ਕਾਂਗਰਸ ਆਗੂ ਏਪੀ ਅਬਦੁੱਲਾਕੁਟੀ ਨੇ ਪ੍ਰਧਾਨ ਮੰਤਰੀ ਦੀ ਜਿੱਤ ਦੀ ਕੀਤੀ ਤਾਰੀਫ
ਤਿਰੂਵਨੰਤਪੁਰਮ: ਲੋਕ ਸਭਾ ਚੋਣਾਂ ਵਿਚ ਭਾਜਪਾ ਦੀ ਲੀਡਰਸ਼ਿਪ ਵਾਲੀ ਐਨਡੀਏ ਦੀ ਸ਼ਾਨਦਾਰ ਜਿੱਤ 'ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤਾਰੀਫ ਕਰਨ ਵਾਲੇ ਕੇਰਲ ਦੇ ਕਾਂਗਰਸ ਆਗੂ ਏਪੀ ਅਬਦੁੱਲਾਕੁਟੀ ਨੂੰ ਪਾਰਟੀ ਨੇ ਸੋਮਵਾਰ ਨੂੰ ਤਤਕਾਲ ਬਰਖ਼ਾਸਤ ਕਰ ਦਿੱਤਾ ਹੈ। ਅਬਦੁੱਲਾਕੁਟੀ ਨੇ ਕੁਝ ਦਿਨ ਪਹਿਲਾਂ ਫੇਸਬੁੱਕ ਪੋਸਟ ਵਿਚ ਲਿਖਿਆ ਸੀ ਕਿ ਐਨਡੀਏ ਦੀ ਜਿੱਤ ਮੋਦੀ ਦੇ ਵਿਕਾਸ ਦੇ ਏਜੰਡੇ ਦੀ ਸਵੀਕਾਰਤਾ ਦਿਖਾਉਂਦੀ ਹੈ ਅਤੇ ਉਹਨਾਂ ਦੀ ਸਫਲਤਾ ਦਾ ਰਾਜ ਹੈ ਕਿ ਉਹਨਾਂ ਨੇ ਗਾਂਧੀਵਾਦੀ ਮੁੱਲਾਂ ਨੂੰ ਅਪਣਾਇਆ ਹੈ।
Congress
ਕੇਰਲ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਮੁੱਲਪੱਲੀ ਰਾਮਚੰਦਰਨ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਨੇ ਮੋਦੀ ਦੀ ਤਾਰੀਫ ਕਰਨ 'ਤੇ ਅਬਦੁੱਲਾਕੁਟੀ ਤੋਂ ਸਪੱਸ਼ਟੀਕਰਨ ਮੰਗਿਆ ਜਿਸ 'ਤੇ ਉਹਨਾਂ ਨੇ ਹਾਸੋਹੀਣ ਜਵਾਬ ਦਿੱਤਾ। ਕਾਂਗਰਸ ਦੀ ਕੇਰਲ ਇਕਾਈ ਨੇ ਇਕ ਬਿਆਨ ਵਿਚ ਕਿਹਾ ਕਿ ਅਬਦੁੱਲਕੁਟੀ ਨੇ ਪਾਰਟੀ ਦੇ ਹਿੱਤਾਂ ਅਤੇ ਉਹਨਾਂ ਦੇ ਵਰਕਰਾਂ ਦੀਆਂ ਭਾਵਨਾਵਾਂ ਦੇ ਵਿਰੁਧ ਬਿਆਨ ਦੇ ਕੇ ਪਾਰਟੀ ਦੇ ਵਿਰੁਧ ਕੰਮ ਕੀਤਾ ਹੈ।
Kerala Pradesh Congress Committee expels party leader A. P. Abdullakutty for praising PM Narendra Modi. (File pic) pic.twitter.com/IklzeBErbf
— ANI (@ANI) June 3, 2019
ਇਸ ਵਿਚ ਕਿਹਾ ਗਿਆ ਕਿ ਉਹ ਮੀਡੀਆ ਦੇ ਮਾਧਿਅਮ ਨਾਲ ਕਾਂਗਰਸ ਦੇ ਸੀਨੀਅਰ ਆਗੂਆਂ ਦੇ ਵਿਰੁਧ ਅਪਮਾਨਜਨਕ ਬਿਆਨ ਦੇ ਰਹੇ ਸਨ ਅਤੇ ਪਾਰਟੀ ਦੇ ਅਨੁਸ਼ਾਸ਼ਨ ਤੋੜ ਰਹੇ ਸਨ। ਰਾਮਚੰਦਰਨ ਨੇ ਕਿਹਾ ਕਿ ਇਹਨਾਂ ਹਾਲਾਤਾਂ ਵਿਚ ਅਬਦੁੱਲਾਕੁਟੀ ਨੂੰ ਤਤਕਾਲ ਪਾਰਟੀ ਤੋਂ ਬਰਖ਼ਾਸਤ ਕਰ ਦਿੱਤਾ ਗਿਆ ਹੈ। ਪਹਿਲਾਂ ਦੋ ਵਾਰ ਮਾਕਪਾ ਦੇ ਸਾਂਸਦ ਰਹੇ ਅਬਦੁੱਲਾਕੁਟੀ ਨੂੰ 2009 ਵਿਚ ਗੁਜਰਾਤ ਦੇ ਮੁੱਖ ਮੰਤਰੀ ਦੇ ਰੂਪ ਵਿਚ ਮੋਦੀ ਦੀ ਤਾਰੀਫ ਕਰਨ 'ਤੇ ਵੀ ਖੱਬੇ ਪੱਖੀ ਪਾਰਟੀ ਤੋਂ ਹਟਾ ਦਿੱਤਾ ਗਿਆ ਸੀ।
ਬਾਅਦ ਵਿਚ ਉਹ ਕਾਂਗਰਸ ਦੇ ਵਿਧਾਇਕ ਬਣੇ। ਉਹਨਾਂ ਨੇ ਇਸ ਵਾਰ ਮੋਦੀ ਦੀ ਤਾਰੀਫ ਕੀਤੀ 'ਤੇ ਉਹਨਾਂ ਦੇ ਸ਼ਾਸ਼ਨਕਾਲ ਵਿਚ ਸ਼ੁਰੂ ਕੀਤੀ ਗਈ ਸਵੱਛ ਭਾਰਤ ਮਿਸ਼ਨ ਅਤੇ ਉਜਵਲਾ ਵਰਗੀਆਂ ਯੋਜਨਾਵਾਂ ਦੀ ਵੀ ਤਾਰੀਫ ਕੀਤੀ। ਕਾਂਗਰਸ ਦੇ ਮੁੱਖ ਪੱਤਰ ਵੀਸ਼ਣਮ ਵਿਚ ਅਬਦੁੱਲਾਕੁਟੀ ਦੀ ਨਿੰਦਾ ਕਰਦੇ ਹੋਏ ਉਹਨਾਂ ਨੂੰ ਪਰਵਾਸੀ ਪੰਛੀ ਕਰਾਰ ਦਿੱਤਾ ਗਿਆ..
...ਅਤੇ ਕਿਹਾ ਗਿਆ ਹੈ ਕਿ ਉਹਨਾਂ ਦਾ ਵਰਤਾਓ ਪੂਰੀ ਤਰ੍ਹਾਂ ਅਸਵੀਕਾਰ ਹੈ। ਅਬਦੁੱਲਾਕੁਟੀ ਨੇ ਅਰੋਪਾਂ ਨੂੰ ਖਾਰਜ ਕਰਦੇ ਹੋਏ ਕਿਹਾ ਕਿ ਅਖ਼ਬਾਰ ਨੇ ਉਹਨਾਂ ਦਾ ਪੱਖ ਜਾਣੇ ਬਿਨਾਂ ਹੀ ਪ੍ਰਤੀਕਿਰਿਆ ਦੇ ਦਿੱਤੀ ਹੈ।
