ਬਾਰਿਸ਼ ਕਾਰਨ ਇਕ ਵਾਰ ਫਿਰ ਪਾਰੇ ਵਿਚ ਕੀਤੀ ਗਈ ਗਿਰਾਵਟ ਦਰਜ
ਚੰਡੀਗੜ੍ਹ : ਅੱਜ ਸੋਮਵਾਰ ਦੀ ਸਵੇਰ ਦਾ ਚਾਨਣ ਪੰਜਾਬ ਵਿਚ ਹਲਕੀ ਬਾਰਿਸ਼ ਨਾਲ ਹੋਇਆ। ਸੂਬੇ ਦੇ ਕਈਂ ਸ਼ਹਿਰਾਂ ਵਿਚ ਬੂੰਦਾ-ਬਾਂਦੀ ਨਾਲ ਠੰਡੀਆ ਹਵਾਵਾਂ ਵੀ ਚੱਲੀਆ। ਜਿਸ ਨਾਲ ਠੰਡ ਵੀ ਵੱਧ ਗਈ ਹੈ ਅਤੇ ਪਾਰਾ ਵੀ ਹੇਠਾ ਡਿੱਗਿਆ ਹੈ।
File Photo
ਨਵੇਂ ਸਾਲ ਤੋਂ ਬਾਅਦ ਚੜਿਆ ਸੂਰਜ ਅੱਜ ਇਕ ਵਾਰ ਫਿਰ ਤੋਂ ਬੱਦਲਾਂ ਵਿਚਾਲੇ ਛਿਪ ਗਿਆ ਹੈ। ਅੱਜ ਮੋਹਾਲੀ. ਚੰਡੀਗੜ੍ਹ, ਪਟਿਆਲਾ ਅਤੇ ਲੁਧਿਆਣਾ ਵਰਗੇ ਸ਼ਹਿਰਾਂ ਵਿਚ ਤੜਕ ਸਵੇਰ ਹਲਕੀ ਬਾਰਿਸ਼ ਹੋਈ ਹੈ ਜਿਸ ਨਾਲ ਇਕ ਵਾਰ ਫਿਰ ਠੰਡ ਨੇ ਲੋਕਾਂ ਨੂੰ ਆਪਣੀਆਂ ਬਾਹਾਂ ਵਿਚ ਸਮੇਟ ਲਿਆ ਹੈ। ਬਾਰਿਸ਼ ਨਾਲ ਤਾਪਮਾਨ ਵਿਚ ਵੀ ਗਿਰਾਵਟ ਦਰਜ ਕੀਤੀ ਗਈ ਹੈ।
File Photo
ਮੌਸਮ ਵਿਭਾਗ ਅਨੁਸਾਰ ਆਉਣ ਵਾਲੀ 7 ਅਤੇ 8 ਜਨਵਰੀ ਨੂੰ ਪੰਜਾਬ ਅਤੇ ਹਰਿਆਣਾ ਦੇ ਕਈ ਇਲਾਕਿਆਂ ਵਿਚ ਮੁੜ ਬਾਰਿਸ਼ ਹੋ ਸਕਦੀ ਹੈ। ਜਿਸ ਦੀ ਰਫ਼ਤਾਰ 2 ਤੋਂ 3 ਐਮ,ਐਮ ਰਹਿਣ ਦੀ ਸੰਭਾਵਨਾ ਜਤਾਈ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਹਲਕੀ ਹਨੇਰੀ ਦੇ ਨਾਲ-ਨਾਲ ਪਹਾੜੀ ਇਲਾਕਿਆਂ ਵਿਚ ਬਰਫਬਾਰੀ ਹੋਣ ਦਾ ਅਨੁਮਾਨ ਵੀ ਲਗਾਇਆ ਗਿਆ ਹੈ।
File Photo
ਦੱਸ ਦਈਏ ਕਿ ਨਵੇ ਸਾਲ ਦੀ ਸਵੇਰ ਸੂਰਜ ਦੀਆਂ ਕਿਰਨਾਂ ਨਾਲ ਚਮਕ ਉੱਠੀ ਸੀ ਜਿਸ ਨਾਲ ਲੋਕਾਂ ਨੂੰ ਪਿਛਲੇ ਪੰਦਰਾਂ ਦਿਨਾਂ ਤੋਂ ਪੈ ਰਹੀ ਕੜਾਕੇ ਦੀ ਠੰਡ ਤੋਂ ਰਹਾਤ ਮਿਲੀ ਸੀ। ਖੈਰ ਇਸ ਬਾਰਿਸ਼ ਦੇ ਨਾਲ ਜਿੱਥੇ ਇਕ ਪਾਸੇ ਠੰਡ ਵਧੀ ਹੈ ਉੱਥੇ ਹੀ ਦੂਜੇ ਪਾਸੇ ਇਸ ਨਾਲ ਕਿਸਾਨਾਂ ਦੇ ਚਹਿਰੇ 'ਤੇ ਖੁਸ਼ੀ ਵੀ ਹੈ ਕਿਉਂਕਿ ਇਸ ਨਾਲ ਕਣਕ ਦੀ ਫ਼ਸਲ ਨੂੰ ਇਕ ਨਵੀਂ ਊਰਜਾ ਮਿਲਦੀ ਹੈ ਪਰ ਭਾਰੀ ਬਾਰਿਸ਼ ਹੋਣ ਨਾਲ ਇਸ ਨੂੰ ਨੁਕਸਾਨ ਵੀ ਪਹੁੰਚ ਸਕਦਾ ਹੈ।
