ਬਚਾਅ ਟੀਮ ਅਤੇ ਫਾਇਰ ਵਿਭਾਗ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ ਹੈ।
Delhi News: ਦਿੱਲੀ ਦੇ ਗੋਕੁਲਪੁਰੀ ਮੈਟਰੋ ਸਟੇਸ਼ਨ ਦਾ ਇਕ ਹਿੱਸਾ ਢਹਿ ਗਿਆ ਹੈ। ਮੈਟਰੋ ਸਟੇਸ਼ਨ ਦਾ ਕੁੱਝ ਮਲਬਾ ਡਿੱਗਣ ਕਾਰਨ ਇਕ ਵਿਅਕਤੀ ਦੱਬ ਗਿਆ, ਉਸ ਨੂੰ ਮਲਬੇ ਵਿਚੋਂ ਬਾਹਰ ਕੱਢ ਲਿਆ ਗਿਆ ਹੈ। ਮਲਬੇ ਹੇਠ ਕੁੱਝ ਵਾਹਨ ਵੀ ਦੱਬ ਗਏ, ਜਿਨ੍ਹਾਂ ਨੂੰ ਬਾਹਰ ਕੱਢਿਆ ਜਾ ਰਿਹਾ ਹੈ। ਇਸ ਘਟਨਾ ਨਾਲ ਪੂਰੇ ਇਲਾਕੇ 'ਚ ਹੜਕੰਪ ਮਚ ਗਿਆ ਹੈ। ਬਚਾਅ ਟੀਮ ਅਤੇ ਫਾਇਰ ਵਿਭਾਗ ਦੀ ਟੀਮ ਮੌਕੇ 'ਤੇ ਪਹੁੰਚ ਗਈ ਹੈ।
ਖਬਰਾਂ ਅਨੁਸਾਰ ਚੱਲਦੀ ਮੈਟਰੋ ਲਾਈਨ ਦੀ ਸਾਈਡ ਸਲੈਬ ਦਾ ਇਕ ਹਿੱਸਾ ਢਹਿ ਗਿਆ, ਇਸ ਘਟਨਾ ਵਿਚ ਹੁਣ ਤਕ ਇਕ ਵਿਅਕਤੀ ਦੀ ਮੌਤ ਹੋ ਗਈ ਹੈ ਜਦਕਿ 4 ਲੋਕ ਜ਼ਖਮੀ ਦੱਸੇ ਜਾ ਰਹੇ ਹਨ। ਅਜੇ ਤਕ ਮ੍ਰਿਤਕ ਦੀ ਪਛਾਣ ਨਹੀਂ ਹੋ ਸਕੀ ਹੈ। ਡੀ.ਐਫ.ਐਸ. ਮੁਲਾਜ਼ਮਾਂ ਨੇ ਮਲਬੇ ਹੇਠ ਦੱਬੇ ਦੋ ਵਿਅਕਤੀਆਂ ਨੂੰ ਬਚਾਇਆ ਅਤੇ ਜੀਟੀਬੀ ਹਸਪਤਾਲ ਪਹੁੰਚਾਇਆ।
ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।
#WATCH दिल्ली: गोकुलपुरी मेट्रो स्टेशन का एक साइड स्लैब गिरा। दिल्ली अग्निशमन सेवा के अनुसार घटना में घायल एक व्यक्ति को नजदीकी अस्पताल ले जाया गया है। pic.twitter.com/FC3svsFGIC
— ANI_HindiNews (@AHindinews) February 8, 2024
ਦੂਜੇ ਦੋ ਵਿਅਕਤੀਆਂ ਨੂੰ ਡੀ.ਐਫ.ਐਸ. ਯੂਨਿਟ ਦੇ ਆਉਣ ਤੋਂ ਪਹਿਲਾਂ ਘੱਟ ਲਿਆ ਗਿਆ ਸੀ। ਇਸ ਘਟਨਾ ਵਿਚ ਕੁੱਝ ਮੋਟਰਸਾਈਕਲ ਵੀ ਨੁਕਸਾਨੇ ਗਏ ਹਨ। ਗੋਕੁਲਪੁਰੀ ਡੀ.ਐਫ.ਐਸ. ਦੀ ਇਕ ਯੂਨਿਟ ਨੂੰ ਸਟੈਂਡਬਾਏ 'ਤੇ ਰੱਖਿਆ ਗਿਆ ਹੈ ਕਿਉਂਕਿ ਸਲੈਬ ਦਾ ਇਕ ਹਿੱਸਾ ਅਜੇ ਵੀ ਉਥੇ ਲਟਕਿਆ ਹੋਇਆ ਹੈ।
(For more Punjabi news apart from Delhi News: Portion of Gokulpuri Metro Station in Delhi collapses, one dead., stay tuned to Rozana Spokesman)
