ਮੱਧ ਪ੍ਰਦੇਸ਼ ਵਿਚ ਕਰੀਬ 3000 ਜੂਨੀਅਰ ਡਾਕਟਰਾਂ ਅਪਣੀ ਨੌਕਰੀ ਤੋਂ ਸਮੂਹਿਕ ਅਸਤੀਫ਼ਾ ਦੇ ਦਿੱਤਾ ਹੈ।
ਭੋਪਾਲ: ਮੱਧ ਪ੍ਰਦੇਸ਼ (Madhya Pradesh) ਵਿਚ ਕਰੀਬ 3000 ਜੂਨੀਅਰ ਡਾਕਟਰਾਂ ਅਪਣੀ ਨੌਕਰੀ ਤੋਂ ਸਮੂਹਿਕ ਅਸਤੀਫ਼ਾ (Resign) ਦੇ ਦਿੱਤਾ ਹੈ। ਜੂਨੀਅਰ ਡਾਕਟਰਾਂ ਨੇ ਇਹ ਕਦਮ ਮੱਧ ਪ੍ਰਦੇਸ਼ ਹਾਈ ਕੋਰਟ (Madhya Pradesh High Court) ਦੇ ਇਕ ਆਦੇਸ਼ ਤੋਂ ਬਾਅਦ ਚੁੱਕਿਆ ਹੈ। ਦਰਅਸਲ ਮੱਧ ਪ੍ਰਦੇਸ਼ ਹਾਈ ਕੋਰਟ ਵੱਲੋਂ ਅਪਣੀਆਂ ਵੱਖ-ਵੱਖ ਮੰਗਾਂ ਨੂੰ ਲੈ ਕੇ ਤਿੰਨ ਦਿਨ ਪਹਿਲਾਂ ਹੜਤਾਲ ’ਤੇ ਗਏ ਛੇ ਸਰਕਾਰੀ ਮੈਡੀਕਲ ਕਾਲਜ ਦੇ ਜੂਨੀਅਰ ਡਾਕਟਰਾਂ (Junior Doctors) ਨੂੰ 24 ਘੰਟਿਆਂ ਵਿਚ ਕੰਮ ਉੱਤੇ ਵਾਪਸ ਪਰਤਣ ਦੇ ਆਦੇਸ਼ ਦਿੱਤੇ ਗਏ।
Doctors
ਇਹ ਵੀ ਪੜ੍ਹੋ: ਫਿਰ ਵਿਗੜੀ Flying Sikh ਮਿਲਖਾ ਸਿੰਘ ਸੀ ਸਿਹਤ, Oxygen ਪੱਧਰ ਡਿੱਗਣ ਕਾਰਨ PGI ਭਰਤੀ
ਆਦੇਸ਼ ਦੇ ਕੁਝ ਘੰਟਿਆਂ ਬਾਅਦ ਹੀ ਕਰੀਬ 3000 ਜੂਨੀਅਰ ਡਾਕਟਰਾਂ ਨੇ ਸਮੂਹਿਕ ਅਸਤੀਫ਼ਾ ਦੇ ਦਿੱਤਾ। ਮੱਧ ਪ੍ਰਧੇਸ਼ ਜੂਨੀਅਰ ਡਾਕਟਰਸ ਐਸੋਸੀਏਸ਼ਨ (Junior Doctors Association) (ਜੂਡਾ) ਦੇ ਪ੍ਰਧਾਨ ਅਰਵਿੰਦ ਮੀਣਾ ਨੇ ਦੱਸਿਆ ਕੇ ਸੂਬੇ ਦੇ ਛੇ ਮੈਡੀਕਲ ਕਾਲਜਾਂ ਦੇ ਕਰੀਬ 3000 ਜੂਨੀਅਰ ਡਾਕਟਰਾਂ ਨੇ ਵੀਰਵਾਰ ਨੂੰ ਅਪਣੇ-ਅਪਣੇ ਮੈਡੀਕਲ ਕਾਲਜਾਂ ਦੇ ਡੀਨ ਨੂੰ ਸਮੂਹਿਕ ਅਸਤੀਫ਼ਾ ਦੇ ਦਿੱਤਾ ਹੈ।
Madhya Pradesh High Court
ਇਹ ਵੀ ਪੜ੍ਹੋ: 2025 ਵਿੱਚ ਇੰਟਰਨੈਟ ਦੇ ਖੇਤਰ ਵਿੱਚ ਆਵੇਗੀ ਵੱਡੀ ਤਬਦੀਲੀ, 90 ਕਰੋੜ ਲੋਕ ਕਰਨਗੇ ਇਸਦੀ ਵਰਤੋਂ
ਉਹਨਾਂ ਦੱਸਿਆ ਕਿ ਸੂਬਾ ਸਰਕਾਰ ਨੇ ਤੀਜੇ ਸਾਲ ਦੇ ਜੂਨੀਅਰ ਡਾਕਟਰਾਂ ਦੇ ਇਨਰੋਲਮੈਂਟ ਰੱਦ ਕਰ ਦਿੱਤੇ ਹਨ। ਇਸ ਲਈ ਹੁਣ ਅਸੀਂ ਪ੍ਰੀਖਿਆ ਵਿਚ ਕਿਵੇਂ ਬੈਠਾਂਗੇ। ਪੋਸਟ-ਗ੍ਰੈਜੂਏਸ਼ਨ (Post Graduation) ਕਰ ਰਹੇ ਜੂਨੀਅਰ ਡਾਕਟਰਾਂ ਨੂੰ ਤਿੰਨ ਸਾਲ ਵਿਚ ਡਿਗਰੀ ਮਿਲਦੀ ਹੈ, ਜਦਕਿ ਦੋ ਸਾਲ ਵਿਚ ਡਿਪਲੋਮਾ ਮਿਲਦਾ ਹੈ। ਅਰਵਿੰਦ ਮੀਣਾ ਨੇ ਕਿਹਾ ਕਿ ਹਾਈ ਕੋਰਟ ਦੇ ਫੈਸਲੇ ਨੂੰ ਚੁਣੌਤੀ ਦੇਣ ਲਈ ਅਸੀਂ ਜਲਦੀ ਹੀ ਸੁਪਰੀਮ ਕੋਰਟ ਜਾਵਾਂਗੇ। ਮੈਡੀਕਲ ਅਫਸਰ ਐਸੋਸੀਏਸ਼ਨ (Medical Officer Association) ਅਤੇ ਫੈਡਰੇਸ਼ਨ ਆਫ ਰੈਜ਼ੀਡੈਂਟ ਡਾਕਟਰ ਐਸੋਸੀਏਸ਼ਨ ਵੀ ਸਾਡਾ ਸਾਥ ਦੇ ਰਹੇ ਹਨ।
3,000 junior doctors resign in Madhya Pradesh
ਇਹ ਵੀ ਪੜ੍ਹੋ: ਕਾਂਗਰਸੀਆਂ ਦੀ ‘ਚੁੱਪ ਬਗ਼ਾਵਤ’ ਅਪਣੇ ਦੁਖੜੇ ਹਾਈ ਕਮਾਨ ਅੱਗੇ ਰੱਖ ਕੇ ਵਾਪਸ ਪਰਤੀ
ਉਹਨਾਂ ਦਾਅਵਾ ਕੀਤਾ ਕਿ ਛੱਤੀਸਗੜ੍ਹ, ਰਾਜਸਥਾਨ, ਉੱਤਰ ਪ੍ਰਦੇਸ਼, ਕਰਨਾਟਕ, ਤਾਮਿਲਨਾਡੂ ਸਮੇਤ ਸਾਰੇ ਸੂਬਿਆਂ, ਏਮਜ਼ ਅਤੇ ਨਿੱਜੀ ਹਸਪਤਾਲਾਂ ਦੇ ਜੂਨੀਅਰ ਡਾਕਟਰ ਅਤੇ ਸੀਨੀਅਰ ਡਾਕਟਰ ਵੀ ਸਾਡਾ ਸਮਰਥਨ ਕਰਨਗੇ। ਦੱਸ ਦਈਏ ਕਿ ਮੱਧ ਪ੍ਰਦੇਸ਼ ਵਿਚ ਮਹਾਂਮਾਰੀ ਦੌਰਾਨ ਛੇ ਸਰਕਾਰੀ ਮੈਡੀਕਲ ਕਾਲਜਾਂ ਭੋਪਾਲ, ਇੰਦੌਰ, ਗਵਾਲੀਅਰ, ਜਬਲਪੁਰ, ਸਾਗਰ ਅਤੇ ਰੀਵਾ ਦੇ ਲਗਭਗ 3000 ਜੂਨੀਅਰ ਡਾਕਟਰ ਅਪਣੀਆਂ ਮੰਗਾਂ ਨੂੰ ਲੈ ਕੇ ਸੋਮਵਾਰ ਤੋਂ ਹੜਤਾਲ ’ਤੇ ਹਨ।
