ਕਾਂਗਰਸ ਨੇ ਭਾਜਪਾ ਦੀ ਵਿਵਾਦਿਤ ਪੋਸਟ ਨੂੰ ਲੈ ਕੇ ਕੀਤੀ ਸੀ ਸ਼ਿਕਾਇਤ
Lok Sabha Elections 2024: ਕਰਨਾਟਕ ਪੁਲਿਸ ਨੇ ਬੁੱਧਵਾਰ ਨੂੰ ਭਾਜਪਾ ਪ੍ਰਧਾਨ ਜੇਪੀ ਨੱਡਾ ਅਤੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੂੰ ਲੋਕ ਸਭਾ ਚੋਣਾਂ ਦੌਰਾਨ ਇਕ ਵਿਵਾਦਪੂਰਨ ਪੋਸਟ ਕੇਸ ਦੇ ਸਬੰਧ ਵਿਚ ਤਲਬ ਕੀਤਾ। ਇਹ ਪੋਸਟ ਭਾਜਪਾ ਕਰਨਾਟਕ ਦੇ ਸੋਸ਼ਲ ਮੀਡੀਆ ਉਤੇ 4 ਮਈ ਨੂੰ ਪੋਸਟ ਕੀਤੀ ਸੀ।
ਇਸ ਤੋਂ ਬਾਅਦ ਕਰਨਾਟਕ ਕਾਂਗਰਸ ਨੇ ਨੱਡਾ, ਮਾਲਵੀਆ ਅਤੇ ਕਰਨਾਟਕ ਭਾਜਪਾ ਇਕਾਈ ਦੇ ਮੁਖੀ ਬੀਵਾਈ ਵਿਜੇਂਦਰ ਵਿਰੁਧ ਐਫਆਈਆਰ ਦਰਜ ਕੀਤੀ ਸੀ। ਬੁੱਧਵਾਰ ਨੂੰ ਬੈਂਗਲੁਰੂ 'ਚ ਹਾਈਗਰਾਊਂਡਸ ਪੁਲਿਸ ਦੇ ਜਾਂਚ ਅਧਿਕਾਰੀ ਨੇ ਆਗੂਆਂ ਨੂੰ ਨੋਟਿਸ ਜਾਰੀ ਕੀਤਾ। ਜੇਪੀ ਨੱਡਾ ਅਤੇ ਅਮਿਤ ਮਾਲਵੀਆ ਨੂੰ ਵੀਡੀਓ ਦੇ ਸਬੰਧ ਵਿਚ ਬੈਂਗਲੁਰੂ ਪੁਲਿਸ ਦੇ ਸਾਹਮਣੇ ਪੇਸ਼ ਹੋਣ ਲਈ ਇਕ ਹਫ਼ਤੇ ਦਾ ਸਮਾਂ ਦਿਤਾ ਗਿਆ ਹੈ।
ਕਾਂਗਰਸ ਦਾ ਇਲਜ਼ਾਮ ਹੈ ਕਿ ਭਾਜਪਾ ਨੇ ਸੋਸ਼ਲ ਮੀਡੀਆ ਪੋਸਟ ਰਾਹੀਂ ਐਸਸੀ-ਐਸਟੀ ਭਾਈਚਾਰੇ ਦੇ ਲੋਕਾਂ ਨੂੰ ਡਰਾਉਣ ਦੀ ਕੋਸ਼ਿਸ਼ ਕੀਤੀ ਹੈ, ਤਾਂ ਜੋ ਉਹ ਕਿਸੇ ਖਾਸ ਉਮੀਦਵਾਰ ਨੂੰ ਵੋਟ ਨਾ ਦੇਣ।
(For more Punjabi news apart from JP Nadda Summoned By Karnataka Police, stay tuned to Rozana Spokesman)
