ਮੋਦੀ ਨੇ ਕਿਹਾ ਕਿ ਸਮਝ ਨਹੀਂ ਆਉਂਦਾ ਕਿ ਕਾਂਗਰਸ ਨੇ ਸਰਕਾਰ ਚਲਾਈ ਹੈ ਜਾਂ ਅਪਣੇ ਮਿਸ਼ੇਲ ਮਾਮਾ ਦਾ ਦਰਬਾਰ ਚਲਾਇਆ ਹੈ।
ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਉਡੀਸ਼ਾ ਵਿਖੇ ਬਾਰੀਪਦਾ ਦੀ ਰੈਲੀ ਦੌਰਾਨ ਕਾਂਗਰਸ ਦੇ ਨਾਲ-ਨਾਲ ਨਵੀਨ ਪਟਨਾਇਕ ਸਰਕਾਰ 'ਤੇ ਵੀ ਤਿੱਖੇ ਹਮਲੇ ਬੋਲਦਿਆਂ ਕਿਹਾ ਕਿ ਯੂਪੀਏ ਸਰਕਾਰ ਦੌਰਾਨ ਪੀਐਮਓ ਦੀਆਂ ਫਾਈਲਾਂ ਤੱਕ ਵਿਚੋਲਿਆਂ ਦੀ ਪਹੁੰਚ ਸੀ। ਵੀਵੀਆਈਪੀ ਹੈਲੀਕਾਪਟਰ ਘਪਲੇ ਦੇ ਵਿਚੋਲਿਆਂ ਨੇ ਕ੍ਰਿਸਚਨ ਮਿਸ਼ੇਲ ਦੇ ਬਹਾਨੇ ਕਾਂਗਰਸ ਦੇ ਹਮਲਾ ਕਰਦੇ ਹੋਏ ਉਹਨਾਂ ਕਿਹਾ ਕਿ ਸਮਝ ਨਹੀਂ ਆਉਂਦਾ ਕਿ ਕਾਂਗਰਸ ਨੇ ਸਰਕਾਰ ਚਲਾਈ ਹੈ ਜਾਂ ਅਪਣੇ ਮਿਸ਼ੇਲ ਮਾਮਾ ਦਾ ਦਰਬਾਰ ਚਲਾਇਆ ਹੈ।
Congress
ਪੀਐਮ ਨੇ ਕਿਹਾ ਕਿ ਸਾਡੀ ਸਰਕਾਰ ਦੇਸ਼ ਦੀਆਂ ਫ਼ੌਜਾਂ ਨੂੰ ਸਾਜ਼ਸ਼ ਦੇ ਜਾਲ ਵਿਚੋਂ ਬਾਹਰ ਕੱਢ ਰਹੀ ਹੈ। ਕਾਂਗਰਸ ਨੂੰ ਇਹ ਗੱਲ ਕੰਢੇ ਵਾਂਗ ਚੁੱਭ ਰਹੀ ਹੈ। ਉਹਨਾਂ ਕਿਹਾ ਕਿ ਇਹੋ ਕਾਰਨ ਹੈ ਕਿ ਚੋਰਾਂ ਦੀ ਜਮਾਤ ਚੌਂਕੀਦਾਰ ਨੂੰ ਰਾਹ ਤੋਂ ਹਟਾਉਣਾ ਚਾਹੁੰਦੀ ਹੈ। ਕਾਂਗਰਸ ਤੇ ਅਪਣੀ ਸਰਕਾਰ ਦੌਰਾਨ ਫ਼ੌਜ ਨੂੰ ਕਮਜ਼ੋਰ ਕਰਨ ਦੀ ਸਾਜ਼ਸ਼ ਦਾ ਦੋਸ਼ ਲਗਾਉਂਦੇ ਹੋਏ ਪੀਐਮ ਨੇ ਕਿਹਾ ਕਿ 2004 ਤੋਂ ਲੈ ਕੇ 2014 ਵਿਚਕਾਰ ਕਿਸ ਤਰ੍ਹਾਂ ਦੇਸ਼ ਦੀ ਫ਼ੌਜ ਨੂੰ ਕਮਜ਼ੋਰ ਕਰਨ ਦੀ ਸਾਜ਼ਸ਼ ਰਚੀ ਗਈ। ਹੁਣ ਦੇਸ਼ ਇਹ ਸੱਭ ਕੁਝ ਦੇਖ ਰਿਹਾ ਹੈ ਤੇ ਉਸ ਨੂੰ ਸਮਝ ਵੀ ਰਿਹਾ ਹੈ।
Christian Michel
ਕ੍ਰਿਸਚਨ ਮਿਸ਼ੇਲ ਨੂੰ ਕਾਂਗਰਸ ਦਾ ਰਾਜ਼ਦਾਰ ਦੱਸਦੇ ਹੋਏ ਪੀਐਮ ਮੋਦੀ ਨੇ ਕਿਹਾ ਕਿ ਕਾਂਗਰਸ ਦੇ ਰਾਜ਼ ਖੁੱਲ੍ਹ ਰਹੇ ਹਨ। ਮੋਦੀ ਨੇ ਕਿਹਾ ਕਿ ਕੱਲ ਹੀ ਰੀਪੋਰਟ ਆਈ ਸੀ ਕਿ ਹੈਲੀਕਾਪਟਰ ਘਪਲੇ ਦੇ ਵਿਚੋਲੇ ਅਤੇ ਕਾਂਗਰਸ ਦੇ ਘਪਲਿਆਂ ਦੇ ਰਾਜ਼ਦਾਰ ਮਿਸ਼ੇਲ ਦੀ ਚਿੱਠੀ ਤੋਂ ਖੁਲਾਸਾ ਹੋਇਆ ਹੈ। ਉਸ ਦੇ ਕਾਂਗਰਸ ਦੇ ਸੀਨੀਅਰ ਨੇਤਾਵਾ ਨਾਲ ਡੂੰਘੀ ਪਛਾਣ ਸੀ। ਪੀਐਮਓ ਵਿਚ ਕਿਹੜੀ ਫਾਈਲ ਕਿਥੇ ਜਾ ਰਹੀ ਹੈ,
Modi Government
ਇਸ ਦੀ ਹਰ ਪਲ ਦੀ ਜਾਣਕਾਰੀ ਸੀ। ਮੋਦੀ ਨੇ ਅੱਗੇ ਕਿਹਾ ਕਿ ਕੈਬਿਨਟ ਕਮੇਟੀ ਆਨ ਸਿਕਊਰਿਟੀ ਦੀ ਬੈਠਕਾਂ ਦੀ ਪੂਰੀ ਜਾਣਕਾਰੀ ਵੀ ਉਸ ਤੱਕ ਪਹੰਚਦੀ ਸੀ। ਇਸ ਜਾਣਕਾਰੀ ਨੂੰ ਉਹ ਵਿਦੇਸ਼ ਤੱਕ ਪਹੁੰਚਾਉਂਦਾ ਸੀ। ਉਹਨਾਂ ਕਿਹਾ ਕਿ ਕੇਂਦਰ ਦੀ ਸਰਕਾਰ ਦੇਸ਼ ਦੀ ਸੁਰੱਖਿਆ ਲਈ ਲਗਾਤਾਰ ਵੱਡੇ ਫ਼ੈਸਲੇ ਲੈ ਰਹੀ ਹੈ। ਮੈਂ ਤੁਹਾਨੂੰ ਭਰੋਸਾ ਦਿੰਦਾ ਹਾਂ ਕਿ ਕਾਨੂੰਨ ਕਿਸੇ ਨੂੰ ਨਹੀਂ ਛੱਡੇਗਾ।
