ਪੰਜਾਬ ਤੇ ਕੇਰਲ ਰਾਜ, ਕੋਰੋਨਾ ਦੇ ਜੇਤੂ ਸੂਬੇ ਹੋਣ ਤੋਂ ਬਾਅਦ ਹੁਣ ਹੇਠਾਂ ਵਲ ਕਿਉਂ?
Published : Sep 5, 2020, 7:49 am IST
Updated : Sep 5, 2020, 7:52 am IST
SHARE ARTICLE
Coronavirus
Coronavirus

ਕੋਵਿਡ-19 ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਪੰਜਾਬ ਵਿਚ ਪੂਰੇ ਦੇਸ਼ ਦੇ ਮੁਕਾਬਲੇ ਵੱਧ ਰਹੀ ਹੈ।

ਕੋਵਿਡ-19 ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਪੰਜਾਬ ਵਿਚ ਪੂਰੇ ਦੇਸ਼ ਦੇ ਮੁਕਾਬਲੇ ਵੱਧ ਰਹੀ ਹੈ। ਜਿਥੇ ਦੇਸ਼ ਵਿਚ ਮੌਤਾਂ ਦਾ ਅੰਕੜਾ 3.36 ਫ਼ੀਸਦੀ ਤੋਂ ਡਿੱਗ ਕੇ 1.81 ਫ਼ੀ ਸਦੀ ਤੇ ਆ ਚੁਕਾ ਹੈ, ਪੰਜਾਬ ਵਿਚ ਇਹ ਗਿਣਤੀ 2.41 ਫ਼ੀ ਸਦੀ  ਤੋਂ ਵੱਧ ਕੇ 2.64 ਫ਼ੀ ਸਦੀ ਤੇ ਪਹੁੰਚ ਚੁੱਕੀ ਹੈ। ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਮੁਤਾਬਕ ਇਸ ਪਿਛੇ ਦਾ ਕਾਰਨ ਲੋਕਾਂ ਵਲੋਂ ਟੈਸਟ ਕਰਵਾਉਣ ਵਿਚ ਦੇਰੀ ਹੈ।

Coronavirus Coronavirus

61 ਫ਼ੀਸਦੀ ਮੌਤਾਂ ਇਸ ਕਾਰਨ ਹੋਈਆਂ ਕਿ ਉਨ੍ਹਾਂ ਨੇ ਅਪਣਾ ਟੈਸਟ ਨਹੀਂ ਕਰਵਾਇਆ ਸੀ ਤੇ ਉਹ ਇਲਾਜ ਕਰਵਾਉਣ, ਦੇਰ ਨਾਲ ਆਏ। ਇਹ ਬਿਲਕੁਲ ਠੀਕ ਹੈ ਕਿਉਂਕਿ ਇਹ ਆਮ ਵੇਖਿਆ ਜਾ ਰਿਹਾ ਹੈ ਕਿ ਲੋਕ ਟੈਸਟ ਕਰਵਾਉਣ ਤੋਂ ਵੀ ਘਬਰਾ ਰਹੇ ਹਨ। ਕਈ ਪਿੰਡਾਂ ਨੇ ਅਪਣੇ ਆਪ ਨੂੰ ਬੰਦ ਕਰ ਲਿਆ ਹੈ ਤੇ ਸਿਹਤ ਵਿਭਾਗ ਦੀ ਕਿਸੇ ਵੀ ਟੀਮ ਨੂੰ ਅੰਦਰ ਆਉਣ ਤੋਂ ਰੋਕ ਰਹੇ ਹਨ। ਉਨ੍ਹਾਂ ਨੂੰ ਜਾਪਦਾ ਹੈ ਕਿ ਜੇਕਰ ਸਰਕਾਰੀ ਹਸਪਤਾਲ ਪਹੁੰਚ ਗਏ ਤਾਂ ਫਿਰ ਬਚਾਅ ਨਾਮੁਮਕਿਨ ਹੈ।

coronaviruscoronavirus

ਕੁੱਝ ਅਫ਼ਵਾਹਾਂ ਵੀ ਫੈਲਾਈਆਂ ਜਾ ਰਹੀਆਂ ਹਨ ਕਿ ਡਾਕਟਰ ਪੈਸੇ ਲੈ ਕੇ ਕਿਸੇ ਦਾ ਵੀ ਟੈਸਟ ਪਾਜ਼ੇਟਿਵ ਜਾਂ ਨੈਗੇਟਿਵ ਕਰ ਦਿੰਦੇ ਹਨ। ਇਹ ਵੀ ਆਖਿਆ ਜਾ ਰਿਹਾ ਹੈ ਕਿ ਵਿਅਕਤੀਆਂ ਨੂੰ ਦਵਾਈ ਨਾਲ ਮਾਰ ਕੇ, ਸ੍ਰੀਰ ਦੇ ਅੰਗਾਂ ਦੀ ਚੋਰੀ ਹੋ ਰਹੀ ਹੈ। ਹਸਪਤਾਲਾਂ ਵਲੋਂ ਵਧਾ ਚੜ੍ਹਾ ਕੇ ਹਸਪਤਾਲ ਦਾ ਬਿਲ ਬਣਾਉਣ ਦੀਆਂ ਕਈ ਕਹਾਣੀਆਂ ਸਾਹਮਣੇ ਆ ਰਹੀਆਂ ਹਨ।

Coronavirus antibodiesCoronavirus 

ਪੰਜਾਬ ਦੇ ਨਿਜੀ ਹਸਪਤਾਲਾਂ ਵਿਚ ਵੈਂਟੀਲੇਟਰ ਦਾ ਬਿਲ ਜੋੜਿਆ ਜਾ ਰਿਹਾ ਹੈ ਜਦਕਿ ਦੁਨੀਆਂ ਦੇ ਮਾਹਰ ਆਖ ਰਹੇ ਹਨ ਕਿ ਕੋਰੋਨਾ ਵਿਚ ਵੈਂਟੀਲੇਟਰ ਦੀ ਵਰਤੋਂ ਘੱਟ ਤੋਂ ਘੱਟ ਕਰਨ ਨਾਲ ਇਲਾਜ ਬਿਹਤਰ ਹੁੰਦਾ ਹੈ। ਸੋ ਇਨ੍ਹਾਂ ਮਹਿੰਗੇ ਬਿਲਾਂ ਨੇ ਵੀ ਲੋਕਾਂ ਨੂੰ ਡਰਾ ਦਿਤਾ ਹੈ ਭਾਵੇਂ ਕਿ ਬਹੁਤੀਆਂ ਅਫ਼ਵਾਹਾਂ ਝੂਠੀਆਂ ਹੀ ਸਾਬਤ ਹੋਈਆਂ ਹਨ।

Coronavirus Coronavirus

ਅੱਜ ਇਕ ਗੱਲ ਸਾਫ਼ ਹੈ ਕਿ ਪੰਜਾਬ ਵਿਚ ਇਸ ਤਰ੍ਹਾਂ ਦੀਆਂ ਅਫ਼ਵਾਹਾਂ ਫੈਲ ਰਹੀਆਂ ਹਨ ਪਰ ਅਫ਼ਵਾਹਾਂ ਨੂੰ ਯਕੀਨ ਵਿਚ ਬਦਲਣ ਪਿਛੇ ਦਾ ਕਾਰਨ ਸਰਕਾਰ ਪ੍ਰਤੀ ਬੇਵਿਸ਼ਵਾਸੀ ਹੈ। ਅੱਜ ਸਰਕਾਰ ਆਖ ਰਹੀ ਹੈ ਕਿ ਉਹ ਅਫ਼ਵਾਹਾਂ ਫੈਲਾਉਣ ਵਾਲਿਆਂ ਨਾਲ ਸਖ਼ਤੀ ਕਰੇਗੀ ਜਦਕਿ ਉਨ੍ਹਾਂ ਨੂੰ ਸਮਝਣ ਦੀ ਜ਼ਰੂਰਤ ਹੈ ਕਿ ਲੋਕ ਉਨ੍ਹਾਂ 'ਤੇ ਵਿਸ਼ਵਾਸ ਕਿਉਂ ਨਹੀਂ ਕਰ ਰਹੇ।

Arvind KejriwalArvind Kejriwal

ਇਸ ਬੇਵਿਸ਼ਵਾਸੀ ਨੂੰ ਦੇਖਦੇ ਹੋਏ ਦਿੱਲੀ ਤੋਂ ਕੇਜਰੀਵਾਲ ਪੰਜਾਬੀਆਂ ਵਾਸਤੇ ਆਕਸੀਜਨ ਦਾ ਪੱਧਰ ਜਾਣਨ ਵਾਸਤੇ ਘਰ-ਘਰ, ਪਿੰਡ-ਪਿੰਡ ਆਕਸੀਮੀਟਰ ਭੇਜ ਰਹੇ ਹਨ। ਡੇਢ ਮਹੀਨਾ ਪਹਿਲਾਂ ਪੰਜਾਬ ਤੇ ਕੇਰਲਾ ਦੇਸ਼ ਵਿਚ ਸੱਭ ਤੋਂ ਅੱਵਲ ਸੂਬੇ ਸਾਬਤ ਮੰਨੇ ਜਾਂਦੇ ਸਨ ਜਿਥੇ ਕੋਵਿਡ ਮਰੀਜ਼ਾਂ ਦੀ ਗਿਣਤੀ ਬਹੁਤ ਘੱਟ ਸੀ। ਇਹ ਦੋਵੇਂ ਸੂਬੇ ਜਨਵਰੀ ਤੋਂ ਚੌਕਸ ਸਨ। ਪਰ ਅੱਜ ਦੇ ਦਿਨ ਦੋਵੇਂ ਹੀ ਸੂਬੇ ਕੋਵਿਡ ਦੀ ਜੰਗ ਵਿਚ ਕਮਜ਼ੋਰ ਪੈ ਰਹੇ ਹਨ।

ਕੇਰਲ ਵਿਚ ਸਰਕਾਰ ਦਾ ਡਿਗਣਾ ਤੇ ਸੈਂਕੜੇ ਵਰਕਰਾਂ ਦਾ ਵਾਪਸ ਪਰਤਣਾ ਮਹਾਂਮਾਰੀ ਫੈਲਣ ਦਾ ਕਾਰਨ ਮੰਨਿਆ ਜਾ ਰਿਹਾ ਹੈ। ਪੰਜਾਬ ਵਿਚ ਵੀ ਪ੍ਰਵਾਸੀ ਮਜ਼ਦੂਰਾਂ ਨਾਲ ਹੀ ਅੱਜ ਦੀ ਹਾਲਤ ਜੁੜੀ ਹੋਈ ਹੈ ਪਰ ਪੰਜਾਬ ਸਰਕਾਰ ਪ੍ਰਤੀ ਬੇਵਿਸ਼ਵਾਸੀ ਦੇ ਕਾਰਨ ਕੋਈ ਹੋਰ ਹਨ। ਅੱਜ ਦੀ ਪੰਜਾਬ ਸਰਕਾਰ ਭਾਵੇਂ ਸੋਸ਼ਲ ਮੀਡੀਆ ਤੇ ਅਪਣੇ ਸੰਦੇਸ਼ ਦਿੰਦੀ ਰਹਿੰਦੀ ਹੈ ਪਰ ਲੋਕਾਂ ਵਿਚਕਾਰ ਖੜੀ ਨਜ਼ਰ ਨਹੀਂ ਆ ਰਹੀ।

ਅੱਜ ਸਿਰਫ਼ ਪਿੰਡਾਂ ਵਲੋਂ ਹੀ ਨਹੀਂ, ਸ਼ਹਿਰੀ ਦੁਕਾਨਦਾਰਾਂ ਵਲੋਂ ਵੀ ਬਗ਼ਾਵਤ ਹੋ ਰਹੀ ਹੈ ਕਿਉਂਕਿ ਉਹ ਆਖਦੇ ਹਨ ਕਿ ਜੇ ਠੇਕੇ (ਭਾਵੇਂ ਗ਼ੈਰ ਕਾਨੂੰਨੀ) ਦੇਰ ਰਾਤ ਤਕ ਖੁਲ੍ਹੇ ਰਹਿ ਸਕਦੇ ਹਨ ਤਾਂ ਫਿਰ ਦੁਕਾਨਾਂ ਕਿਉਂ ਨਹੀਂ ਖੁਲ੍ਹ ਸਕਦੀਆਂ? ਪੰਜਾਬ ਪੁਲਿਸ ਦਾ ਇਕ ਵੀ ਡੰਡਾ ਹੁਣ ਬੰਬ ਵਾਂਗ ਲਗਦਾ ਹੈ। ਪੰਜਾਬ ਸਰਕਾਰ ਨੂੰ ਅਪਣੇ ਇਕਾਂਤਵਾਸ ਤੋਂ ਬਾਹਰ ਨਿਕਲ ਕੇ ਅਪਣੇ ਮਾਸਕ ਤੇ ਪੁਲਿਸ ਦੀ ਕਾਰਗੁਜ਼ਾਰੀ ਵਲ ਨਜ਼ਰ ਮਾਰਨ ਦੀ ਜ਼ਰੂਰਤ ਹੈ ਨਹੀਂ ਤਾਂ ਇਹ ਬੇਵਿਸ਼ਵਾਸੀ ਪੱਕੀ ਹੋ ਜਾਵੇਗੀ।  -ਨਿਮਰਤ ਕੌਰ

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ , ਨਿਮਰਤ ਕੌਰ

ਸਬੰਧਤ ਖ਼ਬਰਾਂ

Advertisement

ਇੱਕ ਹੋਰ ਕੁੜੀ ਨੇ ਮੁੰਡੇ ਨੂੰ ਲਗਾਇਆ ਅੱਧੇ ਕਰੋੜ ਦਾ ਚੂਨਾ, ਕੈਨੇਡਾ ਜਾ ਕੇ ਘਰਵਾਲਾ ਛੱਡ Cousin ਨਾਲ਼ ਰਹਿਣਾ ਕੀਤਾ ਸ਼ੁਰੂ !

20 Sep 2025 3:15 PM

Sohana Hospital Child Swap Case Punjab : Child ਬਦਲਿਆ ਮਾਮਲੇ 'ਚ DNA Report ਆ ਗਈ ਸਾਹਮਣੇ

20 Sep 2025 3:14 PM

ਪ੍ਰਵਾਸੀਆਂ ਨੂੰ ਵਸਾਇਆ ਸਰਕਾਰਾਂ ਨੇ? Ravinder bassi advocate On Punjab Boycott Migrants|Parvasi Virodh

19 Sep 2025 3:26 PM

Punjab Bathinda: Explosion In Jida Village| Army officers Visit | Blast Investigation |Forensic Team

19 Sep 2025 3:25 PM

Indira Gandhi ਦੇ ਗੁਨਾਹ Rahul Gandhi ਕਿਉਂ ਭੁਗਤੇ' ਉਹ ਤਾਂ ਬੱਚਾ ਸੀ,SGPC ਮੈਂਬਰ ਰਾਹੁਲ ਗਾਂਧੀ ਦੇ ਹੱਕ ‘ਚ ਆਏ..

18 Sep 2025 3:16 PM
Advertisement