ਮੱਧ ਪ੍ਰਦੇਸ਼ ਦੇ ਉਜੈਨ ਜ਼ਿਲ੍ਹੇ ਦੇ ਮਹਿਦਪੁਰ ਐਸਡੀਐਮ ਨੇ ਦਲਿਤਾਂ ਨੂੰ ਲੈ ਕੇ ਇਕ ਤੁਗ਼ਲਕੀ ਫ਼ਰਮਾਨ ਜਾਰੀ ਕੀਤਾ ਹੈ। ਉਨ੍ਹਾਂ ਤਹਿਸੀਲ ਦੀਆਂ ਸਾਰੀਆਂ...
- ਮੱਧ ਪ੍ਰਦੇਸ਼ 'ਚ ਐਸਡੀਐਮ ਦਾ ਤੁਗ਼ਲਕੀ ਫ਼ਰਮਾਨ
ਭੋਪਾਲ : ਮੱਧ ਪ੍ਰਦੇਸ਼ ਦੇ ਉਜੈਨ ਜ਼ਿਲ੍ਹੇ ਦੇ ਮਹਿਦਪੁਰ ਐਸਡੀਐਮ ਨੇ ਦਲਿਤਾਂ ਨੂੰ ਲੈ ਕੇ ਇਕ ਤੁਗ਼ਲਕੀ ਫ਼ਰਮਾਨ ਜਾਰੀ ਕੀਤਾ ਹੈ। ਉਨ੍ਹਾਂ ਤਹਿਸੀਲ ਦੀਆਂ ਸਾਰੀਆਂ ਪੰਚਾਇਤਾਂ ਨੂੰ ਆਦੇਸ਼ ਦਿਤਾ ਹੈ ਕਿ ਪਿੰਡ ਵਿਚ ਜੇਕਰ ਕਿਸੇ ਵੀ ਦਲਿਤ ਪਰਵਾਰ ਵਿਚ ਵਿਆਹ ਹੋਵੇ ਜਾਂ ਦਲਿਤ ਬਰਾਤ ਕੱਢਣ ਤਾਂ 3 ਦਿਨ ਪਹਿਲਾਂ ਥਾਣੇ ਵਿਚ ਉਸ ਦੀ ਜਾਣਕਾਰੀ ਦੇਣ ਅਤੇ ਪੁਲਿਸ ਹੈੱਡ ਕਾਂਸਟੇਬਲ ਤੋਂ ਉਸ ਦੀ ਲਿਖਤੀ ਮਨਜ਼ੂਰੀ ਲੈਣ।
madhya pradesh sdm order dalit family to get police permission prior marriage
ਐਸਡੀਐਮ ਦੇ ਇਸ ਆਦੇਸ਼ ਤੋਂ ਬਾਅਦ ਦਲਿਤ ਸੰਗਠਨਾਂ ਨੇ ਇਸ ਦਾ ਵਿਰੋਧ ਕਰਨਾ ਸ਼ੁਰੂ ਕਰ ਦਿਤਾ ਹੈ ਅਤੇ ਐਸਡੀਐਮ ਵਿਰੁਧ ਕਾਰਵਾਈ ਦੀ ਮੰਗ ਕੀਤੀ ਹੈ। ਉਥੇ ਉਜੈਨ ਦੇ ਡੀਸੀ ਨੇ ਇਸ ਆਦੇਸ਼ ਨੂੰ ਬਦਲਣ ਲਈ ਆਖਿਆ ਹੈ।
madhya pradesh sdm order dalit family to get police permission prior marriage
ਦਸ ਦਈਏ ਕਿ 30 ਅਪ੍ਰੈਲ ਨੂੰ ਰਾਜਸਥਾਨ ਦੇ ਭੀਲਵਾੜਾ ਜ਼ਿਲ੍ਹੇ ਵਿਚ ਗੋਵਰਧਨਪੁਰਾ ਪਿੰਡ ਵਿਚ ਇਕ ਦਲਿਤ ਵਿਅਕਤੀ ਨੂੰ ਅਪਣੀ ਬਰਾਤ ਕੱਢਣ ਦੌਰਾਨ ਘੋੜੇ 'ਤੇ ਸਵਾਰੀ ਕਰਨ ਦੀ ਵਜ੍ਹਾ ਨਾਲ ਕੁੱਟਿਆ ਗਿਆ ਅਤੇ ਉਸੇ ਪਿੰਡ ਦੇ ਕੁੱਝ ਲੋਕਾਂ ਨੇ ਉਸ ਨੂੰ ਘੋੜੇ ਤੋਂ ਉਤਰਨ ਲਈ ਮਜਬੂਰ ਕਰ ਦਿਤਾ ਸੀ। ਪੁਲਿਸ ਨੇ ਇਸ ਨੂੰ ਲੈ ਕੇ ਮਾਮਲਾ ਦਰਜ ਕੀਤਾ ਸੀ ਅਤੇ 7 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਸੀ।
