ਪੰਚਕੂਲਾ ਦੇ ਫ਼ਾਰਮਾਂ ’ਚ ਪਿਛਲੇ ਦਿਨਾਂ ਅੰਦਰ ਚਾਰ ਲੱਖ ਪੰਛੀਆਂ ਦੀ ਹੋਈ ਮੌਤ
ਚੰਡੀਗੜ੍ਹ : ਹਰਿਆਣਾ ਦੇ ਖੇਤੀਬਾੜੀ ਮੰਤਰੀ ਜੇ.ਪੀ. ਦਲਾਲ ਨੇ ਸ਼ੁਕਰਵਾਰ ਨੂੰ ਕਿਹਾ ਕਿ ਪੰਚਕੂਲਾ ਦੇ ਕੁਝ ਪੋਲਟਰੀ ਨਮੂਨਿਆਂ ਦੇ ਐਵੀਅਨ ਫ਼ਲੂ ਨਾਲ ਪੀੜਤ ਹੋਣ ਦੀ ਪੁਸ਼ਟੀ ਹੋਈ ਹੈ ਅਤੇ ਇਸ ਤੋਂ ਬਾਅਦ ਪੰਜ ਪੋਲਟਰੀ ਫ਼ਾਰਮਾਂ ਵਿਚ 1.60 ਲੱਖ ਤੋਂ ਜ਼ਿਆਦਾ ਪੰਛੀਆਂ ਨੂੰ ਮਾਰਿਆ ਜਾਵੇਗਾ। ਦਲਾਲ ਨੇ ਇਥੇ ਪੱਤਰਕਾਰਾਂ ਨੂੰ ਦਸਿਆ ਕਿ ਪੰਚਕੂਲਾ ਦੇ ਰਾਏਪੁਰ ਰਾਣੀ ਬਲਾਕ ਵਿਚ ਸਿਧਾਰਥ ਪੋਲਟਰੀ ਫ਼ਾਰਮ ਦੇ ਪੰਜ ਨਮੂਨੇ ਐਵੀਅਨ ਫ਼ਲੂ ਦੇ ਐਚ5ਐਨ8 ਸਟ੍ਰੈੱਨ ਨਾਲ ਪੀੜਤ ਮਿਲੇ ਹਨ। ਇਹ ਇੰਫਲੂਏਂਜਾ ਵਾਇਰਸ ਹੈ।
Bird Flu Test
ਉਨ੍ਹਾਂ ਨੇ ਕਿਹਾ ਕਿ ਇਸੇ ਤਰ੍ਹਾਂ ਪੰਚਕੂਲਾ ਦੇ ਨੇਚਰ ਪੋਲਟਰੀ ਫ਼ਾਰਮ ਨੇ ਕੁਝ ਪੰਛੀਆਂ ਦੇ ਨਮੂਨਿਆਂ ਵਿਚ ਵੀ ਵਾਇਰਸ ਦੀ ਪੁਸ਼ਟੀ ਹੋਈ ਹੈ। ਇਹ ਨਮੂਨੇ ਭੋਪਾਲ ਦੀ ਪ੍ਰਯੋਗਸ਼ਾਲਾ ਵਿਚ ਭੇਜੇ ਗਏ ਸਨ ਅਤੇ ਉਨ੍ਹਾਂ ਦੀ ਰੀਪੋਰਟ ਹੁਣ ਆ ਚੁਕੀ ਹੈ।
Bird Flu
ਮੰਤਰੀ ਨੇ ਕਿਹਾ ਕਿ ਕੇਂਦਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਖੇਤਾਂ ਦੇ ਪੋਲਟਰੀ ਪੰਛੀਆਂ ਨੂੰ ਕਿਸੇ ਵੀ ਫ਼ਾਰਮ ਦੇ ਕਿਲੋਮੀਟਰ ਦੇ ਘੇਰੇ ਵਿਚ ਮਾਰਿਆ ਜਾਣਾ ਹੈ, ਜਿਥੇ ਪੰਛੀ ਪੀੜਤ ਮਿਲਦੇ ਹਨ। ਉਨ੍ਹਾਂ ਅਨੁਸਾਰ ਪੰਚਕੂਲਾ ਵਿਚ ਪੰਜ ਪੋਲਟਰੀ ਫਾਰਮਾਂ ਦੇ ਲਗਭਗ 1.66 ਲੱਖ ਪੰਛੀਆਂ ਨੂੰ ਮਾਰਨਾ ਪਏਗਾ। ਦਲਾਲ ਨੇ ਕਿਹਾ ਕਿ ਇਨ੍ਹਾਂ ਪੋਲਟਰੀ ਫ਼ਾਰਮਾਂ ਦੇ ਕਾਮਿਆਂ ਦੀ ਵੀ ਸਿਹਤ ਵਿਭਾਗ ਵਲੋਂ ਜਾਂਚ ਵੀ ਕੀਤੀ ਜਾਏਗੀ ਅਤੇ ਐਂਟੀ-ਵਾਇਰਸ ਦਵਾਈ ਦਿਤੀ ਜਾਵੇਗੀ। ਦਸਣਯੋਗ ਹੈ ਕਿ ਪੰਚਕੂਲਾ ਦੇ ਕੁਝ ਫ਼ਾਰਮਾਂ ਵਿਚ ਪਿਛਲੇ ਦਿਨਾਂ ਵਿਚ ਚਾਰ ਲੱਖ ਪੰਛੀਆਂ ਦੀ ਮੌਤ ਹੋ ਚੁਕੀ ਹੈ।
Bird Flu
ਕੀ ਹੈ ਬਰਡ ਫ਼ਲੂ? : ਐਵੀਅਨ ਇੰਫਲੂਏਂਜਾ (ਐੱਚ5 ਐੱਨ8) ਵਾਇਰਸ ਦਾ ਇਕ ਸਬ-ਟਾਇਪ ਹੈ, ਜੋ ਕਿ ਖ਼ਾਸ ਤੌਰ ਤੋਂ ਪੰਛੀਆਂ ਰਾਹੀਂ ਫੈਲਦਾ ਹੈ। ਇਹ ਬੀਮਾਰੀ ਪੰਛੀਆਂ ਵਿਚਕਾਰ ਬਹੁਤ ਤੇਜ਼ੀ ਨਾਲ ਫੈਲਦੀ ਹੈ। ਇਹ ਇੰਨੀ ਖ਼ਤਰਨਾਕ ਹੁੰਦੀ ਹੈ ਕਿ ਪੰਛੀਆਂ ਦੀ ਮੌਤ ਹੋ ਜਾਂਦੀ ਹੈ। ਪੰਛੀਆਂ ਤੋਂ ਇਹ ਬੀਮਾਰੀ ਮਨੁੱਖਾਂ ਵਿਚ ਵੀ ਫੈਲਦੀ ਹੈ। ਇਸ ਵਾਇਰਸ ਦੀ ਪਛਾਣ ਪਹਿਲੀ ਵਾਰ 1996 ’ਚ ਚੀਨ ਵਿਚ ਕੀਤੀ ਗਈ ਸੀ। ਏਸ਼ੀਆਈ ਐੱਚ5 ਐੱਨ8 ਮਨੁੱਖਾਂ ਵਿਚ ਪਹਿਲੀ ਵਾਰ 1997 ’ਚ ਪਾਇਆ ਗਿਆ, ਜਦੋਂ ਹਾਂਗਕਾਂਗ ’ਚ ਇਕ ਪੋਲਟਰੀ ਫਾਰਮ ’ਚ ਮੁਰਗੀਆਂ ’ਚ ਵਾਇਰਸ ਮਿਲਿਆ ਸੀ।
