ਛੱਤੀਸਗੜ੍ਹ ਦੇ ਦੰਤੇਵਾੜਾ 'ਚ ਦੋ ਜ਼ਿਲ੍ਹਾ ਰਿਜ਼ਰਵ ਗਾਰਡ (ਡੀਆਰਜੀ) ਦੇ ਜਵਾਨ ਆਈਈਡੀ ਵਿਸਫ਼ੋਟ 'ਚ ਜ਼ਖ਼ਮੀ ਹੋ ਗਏ।
ਦੰਤੇਵਾੜਾ, 6 ਜੁਲਾਈ : ਛੱਤੀਸਗੜ੍ਹ ਦੇ ਦੰਤੇਵਾੜਾ 'ਚ ਦੋ ਜ਼ਿਲ੍ਹਾ ਰਿਜ਼ਰਵ ਗਾਰਡ (ਡੀਆਰਜੀ) ਦੇ ਜਵਾਨ ਆਈਈਡੀ ਵਿਸਫ਼ੋਟ 'ਚ ਜ਼ਖ਼ਮੀ ਹੋ ਗਏ। ਇਹ ਆਈਈਡੀ ਨਕਸਲੀਆਂ ਦੁਆਰਾ ਸੜਕ 'ਚ ਲਾਏ ਗਏ ਸਨ। ਪੁਲਿਸ ਨੇ ਦਸਿਆ ਕਿ ਇਹ ਹਾਦਸਾ ਸਵੇਰੇ ਕਰੀਬ 10:30 ਵਜੇ ਹੋਇਆ। ਕਟੇਕਲਿਆਣ ਥਾਣੇ ਦੀ ਡੀਆਰਡੀ ਟੀਮ ਜੰਗਲ 'ਚ ਨਕਸਲੀਆਂ ਦੇ ਕੈਂਪ ਨੂੰ ਖ਼ਤਮ ਕਰਨ ਤੋਂ ਬਾਅਦ ਵਾਪਸ ਪਰਤ ਰਹੇ ਸਨ ਉਦੋਂ ਇਹ ਹਾਦਸਾ ਹੋਇਆ।
ਪੁਲਿਸ ਨੇ ਦਸਿਆ ਕਿ ਨਕਸਲੀਆਂ ਦੇ ਡੇਰੇ ਬਾਰੇ 'ਚ ਪਤਾ ਚੱਲਣ 'ਤੇ ਮਰਜੁਮ ਪਿੰਡ ਕੋਲ ਡੀਆਰਜੀ ਟੀਮ ਨੇ ਤਲਾਸ਼ੀ ਅਪਰੇਸ਼ਨ ਸ਼ੁਰੂ ਕੀਤਾ। ਜਦੋਂ ਟੀਮ ਅੱਜ ਮੌਕੇ 'ਤੇ ਪਹੁੰਚੀ ਤਾਂ ਨਕਸਲੀ ਤਿੰਨ ਆਈਈਡੀ ਵਿਸਫ਼ੋਟਾਂ ਨੂੰ ਛੱਡ ਕੇ ਫ਼ਰਾਰ ਹੋ ਗਏ ਸਨ ਜਿਨ੍ਹਾਂ ਦਾ ਭਾਰ ਪੰਜ ਕਿਲੋਗ੍ਰਾਮ ਹੈ। (ਪੀਟੀਆਈ)