ਸੰਘ ਲੋਕ ਸੇਵਾ ਕਮਿਸ਼ਨ (ਯੂਪੀਐੱਸਸੀ) ਦੀ ਪਟੀਸ਼ਨ ’ਤੇ ਸੁਣਵਾਈ ਦੌਰਾਨ ਕੀਤੀ ਟਿੱਪਣੀ
ਨਵੀਂ ਦਿੱਲੀ : ਸੁਪਰੀਮ ਕੋਰਟ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਇਸ ਕੰਪਿਊਟਰ ਯੁੱਗ ’ਚ ਉਹ ਹਾਈ ਕੋਰਟਾਂ ਵਲੋਂ ਕੀਤੇ ਜਾ ਰਹੇ ਕਟ, ਕਾਪੀ ਤੇ ਪੇਸਟ ਦੇ ਕੰਮ ਤੋਂ ਪਰੇਸ਼ਾਨ ਹੈ ਜੋ ਅਪਣੇ ਆਦੇਸ਼ਾਂ ’ਚ ਅਪਣੇ ਆਜ਼ਾਦ ਦਿਮਾਗ਼ ਦੀ ਵਰਤੋਂ ਨਹੀਂ ਕਰਦੇ। ਜਸਟਿਸ ਡੀਵਾਈ ਚੰਦਰਚੂੜ ਤੇ ਜਸਟਿਸ ਐੱਮਆਰ ਸ਼ਾਹ ਦੇ ਬੈਂਚ ਨੇ ਇਹ ਟਿਪਣੀ ਸੰਘ ਲੋਕ ਸੇਵਾ ਕਮਿਸ਼ਨ (ਯੂਪੀਐੱਸਸੀ) ਦੀ ਪਟੀਸ਼ਨ ’ਤੇ ਸੁਣਵਾਈ ਦੌਰਾਨ ਕੀਤੀ।
Supreme Court
ਯੂਪੀਐੱਸਸੀ ਨੇ ਉਡੀਸ਼ਾ ਹਾਈ ਕੋਰਟ ਨੇ ਉਸ ਆਦੇਸ਼ ਨੂੰ ਚੁਨੌਤੀ ਦਿਤੀ ਹੈ, ਜਿਸ ’ਚ ਉਸ ਨੇ ਕੇਂਦਰੀ ਪ੍ਰਸ਼ਾਸਨਿਕ ਅਥਾਰਟੀ (ਕੈਟ) ਦੇ ਫ਼ੈਸਲੇ ਨੂੰ ਬਰਕਰਾਰ ਰਖਿਆ ਸੀ।
high court
ਕੈਟ ਨੇ ਯੂਪੀਐੱਸਪੀ ਤੋਂ ਇਕ ਵਿਅਕਤੀ ਨੂੰ ਆਈਏਐੱਸ ਕੇਡਰ ਪ੍ਰਦਾਨ ਕਰਨ ਦਾ ਮਾਮਲਾ ਵੇਖਣ ਲਈ ਕਿਹਾ ਸੀ। ਉਚ ਅਦਾਲਤ ਨੇ ਹਾਈ ਕੋਰਟ ਵਲੋਂ ਰੱਦ ਪਟੀਸ਼ਨ ਬਹਾਲ ਕਰਦਿਆਂ ਕਿਹਾ ਕਿ ਅਥਾਰਟੀ ਦੇ ਫ਼ੈਸਲੇ ਨੂੰ ਕਟ, ਕਾਪੀ ਤੇ ਪੇਸਟ ਕਰਨ ਨਾਲ ਸਿਰਫ਼ ਪੇਜਾਂ ਦੀ ਗਿਣਤੀ ਵਧਦੀ ਹੈ ਪਰ ਅਪੀਲ ਦੇ ਮੁੱਖ ਮੁੱਦੇ ਦਾ ਜਵਾਬ ਨਹੀਂ ਮਿਲਦਾ।
Supreme Court
ਜਸਟਿਸ ਚੰਦਰਚੂੜ ਨੇ ਅੱਗੇ ਕਿਹਾ ਕਿ ਜਦੋਂ ਆਦੇਸ਼ਾਂ ਦੀ ਪੁਸ਼ਟੀ ਕੀਤੀ ਜਾ ਰਹੀ ਹੈ ਤਾਂ ਕਾਰਨ ਵੀ ਦਿਤਾ ਜਾਣਾ ਚਾਹੀਦਾ। ਇਸ ’ਚ ਅਪਣਾ ਦਿਮਾਗ਼ ਲਾਇਆ ਜਾਣਾ ਚਾਹੀਦਾ।
