ਉਹਨਾਂ ਕਿਹਾ ਕਿ ਸਾਡਾ ਕੈਂਪਸ ਧਰਮ ਨਿਰਪੱਖ ਹੈ ਅਤੇ ਕੈਂਪਸ ਦੇ ਅੰਦਰ ਕਿਸੇ ਤਰ੍ਹਾਂ ਦੇ ਧਾਰਮਿਕ ਸਮਾਗਮ ਦੀ ਇਜਾਜ਼ਤ ਨਹੀਂ ਦਿਤੀ ਜਾ ਸਕਦੀ।
ਕੋਚੀ : ਕੇਰਲ ਦੇ ਅਲਾਪੁਝਾ ਜ਼ਿਲ੍ਹੇ ਦੀ ਕੋਚੀ ਯੂਨੀਵਰਸਿਟੀ ਕਾਲਜ ਆਫ਼ ਇੰਜੀਨੀਅਰਿੰਗ ਵਿਚ ਉਤਰ ਵਿਦਿਆਰਥੀਆਂ ਵੱਲੋਂ ਸਰਸਵਤੀ ਪੂਜਨ 'ਤੇ ਅਧਿਕਾਰੀਆਂ ਨੇ ਰੋਕ ਲਗਾ ਦਿਤੀ ਹੈ। ਖ਼ਬਰਾਂ ਮੁਤਾਬਕ ਯੂਨੀਵਰਸਿਟੀ ਨੇ ਇਸ ਦੇ ਲਈ ਧਰਮ ਨਿਰਪੱਖ ਹੋਣ ਦਾ ਹਵਾਲਾ ਦਿਤਾ ਹੈ। ਇਕ ਫਰਵਰੀ ਨੂੰ ਜੁਆਇੰਟ ਰਜਿਸਟਰਾਰ ਆਫ਼ ਕੋਚੀ ਯੂਨੀਵਰਸਿਟੀ
ਆਫ਼ ਸਾਇੰਸ ਐਂਡ ਟੈਕਨੋਲੋਜੀ ਵੱਲੋਂ ਜਾਰੀ ਇਸ ਨੋਟਿਸ ਵਿਚ ਕਿਹਾ ਗਿਆ ਹੈ ਕਿ ਇਹ ਸੂਚਿਤ ਕੀਤਾ ਜਾਂਦਾ ਹੈ ਕਿ ਉਤਰ ਵਿਦਿਆਰਥੀਆਂ ਵੱਲੋਂ ਸਰਸਵਤੀ ਪੂਜਾ ਕਰਵਾਏ ਜਾਣ ਦੀ ਅਪੀਲ ਨੂੰ ਉਪ ਕੁਲਪਤੀ ਨੇ ਖਾਰਜ ਕਰ ਦਿਤਾ ਹੈ। ਉਹਨਾਂ ਕਿਹਾ ਕਿ ਸਾਡਾ ਕੈਂਪਸ ਧਰਮ ਨਿਰਪੱਖ ਹੈ ਅਤੇ ਕੈਂਪਸ ਦੇ ਅੰਦਰ ਕਿਸੇ ਤਰ੍ਹਾਂ ਦੇ ਧਾਰਮਿਕ ਸਮਾਗਮ ਦੀ ਇਜਾਜ਼ਤ ਨਹੀਂ ਦਿਤੀ ਜਾ ਸਕਦੀ।
ਕਿਊਸੈੱਟ ਤੋਂ ਮਾਨਤਾ ਪ੍ਰਾਪਤ ਇਹ ਕਾਲਜ ਪਿਛਲੇ ਸਾਲ 25 ਜਨਵਰੀ ਨੂੰ ਵਿਦਿਆਰਥੀਆਂ ਦੇ ਦੋ ਸਮੂਹਾਂ ਵਿਚ ਹੋਈ ਹਿੰਸਾ ਤੋਂ ਬਾਅਦ ਅਣਮਿੱਥੇ ਸਮੇਂ ਲਈ ਬੰਦ ਰਿਹਾ ਸੀ। ਅਜਿਹਾ ਦੋਸ਼ ਸੀ ਕਿ ਇਕ ਸਮਾਗਮ ਦੌਰਾਨ ਕੈਂਪਸ ਵਿਚ ਬੀਫ ਕਟਲੇਟਸ ਵੰਡੇ ਗਏ ਸਨ। ਵਿਦਿਆਰਥੀਆਂ ਦੇ ਇਕ ਸਮੂਹ ਜਿਸ ਵਿਚ ਜ਼ਿਆਦਾਤਰ ਉਤਰ ਭਾਰਤ ਦੇ ਸਨ, ਉਹਨਾਂ ਨੇ ਇਹ ਦੋਸ਼ ਲਗਾਇਆ ਕਿ ਉਹਨਾਂ ਨੇ
ਅਪਣੇ ਆਪ ਨੂੰ ਸ਼ਾਕਾਹਾਰੀ ਦੱਸਿਆ ਸੀ। ਉਸ ਤੋਂ ਬਾਅਦ 25 ਜਨਵਰੀ ਨੂੰ ਅਲਾਪੁਝਾ ਦੇ ਕੋਲ ਕਾਲਜ ਕੈਂਪਸ ਵਿਚ ਸੈਮੀਨਾਰ ਤੋਂ ਵੱਖ ਤੌਰ 'ਤੇ ਉਹਨਾਂ ਨੂੰ ਬੀਫ ਖਾਣ ਲਈ ਦਿਤਾ ਗਿਆ ਸੀ। ਵਿਦਿਆਰਥੀਆਂ ਨੇ ਇਹ ਇਲਜ਼ਾਮ ਲਗਾਇਆ ਸੀ ਕਿ ਬੀਫ ਦੀ ਘਟਨਾ ਵਿਰੋਧ ਦੇ ਬਾਜਵੂਦ 22 ਜਨਵਰੀ ਨੂੰ ਕੈਂਪਸ ਵਿਚ ਸਰਸਵਤੀ ਪੂਜਾ ਦੀ ਕਾਰਵਾਈ ਕਾਰਨ ਬਦਲੇ ਦੇ ਤੌਰ 'ਤੇ ਸੀ।