ਵੋਟਿੰਗ ਮਸ਼ੀਨ ਈਵੀਐਮ ਵਿਚ ਤਕਨੀਕੀ ਸੁਧਾਰ ਕਰ ਕੇ ਉਸ ਵਿਚ 'ਆਧਾਰ' ਸਬੂਤ ਦੀ ਸਹੂਲਤ ਵੀ ਪਾਈ ਜਾ ਸਕਦੀ ਹੈ.............
ਨਵੀਂ ਦਿੱਲੀ : ਵੋਟਿੰਗ ਮਸ਼ੀਨ ਈਵੀਐਮ ਵਿਚ ਤਕਨੀਕੀ ਸੁਧਾਰ ਕਰ ਕੇ ਉਸ ਵਿਚ 'ਆਧਾਰ' ਸਬੂਤ ਦੀ ਸਹੂਲਤ ਵੀ ਪਾਈ ਜਾ ਸਕਦੀ ਹੈ। ਇਸ ਨਾਲ ਵੋਟਰ ਦੀ ਪਛਾਣ ਦਾ ਝੰਜਟ ਖ਼ਤਮ ਹੋ ਜਾਵੇਗਾ ਅਤੇ 'ਆਧਾਰ' ਸਬੂਤ ਨਾਲ ਹੀ ਉਹ ਵੋਟ ਪਾ ਸਕੇਗਾ। ਮੁੱਖ ਚੋਣ ਕਮਿਸ਼ਨਰ ਓ.ਪੀ. ਰਾਵਤ ਨੇ ਕਿਹਾ ਕਿ 'ਆਧਾਰ' ਦੇ ਮਾਮਲੇ ਵਿਚ ਸੁਪਰੀਮ ਕੋਰਟ ਦਾ ਫ਼ੈਸਲਾ ਆਉਣਾ ਬਾਕੀ ਹੈ। ਉਨ੍ਹਾਂ ਕਿਹਾ, ' ਅਸੀਂ ਉਸ ਦਾ ਇੰਤਜ਼ਾਰ ਕਰ ਰਹੇ ਹਾਂ। ਜੇ ਹਰੀ ਝੰਡੀ ਮਿਲਦੀ ਹੈ ਤਾਂ ਅਸੀਂ ਉਸ ਤੋਂ ਬਾਅਦ ਵੋਟਰ ਸੂਚੀ ਨੂੰ 'ਆਧਾਰ' ਨਾਲ ਜੋੜਨ ਦੇ ਕੰਮ ਨੂੰ ਅੱਗੇ ਵਧਾਵਾਂਗੇ।
ਨਾਲ ਹੀ ਈਵੀਐਮ ਵਿਚ ਤਕਨੀਕੀ ਸੁਧਾਰ ਕਰ ਕੇ ਉਸ ਵਿਚ 'ਆਧਾਰ' ਨੂੰ ਵੀ ਐਡਜਸਟ ਕਰ ਸਕਦੇ ਹਨ। ਰੋਜ਼ ਤਕਨੀਕ ਵਿਚ ਨਵੀਂ - ਨਵੀਂ ਚੀਜ਼ਾਂ ਤੇ ਕਾਢਾਂ ਹੋ ਰਹੀਆਂ ਹਨ।' ਰਾਵਤ ਨੇ ਕਿਹਾ ਕਿ ਇਸ ਤੋਂ ਫ਼ਾਇਦਾ ਇਹ ਹੈ ਕਿ ਵੋਟਰ ਨੂੰ ਅਪਣੀ ਪਛਾਣ ਸਾਬਤ ਕਰਨ ਦੀ ਜ਼ਰੂਰਤ ਨਹੀਂ ਪਵੇਗੀ। ਜਦੋਂ ਵੋਟ ਪੈਂਦੇ ਹਨ ਤਾਂ ਇਸ ਪ੍ਰਕਿਰਿਆ ਵਿਚ ਕਾਫ਼ੀ ਲੋਕ ਲੱਗੇ ਰਹਿੰਦੇ ਹਨ। ਨਵੀਂ ਤਕਨੀਕ ਦੇ ਇਸਤੇਮਾਲ ਨਾਲ ਇਹ ਪ੍ਰਕਿਰਿਆ ਆਸਾਨ ਹੋਵੇਗੀ। ਵੋਟਰ ਪ੍ਰਕਿਰਿਆ ਵਿਚ ਸਮਾਂ ਵੀ ਘੱਟ ਲੱਗੇਗਾ। ਚੋਣ ਕਮਿਸ਼ਨ ਨੇ ਸਾਬਕਾ ਵਿਚ ਵੋਟਰ ਸੂਚੀਆਂ ਨੂੰ 'ਆਧਾਰ' ਨਾਲ ਜੋੜਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿਤੀ ਸੀ।
ਲਗਭਗ 30 ਕਰੋੜ ਵੋਟਰਾਂ ਨੇ 'ਆਧਾਰ' ਨੂੰ ਵੋਟਰ ਸੂਚੀ ਨਾਲ ਲਿੰਕ ਵੀ ਕਰਾ ਲਿਆ ਸੀ ਪਰ ਇਸ ਤੋਂ ਬਾਅਦ ਇਕ ਮਾਮਲੇ ਵਿਚ ਸੁਪਰੀਮ ਕੋਰਟ ਨੇ ਇਸ ਉਤੇ ਪਾਬੰਦੀ ਲਗਾ ਦਿਤੀ। ਉਦੋਂ ਤੋਂ ਇਹ ਕੰਮ ਲਟਕਿਆ ਹੋਇਆ ਹੈ। ਚੋਣ ਕਮਿਸ਼ਨ ਨੇ ਸੁਪਰੀਮ ਕੋਰਟ ਵਿਚ ਅਰਜ਼ੀ ਦਿਤੀ ਹੈ ਕਿ 'ਆਧਾਰ' ਨੂੰ ਵੋਟਰ ਸੂਚੀ ਨਾਲ ਲਿੰਕ ਕਰਨ ਦੀ ਮਨਜ਼ੂਰੀ ਦਿਤੀ ਜਾਵੇ। ਦੇਸ਼ ਵਿਚ ਕੁਲ 87 ਕਰੋੜ ਵੋਟਰ ਹਨ। ਆਧਾਰ ਨੰਬਰ ਲਗਭਗ 121 ਕਰੋੜ ਹਨ। (ਏਜੰਸੀ)
