸਬੰਧਤ ਭਾਰਤੀ ਦੰਡ ਵਿਧਾਨ (ਆਈਪੀਸੀ) ਦੀ ਧਾਰਾ 499 ਅਤੇ ਧਾਰਾ 500 ਦੇ ਤਹਿਤ ਇਹ ਸ਼ਿਕਾਇਤ ਦਰਜ ਕੀਤੀ ਗਈ ਹੈ। ਮਾਮਲੇ 'ਤੇ ਸ਼ਨਿਚਰਵਾਰ ਨੂੰ ਸੁਣਵਾਈ ਹੋ ਸਕਦੀ ਹੈ।
