ਸਾਬਕਾ ਕਾਂਗਰਸੀ ਮੰਤਰੀ ਦਾ ਦਾਅਵਾ, ਯੂਪੀਏ ਸਰਕਾਰ ਵੇਲੇ ਵੀ ਹੋਈਆਂ ਸਨ 6 ਸਰਜੀਕਲ ਸਟ੍ਰਾਈਕ
Published : May 5, 2019, 11:56 am IST
Updated : May 5, 2019, 11:56 am IST
SHARE ARTICLE
Rajiv Shukla
Rajiv Shukla

ਡਾ. ਮਨਮੋਹਨ ਸਿੰਘ ਦੀ ਅਗਵਾਈ ਵਾਲੀ ਯੂਪੀਏ ਸਰਕਾਰ ਦੇ ਸਮੇਂ ਵੀ ਸਰਜੀਕਲ ਸਟ੍ਰਾਈਕ ਹੋਈ ਸੀ।

ਨਵੀਂ ਦਿੱਲੀ: ਪੀਐਮ ਨਰਿੰਦਰ ਮੋਦੀ ਦੀ ਅਗਵਾਈ ਵਾਲੀ ਭਾਜਪਾ ਸਰਕਾਰ ਵਲੋਂ ਭਾਵੇਂ ਪਿਛਲੇ ਕਾਫ਼ੀ ਸਮੇਂ ਤੋਂ ਸਰਜੀਕਲ ਸਟ੍ਰਾਈਕ ਦਾ ਢਿੰਡੋਰਾ ਪਿੱਟ ਕੇ ਕਥਿਤ ਤੌਰ 'ਤੇ ਸਿਆਸਤ ਖੇਡੀ ਜਾ ਰਹੀ ਹੈ। ਪਰ ਹੈਰਾਨੀਜਨਕ ਗੱਲ ਇਹ ਕਿ ਡਾ. ਮਨਮੋਹਨ ਸਿੰਘ ਦੀ ਅਗਵਾਈ ਵਾਲੀ ਯੂਪੀਏ ਸਰਕਾਰ ਦੇ ਸਮੇਂ ਵੀ ਸਰਜੀਕਲ ਸਟ੍ਰਾਈਕ ਹੋਈ ਸੀ। ਯੂਪੀਏ ਸਰਕਾਰ ਵੇਲੇ 6 ਸਰਜੀਕਲ ਸਟ੍ਰਾਈਕ ਹੋਈਆਂ ਸਨ ਪਰ ਕਾਂਗਰਸ ਨੇ ਭਾਜਪਾ ਵਾਂਗ ਇਸ ਦਾ ਕਦੇ ਢਿੰਡੋਰਾ ਨਹੀਂ ਪਿੱਟਿਆ।

BJPBJP

ਇਹ ਦਾਅਵਾ ਸਾਬਕਾ ਕੇਂਦਰੀ ਮੰਤਰੀ ਅਤੇ ਕਾਂਗਰਸ ਦੇ ਸੀਨੀਅਰ ਨੇਤਾ ਰਾਜੀਵ ਸ਼ੁਕਲਾ ਵਲੋਂ ਕੀਤਾ ਗਿਆ ਹੈ। ਰਾਜੀਵ ਸ਼ੁਕਲਾ ਦਾ ਕਹਿਣਾ ਹੈ ਕਿ ਅਸੀਂ ਕਦੇ ਛਾਤੀ ਨਹੀਂ ਪਿੱਟੀ ਪਰ ਜਿਸ ਵਿਅਕਤੀ ਨੇ ਸਿਰਫ਼ ਇਕ ਸਰਜੀਕਲ ਸਟ੍ਰਾਈਕ ਕੀਤੀ, ਉਹ ਅਪਣੀ ਪਿੱਠ ਥਾਪੜ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਨਾ ਤਾਂ ਅਟਲ ਬਿਹਾਰੀ ਵਾਜਪਾਈ ਨੇ ਸਰਜੀਕਲ ਸਟ੍ਰਾਈਕ ਨੂੰ ਲੈ ਕੇ ਪ੍ਰੈੱਸ ਕਾਨਫਰੰਸ ਕੀਤੀ ਅਤੇ ਨਾ ਹੀ ਡਾ. ਮਨਮੋਹਨ ਸਿੰਘ ਨੇ ਅਜਿਹਾ ਕੀਤਾ।

Terror camp hit by surgical strikeSurgical strike

ਕਾਂਗਰਸੀ ਨੇਤਾ ਨੇ ਸਰਜੀਕਲ ਸਟ੍ਰਾਈਕ ਦਾ ਵੇਰਵਾ ਦਿੰਦੇ ਹੋਏ ਕਿਹਾ ਕਿ ਯੂਪੀਏ ਸਰਕਾਰ ਦੌਰਾਨ ਪਹਿਲੀ ਸਰਜੀਕਲ ਸਟ੍ਰਾਈਕ ਨੂੰ 19 ਜੂਨ 2008 ਨੂੰ ਜੰਮੂ ਕਸ਼ਮੀਰ ਦੇ ਪੁੰਛ ਸਥਿਤ ਭੱਟਲ ਸੈਕਟਰ ਵਿਚ ਅੰਜ਼ਾਮ ਦਿਤਾ ਗਿਆ ਸੀ। ਅਤਿਵਾਦੀਆਂ ਨੂੰ ਮੂੰਹਤੋੜ ਜਵਾਬ ਦੇਣ ਲਈ ਦੂਜੀ ਸਰਜੀਕਲ ਸਟ੍ਰਾਈਕ 30 ਅਗਸਤ ਤੋਂ 1 ਸਤੰਬਰ 2011 ਤਕ ਕੇਲ ਵਿਚ ਨੀਲਮ ਰਿਵਰ ਵੈਲੀ ਕੋਲ ਸ਼ਾਰਦਾ ਸੈਕਟਰ ਵਿਚ ਕੀਤੀ ਗਈ।

Surgical Strike under UPA tenureSurgical Strike under UPA tenure

ਤੀਜੀ ਸਰਜੀਕਲ ਸਟ੍ਰਾਈਕ 6 ਜਨਵਰੀ 2013 ਨੂੰ ਸਾਵਨ ਪੱਤਰਾ ਚੈਕਪੋਸਟ 'ਤੇ ਕੀਤੀ ਗਈ। ਚੌਥੀ ਸਰਜੀਕਲ ਸਟ੍ਰਾਈਕ 27-28 ਜੁਲਾਈ 2013 ਨੂੰ ਨਜ਼ੀਰਪੀਰ ਸੈਕਟਰ ਵਿਚ ਕੀਤੀ ਗਈ। ਪੰਜਵੀਂ ਸਰਜੀਕਲ ਸਟ੍ਰਾਈਕ 6 ਅਗਸਤ 2013 ਵਿਚ ਨੀਲਮ ਵੈਲੀ 'ਤੇ ਅਤੇ ਛੇਵੀਂ ਸਰਜੀਕਲ ਸਟ੍ਰਾਈਕ 14 ਜਨਵਰੀ 2014 ਨੂੰ ਕੀਤੀ ਗਈ ਸੀ। ਕਾਂਗਰਸੀ ਨੇਤਾ ਸ਼ੁਕਲਾ ਮੁਤਾਬਕ ਦੋ ਸਰਜੀਕਲ ਸਟ੍ਰਾਈਕ ਵਾਜਪਾਈ ਸਰਕਾਰ ਦੌਰਾਨ ਵੀ ਕੀਤੀਆਂ ਗਈਆਂ ਸਨ। ਪਹਿਲੀ ਸਰਜੀਕਲ ਸਟ੍ਰਾਈਕ 21 ਜਨਵਰੀ 2000 ਵਿਚ ਨਾਡਲਾ ਇਨਕਲੇਵ ਅਤੇ ਦੂਜੀ 18 ਸਤੰਬਰ 2003 ਨੂੰ ਪੁੰਛ ਸੈਕਟਰ ਵਿਚ ਕੀਤੀ ਗਈ ਸੀ।

Congress PartyCongress

ਦੱਸ ਦਈਏ ਕਿ ਮੌਜੂਦਾ ਭਾਜਪਾ ਸਰਕਾਰ ਦੌਰਾਨ ਵੀ ਦੋ ਸਰਜੀਕਲ ਸਟ੍ਰਾਈਕ ਕੀਤੀਆਂ ਗਈਆਂ ਜਿਨ੍ਹਾਂ ਵਿਚ ਇਕ ਉੜੀ ਹਮਲੇ ਦੇ ਵਿਰੋਧ ਵਿਚ ਕੀਤੀ ਗਈ ਸੀ ਅਤੇ ਦੂਜੀ ਪੁਲਵਾਮਾ ਅਤਿਵਾਦੀ ਹਮਲੇ ਦਾ ਬਦਲਾ ਲੈਣ ਲਈ ਕੀਤੀ ਗਈ। ਬਾਲਾਕੋਟ ਵਿਚ ਇਨ੍ਹਾਂ ਸਰਜੀਕਲ ਸਟ੍ਰਾਈਕ ਨੂੰ ਲੈ ਕੇ ਭਾਜਪਾ ਦਾ ਹਰ ਨੇਤਾ ਇੰਝ ਬਿਆਨ ਕਰ ਰਿਹਾ ਹੈ ਜਿਵੇਂ ਇਹ ਮਾਅਰਕਾ ਸਿਰਫ਼ ਉਨ੍ਹਾਂ ਦੀ ਹੀ ਸਰਕਾਰ ਨੇ ਮਾਰਿਆ ਹੋਵੇ ਜਦਕਿ ਯੂਪੀਏ ਸਰਕਾਰ ਵਲੋਂ 6 ਸਰਜੀਕਲ ਕੀਤੇ ਜਾਣ ਮਗਰੋਂ ਵੀ ਕਦੇ ਇਸ ਦਾ ਸਿਆਸੀ ਲਾਹਾ ਲੈਣ ਦੀ ਕੋਸ਼ਿਸ਼ ਨਹੀਂ ਕੀਤੀ ਗਈ।

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਪ੍ਰਵਾਸੀਆਂ ਨੂੰ ਵਸਾਇਆ ਸਰਕਾਰਾਂ ਨੇ? Ravinder bassi advocate On Punjab Boycott Migrants|Parvasi Virodh

19 Sep 2025 3:26 PM

Punjab Bathinda: Explosion In Jida Village| Army officers Visit | Blast Investigation |Forensic Team

19 Sep 2025 3:25 PM

Indira Gandhi ਦੇ ਗੁਨਾਹ Rahul Gandhi ਕਿਉਂ ਭੁਗਤੇ' ਉਹ ਤਾਂ ਬੱਚਾ ਸੀ,SGPC ਮੈਂਬਰ ਰਾਹੁਲ ਗਾਂਧੀ ਦੇ ਹੱਕ ‘ਚ ਆਏ..

18 Sep 2025 3:16 PM

Bhai Baldev Singh Wadala meet Harvir Father: ਅਸੀਂ Parvasi ਦੇ ਨਾਂਅ 'ਤੇ ਪੰਜਾਬ 'ਚ ਅਪਰਾਧੀ ਨਹੀਂ ਰਹਿਣ ਦੇਣੇ

18 Sep 2025 3:15 PM

Nepal, Bangladesh, Sri Lanka ਚ ਤਖ਼ਤਾ ਪਲਟ ਤੋਂ ਬਾਅਦ ਅਗਲਾ ਨੰਬਰ ਕਿਸ ਦਾ? Nepal Gen-Z protests | Corruption

17 Sep 2025 3:21 PM
Advertisement