ਹੁਣ ਖਾਤਾਧਾਰਕ ਕਢਵਾ ਸਕਣਗੇ 50 ਹਜ਼ਾਰ ਰੁਪਏ
ਮੁੰਬਈ : ਭਾਰਤੀ ਰਿਜ਼ਰਵ ਬੈਂਕ ਨੇ ਮੰਗਲਵਾਰ ਨੂੰ ਆਪਣੇ ਫੈਸਲੇ ਵਿਚ ਬਦਲਾਅ ਕਰਦਿਆਂ ਬੈਨ ਕੀਤੇ ਪੰਜਾਬ ਅਤੇ ਮਹਾਰਾਸ਼ਟਰ ਬੈਂਕ ਦੇ ਹਰ ਖਾਤੇ ਵਿਚੋਂ ਪੈਸੇ ਕਢਾਉਣ ਦੀ ਰਾਸ਼ੀ ਨੂੰ 10 ਹਜਾਰ ਤੋਂ ਵਧਾ ਕੇ 50 ਹਜਾਰ ਕਰ ਦਿੱਤਾ ਹੈ। ਪੈਸੇ ਕਢਾਉਣ ਉੱਤੇ ਨਿਯੰਤਰਣ ਲਗਾਏ ਜਾਣ ਦੇ ਕਾਰਨ ਆਰਬੀਆਈ ਨੂੰ ਪਿਛਲੇ ਦਿਨਾਂ ਵਿਚ ਖਾਤਾਧਾਰਕਾਂ ਦੇ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ ਸੀ।
PMC
ਆਰਬੀਆਈ ਨੇ ਆਪਣੇ ਬਿਆਨ ਵਿਚ ਕਿਹਾ ਕਿ ਪੀਐਮਸੀ ਬੈਂਕ ਦੇ ਹਾਲੀਆ ਖਾਤਾਧਾਰਕ ਅਤੇ ਤਰਲਤਾ ਦੀ ਸਥਿਤੀ ਦੀ ਸ਼ੁਰੂਆਤੀ ਸਮੀਖਿਆ ਤੋਂ ਬਾਅਦ ਪੈਸੇ ਕਢਾਉਣ ਦੀ ਸੀਮਾ ਵਧਾਉਣ ਦਾ ਫੈਸਲਾ ਲਿਆ ਹੈ। ਦੱਸ ਦਈਏ ਕਿ ਆਰਬੀਆਈ ਨੇ ਪਹਿਲਾਂ ਪੈਸੇ ਕਢਾਉਣ ਦੀ ਰਾਸ਼ੀ ਨੂੰ ਇੱਕ ਹਜ਼ਾਰ ਤੋਂ ਵਧਾ ਕੇ 10 ਹਜ਼ਾਰ ਕਰ ਦਿੱਤਾ ਸੀ।
Bombay high Court
ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਪੰਜਾਬ ਅਤੇ ਮਹਾਰਾਸ਼ਟਰ ਬੈਂਕ ਦੇ ਨਾਲ ਜੁੜੀ ਅਰਜੀਆਂ ਉੱਤੇ ਸੁਣਵਾਈ ਕਰਦਿਆਂ ਮੁੰਬਈ ਹਾਈ ਕੋਰਟ ਨੇ ਰਿਜ਼ਰਵ ਬੈਂਕ ਨੂੰ ਹਲਫਨਾਮਾ ਦਾਇਰ ਕਰਨ ਲਈ ਕਿਹਾ ਸੀ। ਇਸ ਹਲਫਨਾਮੇ ਵਿਚ ਆਰਬੀਆਈ ਨੂੰ ਖਾਤਾਧਾਰਕਾਂ ਦੇ ਹਿੱਤਾਂ ਦੀ ਰੱਖਿਆਂ ਦੇ ਲਈ ਉਠਾਏ ਗਏ ਕਦਮਾਂ ਦੀ ਜਾਣਕਾਰੀ ਦੇਣ ਨੂੰ ਕਿਹਾ ਗਿਆ ਸੀ। ਹਾਈ ਕੋਰਟ ਨੇ ਆਰਬੀਆਈ ਨੂੰ 13 ਨਵੰਬਰ ਤੱਕ ਹਲਫਨਾਮਾ ਦਾਇਰ ਕਰਨ ਲਈ ਕਿਹਾ ਹੈ। ਮਾਮਲੇ ਦੀ ਅਗਲੀ ਸੁਣਵਾਈ ਆਰਬੀਆਈ ਵੱਲੋਂ ਹਲਫਨਾਮਾ ਦਾਇਰ ਕਰਨ ਦੇ ਲਈ ਨਿਧਾਰਤ ਤਰੀਕ ਤੋਂ ਬਾਅਦ 19 ਨਵੰਬਰ ਨੂੰ ਹੋਵੇਗੀ।
