ਨਵੀਂ ਦਿੱਲੀ: ਜ਼ੁਬੇਦਾ ਬੇਗਮ ਨੂੰ ਆਖਰਕਾਰ 34 ਸਾਲਾਂ ਦੇ ਲੰਬੇ ਸੰਘਰਸ਼ ਤੋਂ ਬਾਅਦ ਭਾਰਤ ਦੀ ਨਾਗਰਿਕਤਾ ਮਿਲ ਹੀ ਗਈ। ਜ਼ੁਬੇਦਾ ਮੂਲ ਰੂਪ ਤੋਂ ਪਾਕਿਸਤਾਨ ਦੀ ਰਹਿਣ ਵਾਲੀ ਹੈ ਅਤੇ ਉਸਨੇ 34 ਸਾਲ ਪਹਿਲਾਂ ਭਾਰਤੀ ਮੂਲ ਦੇ ਇੱਕ ਨੌਜਵਾਨ ਨਾਲ ਵਿਆਹ ਕੀਤਾ ਸੀ। ਉਨ੍ਹਾਂ ਦਾ ਵਿਆਹ ਯੂ ਪੀ ਦੇ ਮੁਜ਼ੱਫਰਨਗਰ ਵਿਚ ਹੋਇਆ ਸੀ। ਭਾਰਤ ਦੀ ਨਾਗਰਿਕਤਾ ਮਿਲਣ 'ਤੇ ਖੁਸ਼ੀ ਜ਼ਾਹਰ ਕਰਦਿਆਂ ਜ਼ੁਬੇਦਾ ਨੇ ਕਿਹਾ ਕਿ ਮੈਂ ਪਿਛਲੇ 34 ਸਾਲਾਂ ਤੋਂ ਇਸ ਦਿਨ ਲਈ ਸੰਘਰਸ਼ ਕਰ ਰਹੀ ਹਾਂ।
Local Intelligence Unit (LIU) Inspector, Naresh Kr: She got married in 1985 & applied for Indian nationality in 1994. When she completed 7 years on the basis of her LTV (Long Term Visa), the process began. On the basis of her conduct, she was granted Indian citizenship last week. https://t.co/vvXLL7SIAc pic.twitter.com/zTA1E0nXVo
— ANI UP (@ANINewsUP) October 6, 2019
ਉਸਨੇ ਕਿਹਾ ਕਿ ਇਸ ਦਿਨ ਲਈ, ਮੈਂ ਪਿਛਲੇ 34 ਸਾਲਾਂ ਵਿਚ ਹਰ ਕਿਸੇ ਦਾ ਦਰਵਾਜ਼ਾ ਖੜਕਾਇਆ ਹੈ। ਪਤਾ ਨਹੀਂ ਲਖਨਊ ਅਤੇ ਦਿੱਲੀ ਨੇ ਕਿੰਨੇ ਹੀ ਚੱਕਰ ਕੱਟ ਲਏ ਹੋਣੇ ਨੇ। ਮੈਂ ਹੁਣ ਵਧੀਆ ਮਹਿਸੂਸ ਕਰ ਰਹੀ ਹਾਂ। ਜੁਬੇਦਾ ਦਾ ਕਹਿਣਾ ਹੈ ਕਿ ਇਹ ਜ਼ਰੂਰ ਹੈ ਕਿ ਇਹ ਸਭ ਮੈਨੂੰ ਬਹੁਤ ਪਹਿਲਾਂ ਹੀ ਮਿਲ ਜਾਣਾ ਚਾਹੀਦਾ ਸੀ। ਇਸ ਦੇ ਨਾਲ ਹੀ ਸਥਾਨਕ ਇੰਟੈਲੀਜੈਨਸ ਯੂਨਿਟ ਦੇ ਇੰਸਪੈਕਟਰ ਨਰੇਸ਼ ਕੁਮਾਰ ਨੇ ਦੱਸਿਆ ਕਿ ਜ਼ੁਬੇਦਾ ਦਾ ਵਿਆਹ ਸਾਲ 1985 ਵਿਚ ਹੋਇਆ ਸੀ।
ਉਸਨੇ ਪਹਿਲੀ ਵਾਰ 1994 ਵਿਚ ਭਾਰਤ ਦੀ ਨਾਗਰਿਕਤਾ ਲਈ ਅਰਜ਼ੀ ਦਿੱਤੀ ਸੀ। ਵਿਆਹ ਦੇ ਸੱਤ ਸਾਲ ਪੂਰੇ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਨਾਗਰਿਕਤਾ ਦੇਣ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ ਗਈ ਸੀ। ਉਸ ਦੇ ਚਾਲ-ਚਲਣ ਨੂੰ ਵੇਖਦਿਆਂ ਉਸ ਨੂੰ ਪਿਛਲੇ ਹਫ਼ਤੇ ਭਾਰਤ ਦੀ ਨਾਗਰਿਕਤਾ ਦਿੱਤੀ ਗਈ ਸੀ।
