ਬਾਲੀਵੁੱਡ ਐਕਟਰ ਅਤੇ ਬੀਜੇਪੀ ਦੇ ਸਾਬਕਾ ਸਾਂਸਦ ਮੈਂਬਰ ਪਰੇਸ਼ ਰਾਵਲ ਨੇ ਦਿੱਲੀ ਦੇ ਸੀਐਮ ਅਰਵਿੰਦ ਕੇਜਰੀਵਾਲ 'ਤੇ ਨਿਸ਼ਾਨਾ ਸਾਧਿਆ ਹੈ।
ਨਵੀਂ ਦਿੱਲੀ : ਬਾਲੀਵੁੱਡ ਐਕਟਰ ਅਤੇ ਬੀਜੇਪੀ ਦੇ ਸਾਬਕਾ ਸਾਂਸਦ ਮੈਂਬਰ ਪਰੇਸ਼ ਰਾਵਲ ਨੇ ਦਿੱਲੀ ਦੇ ਸੀਐਮ ਅਰਵਿੰਦ ਕੇਜਰੀਵਾਲ 'ਤੇ ਨਿਸ਼ਾਨਾ ਸਾਧਿਆ ਹੈ। ਬੀਜੇਪੀ ਤੋਂ ਸਾਂਸਦ ਰਹਿ ਚੁੱਕੇ ਪਰੇਸ਼ ਰਾਵਲ ਨੇ ਆਮ ਆਦਮੀ ਪਾਰਟੀ ਦੇ ਐਮਐਲਏ ਸੌਰਭ ਭਾਰਦਵਾਜ ਦੇ ਟਵੀਟ ਨੂੰ ਰੀਟਵੀਟ ਕਰਦੇ ਹੋਏ ਅਰਵਿੰਦ ਕੇਜਰੀਵਾਲ 'ਤੇ ਤੰਜ ਕਸਿਆ ਹੈ। ਦਰਅਸਲ ਦਿੱਲੀ ਦੇ ਗ੍ਰੇਟਰ ਕੈਲਾਸ਼ ਤੋਂ ਐਮਐਲਏ ਸੌਰਭ ਭਾਰਦਵਾਜ ਨੇ ਟਵਿਟਰ 'ਤੇ ਸੀਐਮ ਅਰਵਿੰਦ ਕੇਜਰੀਵਾਲ ਦੀ ਇੱਕ ਤਸਵੀਰ ਸ਼ੇਅਰ ਕੀਤੀ। ਜਿਸ ਵਿੱਚ ਉਨ੍ਹਾਂ ਨੇ ਲਿਖਿਆ 'ਸੀਐਮ ਅਤੇ ਜੋ ਲੋਕ ਉਨ੍ਹਾਂ ਦੇ ਆਸਪਾਸ ਹਨ ਉਨ੍ਹਾਂ ਦੇ ਪਸੀਨੇ ਨੂੰ ਵੇਖੋ।
ਸੌਰਭ ਭਾਰਦਵਾਜ ਦੇ ਇਸ ਟਵੀਟ ਨੂੰ ਐਕਟਰ ਪਰੇਸ਼ ਰਾਵਲ ਨੇ ਆਪਣੇ ਟਵਿਟਰ ਹੈਂਡਲ ਤੋਂ ਰੀਟਵੀਟ ਕਰਦੇ ਹੋਏ ਲਿਖਿਆ, ਵਾਹ ! ਦਿੱਲੀ ਦੀ ਠੰਡ ਵਿੱਚ ਅਜਿਹਾ ਪਸੀਨਾ ਵਹਾਉਣਾ ! ਇਹ ਤਾਂ ਕੋਈ ਮਿਹਨਤੀ ਵਿਅਕਤੀ ਹੀ ਕਰ ਸਕਦਾ ਹੈ ! ! ! ਦੱਸ ਦਈਏ ਕਿ ਇਨੀਂਂ ਦਿਨੀਂ ਦੇਸ਼ ਦਾ ਉੱਤਰੀ ਇਲਾਕਾ ਲਗਾਤਾਰ ਗਰਮੀ ਦੀ ਮਾਰ ਝੱਲ ਰਿਹਾ ਹੈ। ਪਾਰਾ ਦਿਨ ਪਰ ਦਿਨ ਵਧਦਾ ਜਾ ਰਿਹਾ ਹੈ। ਇਸ ਭਿਆਨਕ ਗਰਮੀ ਦੇ ਹਾਲਾਤ ਇਹ ਹਨ ਕਿ ਰਾਜਧਾਨੀ ਦਿੱਲੀ ਵਿੱਚ ਮੌਸਮ ਵਿਭਾਗ ਨੇ ਰੈੱਡ ਅਲਰਟ ਤੱਕ ਜਾਰੀ ਕਰ ਦਿੱਤਾ ਹੈ।
Look at the sweat of CM & those around him. pic.twitter.com/5DiNbbBoAw
— Saurabh Bharadwaj (@Saurabh_MLAgk) June 2, 2019
ਇਸ 'ਤੇ ਐਕਟਰ ਪਰੇਸ਼ ਰਾਵਲ ਨੇ ਸੀਐਮ ਅਰਵਿੰਦ ਕੇਜਰੀਵਾਲ 'ਤੇ ਨਿਸ਼ਾਨਾ ਸਾਧਿਆ ਹੈ। ਐਕਟਰ ਪਰੇਸ਼ ਰਾਵਲ ਬਾਲੀਵੁਡ ਦੇ ਨਾਲ - ਨਾਲ ਰਾਜਨੀਤੀ ਵਿੱਚ ਵੀ ਆਪਣਾ ਸਿੱਕਾ ਜਮਾਂ ਚੁੱਕੇ ਹਨ। ਪਰੇਸ਼ ਰਾਵਲ ਨੇ ਓਐਮਜੀ ( OMG) , ਵੈਲਕਮ ( Welcom ), ਹੇਰਾ ਫੇਰੀ ( Hera Pheri ) ਵਰਗੀ ਫਿਲਮਾਂ ਵਿੱਚ ਮਹੱਤਵਪੂਰਣ ਰੋਲ ਨਿਭਾਇਆ ਹੈ। ਪਰੇਸ਼ ਰਾਵਲ 2014 ਤੋਂ 2019 ਤੱਕ ਸੰਸਦ ਵੀ ਰਹਿ ਚੁੱਕੇ ਹਨ।