ਦੁਨੀਆਂ ਦੀ ਸੱਭ ਤੋਂ ਲੰਮੀ ਰੋਹਤਾਂਗ ਸੁਰੰਗ ਇਸੇ ਸਾਲ ਬਣ ਕੇ ਤਿਆਰ ਹੋ ਜਾਵੇਗੀ। ਇਸ ਸੁਰੰਗ ਨੂੰ ਦਸੰਬਰ 2019 ਵਿਚ ਆਵਾਜਾਈ ਲਈ ਖੋਲ੍ਹ ਦਿਤਾ ਜਾਵੇਗਾ।
ਕੇਲਾਂਗ : ਸਮੁੰਦਰ ਦੇ ਪੱਧਰ ਤੋਂ ਸਾਢੇ ਗਿਆਰਾਂ ਹਜ਼ਾਰ ਫੁੱਟ ਦੀ ਉਚਾਈ 'ਤੇ ਬਣ ਰਹੀ ਦੁਨੀਆਂ ਦੀ ਸੱਭ ਤੋਂ ਲੰਮੀ ਰੋਹਤਾਂਗ ਸੁਰੰਗ ਇਸੇ ਸਾਲ ਬਣ ਕੇ ਤਿਆਰ ਹੋ ਜਾਵੇਗੀ। ਇਸ ਸੁਰੰਗ ਨੂੰ ਦਸੰਬਰ 2019 ਵਿਚ ਆਵਾਜਾਈ ਲਈ ਖੋਲ੍ਹ ਦਿਤਾ ਜਾਵੇਗਾ। ਪੀਰਪੰਜਾਲ ਦੀਆਂ ਪਹਾੜੀਆਂ ਨੂੰ ਚੀਰ ਕੇ ਬਣਾਈ ਜਾ ਰਹੀ ਇਹ ਸੁਰੰਗ ਜ਼ਿਲ੍ਹਾ ਲਾਹੌਲ ਸਪੀਤੀ ਦੇ ਲੋਕਾਂ ਅਤੇ ਭਾਰਤੀ ਫ਼ੌਜ ਦੇ ਲਈ ਬਹੁਤ ਮਹੱਤਵਪੂਰਨ ਸਾਬਤ ਹੋਵੇਗੀ। 8.8 ਕਿਮੀ ਲੰਮੀ ਇਸ ਸੁਰੰਗ ਦੀ ਉਸਾਰੀ ਦਾ ਕੰਮ ਆਖਰੀ ਪੜਾਅ 'ਤੇ ਹੈ।
Seri Nala obstacle in Rohtang tunnel construction
ਨਿਰਧਾਰਤ ਟੀਚੇ ਤੋਂ ਪੰਜ ਸਾਲ ਦੀ ਦੇਰੀ ਨਾਲ ਬਣ ਕੇ ਤਿਆਰ ਹੋ ਰਹੀ ਇਸ ਸੁਰੰਗ ਦੀ ਲਾਗਤ ਵੀ 1400 ਕਰੋੜ ਤੋਂ ਵੱਧ ਕੇ 4000 ਕਰੋੜ ਤੱਕ ਪਹੁੰਚ ਚੁੱਕੀ ਹੈ। ਰੋਹਤਾਂਗ ਸੁਰੰਗ ਪ੍ਰੋਜੈਕਟ ਦੇ ਮੁਖ ਇੰਜੀਨੀਅਰ ਐਨਐਮ ਚੰਦਰ ਰਾਣਾ ਨੇ ਦੱਸਿਆ ਕਿ ਦਸੰਬਰ 2019 ਤੱਕ ਇਹ ਸੁਰੰਗ ਬਣ ਕੇ ਤਿਆਰ ਹੋ ਜਾਵੇਗੀ। ਇਸ ਵਿਚ ਸੱਭ ਤੋਂ ਵੱਡੀ ਚੁਣੌਤੀ ਸੁਰੰਗ ਦੇ ਅੰਦਰ ਸੇਰੀ ਨਾਲੇ ਤੋਂ ਹੋ ਲੀਕ ਹੋ ਰਹੇ ਪਾਣੀ ਨੂੰ ਰੋਕਣ ਲਈ ਪ੍ਰਬੰਧ ਕੀਤਾ ਜਾ ਰਿਹਾ ਹੈ।
Construction work
ਬ੍ਰਿਗੇਡੀਅਰ ਚੰਦਰ ਰਾਣਾ ਨੇ ਦਸਿਆ ਕਿ ਉਤਰ ਪੋਰਟਲ ਤੋਂ ਸੁਰੰਗ ਦਾ ਅੱਧਾ ਹਿੱਸੇ ਤੱਕ ਦੀ ਉਸਾਰੀ ਦਾ ਕੰਮ ਪੂਰਾ ਕਰ ਲਿਆ ਗਿਆ ਹੈ। ਜੇਕਰ ਸੇਰੀ ਨਾਲੇ ਤੋਂ ਪਾਣੀ ਨਾ ਲੀਕ ਹੋ ਰਿਹਾ ਹੁੰਦਾ ਤਾਂ ਪੰਜ ਸਾਲ ਪਹਿਲਾਂ ਹੀ ਇਸ ਦੀ ਉਸਾਰੀ ਦਾ ਕੰਮ ਪੂਰਾ ਹੋ ਚੁੱਕਾ ਹੋਣਾ ਸੀ। ਆਧੁਨਿਕ ਤਕਨੀਕ ਦੀ ਵਰਤੋਂ ਦੇ ਬਾਵਜੂਦ ਕੰਪਨੀ ਸੇਰੀ ਨਾਲੇ ਦੇ ਪਾਣੀ 'ਤੇ ਕਾਬੂ ਨਹੀਂ ਪਾ ਸਕੀ।
The process of work
ਜੂਨ 2010 ਵਿਚ ਸੋਨੀਆ ਗਾਂਧੀ ਵੱਲੋਂ ਇਸ ਸੁਰੰਗ ਦਾ ਨੀਂਹ ਪੱਥਰ ਰੱਖਿਆ ਗਿਆ ਸੀ। ਉਸ ਵੇਲ੍ਹੇ ਸਾਲ 2014 ਤੱਕ ਇਸ ਨੂੰ ਪੂਰਾ ਕਰਨ ਦਾ ਟੀਚਾ ਨਿਰਧਾਰਤ ਕੀਤਾ ਗਿਆ ਸੀ। ਪੀਰਪੰਜਾਲ ਦੀਆਂ ਪਹਾੜੀਆਂ ਦੇ ਥੱਲੇ ਬਣ ਰਹੀ ਰੋਹਤਾਂਗ ਸੁਰੰਗ ਦੇ ਨੇੜੇ 3500 ਫੁੱਟ 'ਤੇ ਸੇਰੀ ਨਾਲਾ ਵਗਦਾ ਹੈ। ਜਿਸ ਦਾ 70 ਫ਼ੀ ਸਦੀ ਪਾਣੀ ਸੁਰੰਗ ਦੇ ਅੰਦਰ ਲੀਕ ਹੋ ਰਿਹਾ ਹੈ।
