ਇਸ ਮੌਕੇ ਐਮਪੀ ਨਨਕਾਣਾ ਸਾਹਿਬ ਮੀਆਂ ਮਹੁੰਮਦ ਆਤੀਫ ਨੇ ਪੰਜਾਬ ਸਰਕਾਰ ਵੱਲੋਂ ਬੋਲਦੇ ਹੋਏ ਕਿਹਾ ਕਿ ਘਟਨਾ 'ਤੇ ਮੈਂ ਸਿੱਖ ਭਾਈਚਾਰੇ ਤੋਂ ਬਹੁਤ ਹੀ ਸ਼ਰਮਿੰਦਾ ਹਾਂ।
ਜੰਮੂ (ਸਰਬਜੀਤ ਸਿੰਘ) : ਪਾਕਿਸਤਾਨ ਦੇ ਨਨਕਾਣਾ ਸਾਹਿਬ ਵਿਖੇ ਹੋਏ ਫ਼ਿਰਕੂ ਜਨੂਨੀ ਹਮਲੇ ਤੋਂ ਬਾਦ ਪ੍ਰਸ਼ਾਸਨ ਅਧਿਕਾਰੀ ਗੁਰਦੁਆਰਾ ਜਨਮ ਅਸਥਾਨ ਵਿਖੇ ਪਹੁੰਚੇ। ਇਥੇ ਉਨ੍ਹਾਂ ਨੇ ਘਟਨਾ ਦੀ ਨਿਖੇਦੀ ਕਰਦੇ ਹੋਏ ਕਿਹਾ ਕਿ ਇਸ ਘਟਨਾ ਨਾਲ ਨਾ ਸਿਰਫ ਸਿੱਖ ਭਾਈਚਾਰੇ ਦੇ ਮਨ ਨੂੰ ਠੇਸ ਪਹੁੰਚੀ ਹੈ ਬਲਕਿ ਪਾਕਿਸਤਾਨ ਵਸਦੇ ਸਾਰੇ ਮੁਸਲਮਾਨਾਂ ਨੂੰ ਵੀ ਇਸ ਗੱਲ ਦਾ ਦੁੱਖ ਪਹੁੰਚਿਆ ਹੈ।
Mian Muhammad Atif
ਇਸ ਮੌਕੇ ਐਮਪੀ ਨਨਕਾਣਾ ਸਾਹਿਬ ਮੀਆਂ ਮਹੁੰਮਦ ਆਤੀਫ ਨੇ ਪੰਜਾਬ ਸਰਕਾਰ ਵੱਲੋਂ ਬੋਲਦੇ ਹੋਏ ਕਿਹਾ ਕਿ ਘਟਨਾ 'ਤੇ ਮੈਂ ਸਿੱਖ ਭਾਈਚਾਰੇ ਤੋਂ ਬਹੁਤ ਹੀ ਸ਼ਰਮਿੰਦਾ ਹਾਂ। ਮੈਂ ਹਰ ਅਮਨ ਕਮੇਟੀ ਦੀ ਮੀਟਿੰਗ ਵਿਚ ਲੋਕਾਂ ਨੂੰ ਮਿਸਾਲ ਦੇਂਦਾ ਸਾਂ ਕਿ ਸਾਡੇ ਨਨਕਾਣੇ ਵਿਚ ਕਦੇ ਵੀ ਕੋਈ ਮਾਮਲਾ ਸਾਮਣੇ ਨਹੀ ਆਇਆ ਕਿ ਕਿਸੀ ਵੀ ਧਰਮ ਸਥਾਨ ਨੂੰ ਕਿਸੇ ਨੇ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਹੋਵੇ। ਉਨ੍ਹਾਂ ਕਿਹਾ ਕਿ ਅਸੀਂ ਸਿੱਖ ਭਾਈਚਾਰੇ ਦੇ ਨਾਲ ਦੀਵਾਰ ਬਣਕੇ ਖੜੇ ਹਾਂ।
NANKANA SAHIB
ਨਾ ਸਿਰਫ ਸਰਕਾਰ ਬਲਕਿ ਸਾਰਾ ਪਾਕਿਸਤਾਨ ਸਿੱਖ ਭਾਈਚਾਰੇ ਦੇ ਨਾਲ ਖੜਾ ਹੈ। ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕ ਇਸ ਵਾਕਿਆ ਵਿਚ ਸ਼ਾਮਲ ਸਨ, ਉਨ੍ਹਾਂ 'ਤੇ ਬਣਦੀ ਕਾਰਵਾਈ ਕੀਤੀ ਜਾਵੇਗੀ। ਪਾਕਿਸਤਾਨ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਜਰਨਲ ਸਕੱਤਰ ਗੋਪਾਲ ਸਿੰਘ ਚਾਵਲਾ ਨੇ ਇਸ ਮੌਕੇ 'ਤੇ ਬੋਲਦੇ ਹੋਏ ਕਿਹਾ ਕਿ ਇਸ ਘਟਨਾ ਨੂੰ ਸਿੱਖ-ਮੁਸਲਮਾਨ ਦੇ ਝਗੜੇ ਨਾਲ ਜੋੜ ਕੇ ਨਾ ਦੇਖਿਆ ਜਾਵੇ।
Muslim
ਮੁਸਲਮਾਨ ਭਾਈਚਾਰਾ ਸਾਡੇ ਨਾਲ ਖੜਾ ਹੈ। ਘਟਨਾ ਵਿਚ ਸਿਰਫ ਇਕ ਹੀ ਪਰਿਵਾਰ ਸ਼ਾਮਲ ਸੀ, ਉਨ੍ਹਾਂ ਵਿਚੋਂ ਵੀ ਦੋ-ਤਿੰਨ ਬੰਦੇ ਉਸ ਘਟਨਾ ਲਈ ਜ਼ਿੰਮੇਵਾਰ ਹਨ। ਉਨ੍ਹਾਂ ਕਿਹਾ ਕਿ ਪ੍ਰਸ਼ਾਸ਼ਨ ਨੇ ਲੇਟ ਕਾਰਵਾਈ ਕੀਤੀ, ਹੁਣ ਮੈਂ ਪ੍ਰਸ਼ਾਸ਼ਨ ਤੋਂ ਮੰਗ ਕਰਦਾ ਹਾਂ ਕਿ ਉਨ੍ਹਾਂ ਦੋਸ਼ੀਆਂ ਉਪਰ ਜਲਦ ਤੇ ਸਖ਼ਤ ਤੋਂ ਸਖ਼ਤ ਕਾਰਵਾਈ ਕੀਤੀ ਜਾਵੇ।
Gopal Singh
ਘਟਨਾ 'ਤੇ ਦੁੱਖ ਪ੍ਰਗਟ ਕਰਨ ਗੁਰਦੁਆਰਾ ਜਨਮ ਅਸਥਾਨ ਪਹੁੰਚੇ ਮੌਲਾਨਾ ਮੁਹੱਬੁਲ ਨਬੀ ਤਾਹਿਰ ਨੇ ਕਿਹਾ ਕਿ ਇਹ ਜ਼ਿਆਦਤੀ ਨਹੀ ਇਹ ਜ਼ੁਲਮ ਹੈ। ਉਨ੍ਹਾਂ ਕਿਹਾ ਕਿ ਨਵੰਬਰ ਮਹੀਨੇ ਨਨਕਾਣਾ ਸਾਹਿਬ ਵਿਖੇ ਰਬੀ ਉਲ ਸ਼ਰੀਫ ਦਾ ਜਲੂਸ ਕੱਢਿਆ ਗਿਆ ਤਾਂ ਸਿੱਖ ਭਾਈਚਾਰੇ ਨੇ ਸਾਡੇ ਉਪਰ ਫੁੱਲਾਂ ਦੀ ਵਰਖਾ ਕੀਤੀ ਅਤੇ ਉਸ ਤੋਂ ਅਗਲੇ ਦਿਨ ਬਾਬਾ ਗੁਰੂ ਨਾਨਕ ਦਾ ਜਨਮ ਦਿਨ ਸੀ ਅਤੇ ਸਾਡੇ ਵੱਲੋਂ ਨਗਰ ਕੀਰਤਨ 'ਤੇ ਫੁੱਲਾਂ ਦੀ ਵਰਖਾ ਕੀਤੀ ਗਈ।
Imran Khan
ਉਨ੍ਹਾਂ ਕਿਹਾ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਵੀ ਕਿਹਾ ਕਿ ਇਸ ਅਸਥਾਨ ਨੂੰ ਅਸੀਂ ਰਿਆਸਤੇ ਮਦੀਨਾ ਬਣਾਵਾਂਗੇ ਅਤੇ ਧਾਰਮਿਕ ਅਸਥਾਨਾਂ ਦਾ ਆਦਰ ਕਰਨਾ ਹਰ ਇਕ ਦਾ ਫਰਜ਼ ਹੈ ਅਤੇ ਅਸੀ ਯਕੀਨ ਦੁਆਦੇ ਹਾਂ ਕਿ ਨਨਕਾਣਾ ਸਾਹਿਬ ਵਿਚ ਸਿੱਖਾਂ ਅਤੇ ਮੁਸਲਮਾਨਾਂ ਦੀ ਦੋਸਤੀ ਕਿਆਮਤ ਤੱਕ ਕਾਇਮ ਰਹੇਗੀ। ਨਨਕਾਣਾ ਵਿਚ ਪਹਿਲਾਂ ਵੀ ਅਮਨ ਸੀ ਅਤੇ ਅੱਗੇ ਵੀ ਅਮਨ ਬਣਿਆ ਰਹੇਗਾ।
