ਗੰਭੀਰ ਬੱਚਿਆਂ ਨੂੰ ਏਅਰਲਿਫ਼ਟ ਕਰ ਕੇ ਦੇਹਰਾਦੂਨ ਭੇਜਿਆ
ਦੇਹਰਾਦੂਨ : ਉਤਰਾਖੰਡ ਦੇ ਦੋ ਵੱਖ-ਵੱਖ ਹਾਦਸਿਆਂ 'ਚ 14 ਲੋਕਾਂ ਦੀ ਮੌਤ ਹੋ ਗਈ, ਜਿਸ 'ਚ 9 ਬੱਚੇ ਵੀ ਸ਼ਾਮਲ ਹਨ। ਟਿਹਰੀ ਗੜ੍ਹਵਾਲ ਇਲਾਕੇ 'ਚ ਸਕੂਲੀ ਬੱਚਿਆਂ ਨੂੰ ਲਿਜਾ ਰਹੀ ਇਕ ਵੈਨ ਦੇ ਖੱਡ 'ਚ ਡਿੱਗਣ ਕਾਰਨ 9 ਬੱਚਿਆਂ ਦੀ ਮੌਤ ਹੋ ਗਈ। ਇਸ ਹਾਦਸੇ 'ਚ 9 ਬੱਚੇ ਜ਼ਖ਼ਮੀ ਹੋ ਗਏ। ਸਕੂਲੀ ਵੈਨ 18 ਬੱਚਿਆਂ ਨੂੰ ਲਿਜਾ ਰਹੀ ਸੀ।
9 children dead as school van plunges into Uttarakhand gorge
ਘਟਨਾ ਮੰਗਲਵਾਰ ਸਵੇਰ ਦੀ ਹੈ। ਜਾਣਕਾਰੀ ਮੁਤਾਬਕ ਉੱਤਰਾਖੰਡ ਦੇ ਟਿਹਰੀ ਜ਼ਿਲ੍ਹੇ ਦੇ ਪ੍ਰਤਾਪਨਗਰ-ਕਨਸਾਲੀ-ਮਦਨਨੇਗੀ ਮੋਟਰ ਸੜਕ 'ਚ ਸਕੂਲੀ ਬੱਚਿਆਂ ਨੂੰ ਲਿਜਾ ਰਹੀ ਇਕ ਸਕੂਲੀ ਵੈਨ ਕਨਸਾਲੀ ਦੇ ਨੇੜੇ ਬੇਕਾਬੂ ਹੋ ਕੇ ਖੱਡ 'ਚ ਡਿੱਗ ਗਈ। ਘਟਨਾ ਟਿਹਰੀ ਜ਼ਿਲ੍ਹੇ ਦੇ ਪ੍ਰਤਾਪ ਨਗਰ ਬਲਾਕ ਦੀ ਹੈ। ਬੱਚਿਆਂ ਨੂੰ ਸਥਾਨਕ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਹੈ, ਜਦਕਿ ਗੰਭੀਰ ਬੱਚਿਆਂ ਨੂੰ ਏਅਰਲਿਫ਼ਟ ਕਰ ਕੇ ਦੇਹਰਾਦੂਨ ਭੇਜਿਆ ਗਿਆ ਹੈ। ਸਕੂਲੀ ਵੈਨ 'ਚ 18 ਬੱਚੇ ਸਵਾਰ ਸਨ।
9 children dead as school van plunges into Uttarakhand gorge
ਟਿਹਰੀ ਗੜ੍ਹਵਾਲ ਦੇ ਰਾਹਤ ਅਤੇ ਬਚਾਅ ਵਿਭਾਗ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸਾ ਮੰਗਲਵਾਰ ਸਵੇਰੇ ਟਿਹਰੀ ਗੜ੍ਹਵਾਲ ਦੇ ਕੰਗਸਾਲੀ 'ਚ ਹੋਇਆ, ਜਦੋਂ ਇਕ ਸਕੂਲੀ ਵੈਨ ਤਿੱਸਲ ਕੇ ਖੱਡ 'ਚ ਡਿੱਗ ਗਈ। ਹਾਦਸੇ ਸਮੇਂ ਮੀਂਹ ਪੈ ਰਿਹਾ ਸੀ, ਜਿਸ ਕਾਰਨ ਸੜਕ 'ਤੇ ਕਾਫ਼ੀ ਪਾਈ ਵੀ ਇਕੱਤਰ ਹੋਇਆ ਪਿਆ ਸੀ।
9 children dead as school van plunges into Uttarakhand gorge
ਦੂਜਾ ਹਾਦਸਾ ਬਦਰੀਨਾਥ ਹਾਈਵੇਅ 'ਤੇ ਹੋਇਆ, ਜਿਥੇ ਮੁਸਾਫ਼ਰਾਂ ਨਾਲ ਭਰੀ ਇਕ ਬੱਸ ਦੇ ਉੱਪਰ ਚੱਟਾਨ ਦਾ ਟੁਕੜਾ ਡਿੱਗਣ ਕਾਰਨ 5 ਲੋਕਾਂ ਦੀ ਮੌਤ ਹੋ ਗਈ। ਹਾਦਸਾ ਬਦਰੀਨਾਥ ਹਾਈਵੇ ਨੇੜੇ ਬਾਮਬਗੜ ਸਲਾਈਡ ਜ਼ੋਨ 'ਚ ਹੋਇਆ ਸੀ।
