ਆਰਥਿਕ ਮੋਰਚੇ ਉੱਤੇ ਲਗਾਤਾਰ ਵਿਰੋਧੀਆਂ ਦੇ ਨਿਸ਼ਾਨੇ 'ਤੇ ਰਹਿ ਰਹੀ ਹੈ ਮੋਦੀ ਸਰਕਾਰ
ਨਵੀਂ ਦਿੱਲੀ : ਆਰਥਿਕ ਮੋਰਚੇ ਉੱਤੇ ਸੁਸਤ ਨਜ਼ਰ ਆ ਰਹੀ ਮੋਦੀ ਸਰਕਾਰ 'ਤੇ ਕਾਂਗਰਸ ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਵਿੱਤ ਮੰਤਰੀ ਪੀ.ਚਿੰਦਬਰਮ ਨੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਨੇ ਕਿਹਾ ਹੈ ਕਿ ਭਾਰਤ ਦੀ ਅਰਥਵਿਵਸਥਾ ਇਸ ਵੇਲੇ ਆਈਸੀਯੂ ਵਿਚ ਹੈ ਅਤੇ ਇਹ ਸਰਕਾਰ ਗਰੀਬਾਂ ਦੀ ਵਿਰੋਧੀ ਹੈ।
File Photo
ਅੱਜ ਸ਼ਨਿੱਚਰਵਾਰ ਨੂੰ ਹੈਦਰਾਬਾਦ ਵਿਚ ਇਕ ਸਮਾਗਮ ਦੌਰਾਨ ਚਿੰਦਬਰਮ ਨੇ ਕਿਹਾ ਕਿ ਨੋਟਬੰਦੀ ਇਕ ਇਤਿਹਾਸਿਕ ਗਲਤੀ ਸੀ। ਇਹ ਅਜ਼ਾਦ ਭਾਰਤ ਨੂੰ ਸੱਭ ਤੋਂ ਵੱਡਾ ਧੋਖਾ ਸੀ। ਇਸ ਦੇ ਕਾਰਨ ਨੌਕਰੀਆਂ ਵਿਚ ਕਮੀ ਆਈ ਹੈ ਅਤੇ ਛੋਟੇ ਤੇ ਮੱਧਮ ਉਦਯੋਗ ਤਬਾਹ ਹੋ ਗਏ ਹਨ।
File Photo
ਚਿੰਦਬਰਮ ਨੇ ਕਿਹਾ ਕਿ ਨੋਟਬੰਦੀ ਕਰਕੇ ਰੋਜ਼ਗਾਰ ਖਤਮ ਹੋ ਗਏ ਹਨ। ਲੋਕਾਂ ਦੀਆਂ ਨੌਕਰੀਆਂ ਚਲੀਆਂ ਗਈਆਂ ਹਨ ਅਤੇ ਮਾਈਕਰੋ ਮੀਡੀਅਮ ਇੰਡਸਟਰੀ ਵੀ ਤਬਾਹ ਹੋ ਗਈ ਹੈ। ਚਿੰਦਬਰਮ ਅਨੁਸਾਰ ਸਰਕਾਰ ਨੇ ਦੂਜੀ ਗਲਤੀ ਜੀਐਸਟੀ ਲਿਆ ਕੇ ਕੀਤੀ ਹੈ ਅਤੇ ਸਿੰਗਲ ਟੈਕਸ ਦਾ ਵਿਚਾਰ ਬਹੁਤ ਵਧੀਆਂ ਸੀ ਪਰ ਮੌਜੂਦਾ ਜੀਐਸਟੀ ਟੈਕਸ ਸਿੰਗਲ ਨਹੀਂ ਹੈ ਅਤੇ ਇਸ ਦੇ ਲਈ ਅਪਣਾਈ ਜਾਣ ਵਾਲੀ ਪ੍ਰਣਾਲੀ ਸਹੀ ਨਹੀਂ ਹੈ।
File Photo
ਸਾਬਕਾ ਵਿੱਤ ਮੰਤਰੀ ਨੇ ਮੋਦੀ ਸਰਕਾਰ ਨੂੰ ਆੜੇ ਹੱਥੀ ਲੈਂਦਿਆ ਕਿਹਾ ਹੈ ਕਿ ਇਹ ਸਰਕਾਰ ਗਰੀਬ ਵਿਰੋਧੀ ਸਰਕਾਰ ਹੈ। ਸਰਕਾਰ ਦੀਆਂ ਨੀਤੀਆ ਕਰਕੇ ਫੈਕਟਰੀ ਕੇਵਲ 70 ਫ਼ੀਸਦੀ ਕੰਮ ਕਰ ਪਾ ਰਹੀ ਹੈ। ਪਲਾਂਟ ਲੋਡ ਫੈਕਟਰ ਸਿਰਫ 45 ਫ਼ੀਸਦੀ ਹੈ। ਆਟੋਮੋਬਾਇਲ ਇਵੈਂਟ 50 ਫ਼ੀਸਦੀ ਸਮਰੱਥਾ ਦੇ ਹਿਸਾਬ ਨਾਲ ਕੰਮ ਕਰ ਰਿਹਾ ਹੈ।
File Photo
ਚਿੰਦਬਰਮ ਨੇ ਅਰਥਵਿਵਸਥਾ ਨੂੰ ਲੈ ਕੇ ਅੱਗੇ ਕਿਹਾ ਕਿ ਇਸ ਵਿਚ ਸੁਧਾਰ ਹੋਣ ਦੇ ਸੰਕੇਤ ਦਿਖਾਈ ਨਹੀਂ ਦੇ ਰਹੇ ਹਨ ਕਿਉਂਕਿ ਵਿੱਤ ਮੰਤਰੀ ਅਰਥਵਿਵਸਥਾ ਦੀ ਖਰਾਬ ਹਾਲਤ 'ਤੇ ਇਕ ਸ਼ਬਦ ਤੱਕ ਨਹੀਂ ਬੋਲ ਪਾ ਰਹੀ ਹੈ।
