ਅਸ਼ੋਕ ਗੋਇਲ ਪਖਾਨਿਆਂ ਦਾ ਸੁਧਾਰ ਕਰਦੇ ਹਨ ਅਤੇ ਉਹਨਾਂ ਦਾ ਉਦਘਾਟਨ ਵੀ ਮਕਾਨ ਵਾਂਗ ਹੀ ਕਰਵਾਉਂਦੇ ਹਨ।
ਹਿਸਾਰ, ( ਭਾਸ਼ਾ ) : ਜਿੰਦਗੀ ਵਿਚ ਤਰੱਕੀ ਦਾ ਸੁਪਨਾ ਇਨਸਾਨ ਨੂੰ ਜਿਥੇ ਲੈ ਜਾਂਦਾ ਹੈ ਆਮ ਤੌਰ 'ਤੇ ਉਹ ਉਥੇ ਦਾ ਹੀ ਹੋ ਕੇ ਰਹਿ ਜਾਂਦਾ ਹੈ। ਇਸ ਦੌੜ ਵਿਚ ਉਸ ਦਾ ਅਪਣਾ ਪਿੰਡ ਅਤੇ ਪਿੰਡ ਦੀ ਜਿੰਦਗੀ ਕਿਤੇ ਪਿੱਛੇ ਛੁੱਟ ਜਾਂਦੀ ਹੈ। ਹਿਸਾਰ ਵਿਚ ਰਹਿਣ ਵਾਲੇ ਅਸ਼ੋਕ ਗੋਇਲ ਨੇ ਤਰੱਕੀ ਤਾਂ ਕੀਤੀ ਪਰ ਪਿੰਡ ਨਾਲ ਉਹਨਾਂ ਦਾ ਪਿਆਰ ਅਤੇ ਸਮਾਜ ਸੇਵਾ ਦਾ ਜਜ਼ਬਾ ਉਹਨਾਂ ਨੂੰ ਮੁੜ ਤੋਂ ਪਿੰਡ ਲੈ ਆਇਆ ਅਤੇ ਉਹ ਦੁਬਈ ਤੋਂ ਅਪਣੇ ਪਿੰਡ ਮੰਗਾਲੀ ਵਿਖੇ ਆ ਗਏ।
The people of Mangali Village
ਹਿਸਾਰ ਵਿਚ ਰਹਿੰਦੇ ਹੋਏ ਹੀ ਉਹ ਦੁਬਈ ਵਿਚ ਤੇਲ ਦੀ ਕੰਪਨੀ ਚਲਾ ਰਹੇ ਹਨ ਅਤੇ ਪਰਾਲੀ ਪ੍ਰਬੰਧਨ ਰਾਹੀ ਵਾਤਾਵਰਣ ਨੂੰ ਸ਼ੁੱਧ ਅਤੇ ਲੋਕਾਂ ਨੂੰ ਸਵੈ-ਨਿਰਭਰ ਬਣਾਉਣ ਦੀਆਂ ਕੋਸ਼ਿਸ਼ਾਂ ਕਰ ਰਹੇ ਹਨ। ਹਿਸਾਰ ਸ਼ਹਿਰ ਵਿਚ ਉਹਨਾਂ ਨੇ ਵਿਕਾਸ ਦੇ ਕਈ ਕੰਮ ਕੀਤੇ ਅਤੇ ਪਖਾਨੇ ਤੱਕ ਏਸੀ ਬਣਵਾ ਦਿਤੇ। ਇਹਨਾਂ ਦੀ ਫੈਕਟਰੀ ਵਿਚ ਰੋਜ਼ਾਨਾ ਕਈ ਕੁਇੰਟਲ ਲਕੜੀਆਂ ਬਣਾਈਆਂ ਜਾਂਦੀਆਂ ਹਨ। ਅਸ਼ੋਕ ਗੋਇਲ ਦੱਸਦੇ ਹਨ ਕਿ ਗਉਸ਼ਾਲਾ ਤੋਂ ਗੋਹਾ ਲਿਆਇਆ ਜਾਂਦਾ ਹੈ ਅਤੇ ਕਿਸਾਨਾਂ ਤੋਂ ਪਰਾਲੀ ਖਰੀਦੀ ਜਾਂਦੀ ਹੈ।
Public toilet
ਗੋਹੇ ਨੂੰ ਧੁੱਪ ਵਿਚ ਤਿੰਨ ਤੋਂ ਚਾਰ ਦਿਨ ਲਈ ਸੁਕਾਇਆ ਜਾਂਦਾ ਹੈ ਅਤੇ ਪਰਾਲੀ ਨੂੰ ਮਸ਼ੀਨ ਵਿਚ ਬਰੀਕ ਪੀਸਿਆ ਜਾਂਦਾ ਹੈ। ਗੰਨੇ ਦੇ ਛਿੱਲੜਾਂ ਨੂੰ ਇਕੱਠਾ ਕਰ ਕੇ ਇਸ ਨੂੰ ਬਰੀਕ ਕਰ ਲਿਆ ਜਾਂਦਾ ਹੈ। ਫਿਰ ਇਹਨਾਂ ਤਿੰਨਾਂ ਦੇ ਮਿਸ਼ਰਨ ਨੂੰ ਮਿਲਾ ਕੇ ਮਸ਼ੀਨ ਤੋਂ ਲੰਘਾ ਕੇ ਇਕ ਫੁੱਟ ਦੀ ਲਕੜੀ ਬਣਾਈ ਜਾਂਦੀ ਹੈ। ਇਸ ਤੋਂ ਬਾਅਦ ਇਹਨਾਂ ਲਕੜੀਆਂ ਨੂੰ ਸ਼ਮਸ਼ਾਨ ਵਿਚ ਜਲਾਉਣ ਲਈ ਦੇ ਦਿਤਾ ਜਾਂਦਾ ਹੈ।
Opening of toilets
ਅਸ਼ੋਕ ਗੋਇਲ ਪਖਾਨਿਆਂ ਦਾ ਸੁਧਾਰ ਕਰਦੇ ਹਨ ਅਤੇ ਉਹਨਾਂ ਦਾ ਉਦਘਾਟਨ ਵੀ ਮਕਾਨ ਵਾਂਗ ਹੀ ਕਰਵਾਉਂਦੇ ਹਨ। ਉਹਨਾਂ ਦਾ ਕਹਿਣਾ ਹੈ ਕਿ ਪਖਾਨੇ ਦੀ ਸਵੱਛਤਾ 'ਤੇ ਹੀ ਮਨੁੱਖੀ ਸਿਹਤ ਨਿਰਭਰ ਕਰਦੀ ਹੈ। ਉਹਨਾਂ ਦਾ ਮਕਸਦ ਪਿੰਡ ਨੂੰ ਮੱਛਰ, ਮੱਖੀ ਅਤੇ ਬੇਰੁਜ਼ਗਾਰੀ ਤੋਂ ਮੁਕਤ ਕਰਾ ਕੇ ਸਮਾਰਟ ਬਣਾਉਣਾ ਹੈ। ਇਹਨਾਂ ਕੰਮਾਂ ਤੋਂ ਇਲਾਵਾ ਵੀ ਅਸ਼ੋਕ ਗੋਇਲ ਸਮਾਜ ਭਲਾਈ ਦੇ ਕਈ ਕੰਮ ਕਰਦੇ ਹਨ।
