ਦੱਖਣ ਕਸ਼ਮੀਰ ਦੇ ਪੁਲਵਾਮਾ 'ਚ ਮੰਗਲਵਾਰ ਨੂੰ ਫੌਜ ਦੀ ਪਟਰੌਲਿੰਗ ਪਾਰਟੀ 'ਤੇ ਹਮਲਾ ਕਰਨ ਵਾਲੇ ਹਿਜ਼ਬੁਲ ਅਤਿਵਾਦੀ ਨੂੰ ਸੁਰੱਖਿਆ ਬਲਾਂ ਨੇ ਮੁੱਠ ਭੇੜ 'ਚ ਮਾਰ ਗਿਰਾਇਆ...
ਜੰਮੂ ਕਸ਼ਮੀਰ: ਦੱਖਣ ਕਸ਼ਮੀਰ ਦੇ ਪੁਲਵਾਮਾ 'ਚ ਮੰਗਲਵਾਰ ਨੂੰ ਫੌਜ ਦੀ ਪਟਰੌਲਿੰਗ ਪਾਰਟੀ 'ਤੇ ਹਮਲਾ ਕਰਨ ਵਾਲੇ ਹਿਜ਼ਬੁਲ ਅਤਿਵਾਦੀ ਨੂੰ ਸੁਰੱਖਿਆ ਬਲਾਂ ਨੇ ਮੁੱਠ ਭੇੜ 'ਚ ਮਾਰ ਗਿਰਾਇਆ ਜਿਸ ਦੇ ਚਲਦਿਆਂ ਹਿੰਸਾ ਦਾ ਸ਼ੱਕ ਜ਼ਾਹਿਰ ਕਰਦਿਆਂ ਪੂਰੇ ਇਲਾਕੇ 'ਚ ਮੋਬਾਇਲ ਇੰਟਰਨੈਟ ਸੇਵਾਵਾਂ ਬੰਦ ਕਰ ਦਿਤੀ ਗਈ ਹੈ। ਨਾਲ ਹੀ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕਰ ਤਲਾਸ਼ੀ ਮੁਹਿਮ ਚਲਾਇਆ ਜਾ ਰਿਹਾ ਹੈ।
Militants attack army patrolling party
ਕਿਹਾ ਜਾ ਰਿਹਾ ਹੈ ਕਿ ਹਮਲਾ ਕਰਨ ਵਾਲੇ ਦੋ ਅਤਿਵਾਦੀ ਸਨ। ਜਿਲ੍ਹੇ ਦੇ ਲਿੱਟਰ ਦੇ ਚੌਧਰੀ ਬਾਗ ਇਲਾਕੇ ਤੋਂ ਫੌਜ ਦੀ 55 ਰਾਸ਼ਟਰੀ ਰਾਇਫਲਸ ਦੀ ਪਟਰੌਲ ਪਾਰਟੀ ਨਿਕਲ ਰਹੀ ਸੀ, ਉਦੋਂ ਅਤਿਵਾਦੀਆਂ ਨੇ ਹਮਲਾ ਕਰ ਦਿਤਾ ਸੀ। ਪਾਰਟੀ ਨੂੰ ਨਿਸ਼ਾਨਾ ਬਣਾ ਕੇ ਅੰਨੇਵਾਹ ਗੋਲੀਆਂ ਚਲਾਈਆਂ ਗਈਆਂ ਅਤੇ ਜਵਾਨਾਂ ਨੇ ਮੋਰਚਾ ਸੰਭਾਲਦੇ ਹੋਏ ਜਵਾਬੀ ਕਾਰਵਾਈ ਕੀਤੀ। ਇਸ ਤੋਂ ਮੁੱਠ ਭੇੜ ਸ਼ੁਰੂ ਹੋ ਗਈ।
Militants attack army patrolling party
ਇਸ ਦੌਰਾਨ ਇਕ ਅਤਿਵਾਦੀ ਨੂੰ ਮਾਰ ਗਿਰਾਉਨ 'ਚ ਸੁਰੱਖਿਆ ਬਲਾਂ ਨੂੰ ਸਫਲਤਾ ਮਿਲੀ। ਸੂਤਰਾਂ ਮੁਤਾਬਕ ਇਸ ਦੀ ਸ਼ਨਾਖਤ ਇਰਫਾਨ ਅਹਿਮਦ ਰਾਥਰ ਉਰਫ ਵਾਜਿਦ ਖਾਨ (ਰਾਜਪੋਰਾ-ਲਿੱਟਰ) ਦੇ ਰੂਪ 'ਚ ਹੋਈ ਹੈ। ਇਸ ਤੋਂ ਪਹਿਲਾਂ ਚਾਰ ਜਨਵਰੀ ਨੂੰ ਉੱਤਰੀ ਕਸ਼ਮੀਰ ਦੇ ਬਾਂਦੀਪੋਰਾ ਜਿਲ੍ਹੇ ਦੇ ਸੁੰਬਲ 'ਚ ਅਤਿਵਾਦੀਆਂ ਨੇ ਪੰਜ ਰਾਸ਼ਟਰੀ ਰਾਇਫਲਸ ਦੇ ਕੈਂਪ 'ਤੇ
Militants attack ਗ੍ਰਨੇਡ ਹਮਲਾ ਕੀਤਾ ਸੀ। ਪਹਿਲਾਂ ਗ੍ਰਨੇਡ ਦਾਗਿਆ ਗਿਆ ਫਿਰ ਅੰਨੇਵਾਹ ਫਾਇਰਿੰਗ ਕੀਤੀ ਸੀ।
Army patrolling party
ਸਾਲ ਦੇ ਪਹਿਲੇ ਦਿਨ ਅਤਿਵਾਦੀਆਂ ਨੇ ਦੱਖਣ ਕਸ਼ਮੀਰ ਦੇ ਪੁਲਵਾਮਾ ਜਿਲ੍ਹੇ 'ਚ ਤਿੰਨ ਹਮਲੇ ਕੀਤੇ ਸਨ। ਇਸ 'ਚ ਹਾਂਜਨ ਪਿੰਡ 'ਚ ਇਕ ਏਸਪੀਓ ਦੀ ਮੌਤ ਹੋ ਗਈ, ਜਦੋਂ ਕਿ ਨੇਕਾਂ ਨੇਤਾ ਦੇ ਤਰਾਲ ਸਥਿਤ ਘਰ ਅਤੇ ਮਿਦੂਰਾ ਪਿੰਡ 'ਚ ਸੀਆਰਪੀਐਫ ਕੈਂਪ 'ਤੇ ਗ੍ਰਨੇਡ ਹਮਲੇ 'ਚ ਕਿਸੇ ਪ੍ਰਕਾਰ ਦਾ ਨੁਕਸਾਨ ਨਹੀਂ ਹੋਇਆ ਸੀ।
