ਇਨ੍ਹਾਂ ਸਾਰੀਆਂ ਪੰਜਾਬਣਾਂ ਨੂੰ ਵਾਅਦੇ ਮੁਤਾਬਕ ਤਨਖ਼ਾਹਾਂ ਵੀ ਨਹੀਂ ਦਿਤੀਆਂ ਗਈਆਂ। ਇਨ੍ਹਾਂ ਪੰਜਾਬਣਾਂ ਨੇ ਹੁਣ ਅਪਣੀ ਇਕ ਵੀਡੀਉ ਕਲਿਪਿੰਗ ਜਾਰੀ ਕੀਤੀ ਹੈ,

ਮਸਕਟ  (ਸਪੋਕਸਮੈਨ ਸਮਾਚਾਰ ਸੇਵਾ) : ਆਏ ਦਿਨ ਖ਼ਬਰਾਂ ਮਿਲਦੀਆਂ ਹਨ ਕਿ ਏਜੰਟਾਂ ਦੇ ਧੱਕੇ ਚੜ ਕੇ ਪੰਜਾਬੀ ਬਾਹਰਲੇ ਦੇਸ਼ 'ਚ ਜਾ ਫਸੇ ਹਨ ਪਰ ਹੁਣ ਉਸ ਤੋਂ ਵੀ ਵੱਧ ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ ਆਈ ਹੈ। ਇਸ ਵੇਲੇ ਓਮਾਨ 'ਚ 11 ਪੰਜਾਬਣਾਂ ਫਸੀਆਂ ਹੋਈਆਂ ਹਨ। ਇਹ ਸਾਰੀਆਂ ਰੁਜ਼ਗਾਰ ਦੀ ਭਾਲ 'ਚ ਓਮਾਨ ਗਈਆਂ ਸਨ ਪਰ ਉਥੇ ਉਨ੍ਹਾਂ ਨਾਲ ਚੰਗਾ ਵਿਵਹਾਰ ਨਹੀਂ ਹੋਇਆ।

मेरा इन लड़कियों से सम्पर्क हो गया है। ये सभी ओमान स्थित भारतीय दूतावास में सुरक्षित है। एक लड़की आज शाम को भारत आ रही है और बाक़ी लड़कियों के पासपोर्ट नम्बर मिलने पर बहुत जल्द वतन वापिसी होगी...! https://t.co/hZHxtb3exw

— Bhagwant Mann (@BhagwantMann) February 8, 2020

ਇਨ੍ਹਾਂ ਸਾਰੀਆਂ ਪੰਜਾਬਣਾਂ ਨੂੰ ਵਾਅਦੇ ਮੁਤਾਬਕ ਤਨਖ਼ਾਹਾਂ ਵੀ ਨਹੀਂ ਦਿਤੀਆਂ ਗਈਆਂ। ਇਨ੍ਹਾਂ ਪੰਜਾਬਣਾਂ ਨੇ ਹੁਣ ਅਪਣੀ ਇਕ ਵੀਡੀਉ ਕਲਿਪਿੰਗ ਜਾਰੀ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਅਪਣੇ ਦੁਖੜੇ ਰੋਏ ਹਨ। ਆਮ ਆਦਮੀ ਪਾਰਟੀ ਦੇ ਸੰਗਰੂਰ ਤੋਂ ਸੰਸਦ ਮੈਂਬਰ ਭਗਵੰਤ ਮਾਨ ਨੇ ਇਹ ਵੀਡੀਉ ਕਲਿਪਿੰਗ ਅਪਣੇ ਟਵਿਟਰ ਹੈਂਡਲ 'ਤੇ ਸ਼ੇਅਰ ਕੀਤੀ ਹੈ ਜਿਥੋਂ ਮੀਡੀਆ ਨੂੰ ਇਸ ਬਾਰੇ ਜਾਣਕਾਰੀ ਮਿਲੀ। ਮਾਨ ਨੇ ਆਮ ਲੋਕਾਂ ਨੂੰ ਅਪੀਲ ਕੀਤੀ ਹੈ

ਕਿ ਇਨ੍ਹਾਂ ਕੁੜੀਆਂ ਦੇ ਸੰਪਰਕ ਨੰਬਰ ਤੇ ਪਤੇ ਸਾਂਝੇ ਕੀਤੇ ਜਾਣ ਤਾਂ ਜੋ ਉਨ੍ਹਾਂ ਨੂੰ ਸੁਰੱਖਿਅਤ ਵਾਪਸ ਲਿਆਉਣ ਦੇ ਉਪਰਾਲੇ ਕੀਤੇ ਜਾ ਸਕਣ। ਇਹ ਸਾਰੀਆਂ ਪੰਜਾਬਣਾਂ ਇਸ ਵੇਲੇ ਓਮਾਨ ਦੀ ਰਾਜਧਾਨੀ ਮਸਕਟ ਸਥਿਤ ਭਾਰਤੀ ਦੂਤਾਵਾਸ 'ਚ ਆ ਚੁੱਕੀਆਂ ਹਨ ਪਰ ਹਾਲੇ ਉਹ ਭਾਰਤ ਨਹੀਂ ਪਰਤ ਸਕਦੀਆਂ ਕਿਉਂਕਿ ਜਿਹੜੀਆਂ ਕੰਪਨੀਆਂ ਤੇ ਮਾਲਕਾਂ ਨਾਲ ਉਹ ਕੰਮ ਕਰ ਰਹੀਆਂ ਸਨ

File Photo

ਉਹ ਇਨ੍ਹਾਂ ਪੰਜਾਬਣਾਂ ਦੇ ਪਾਸਪੋਰਟ ਤੇ ਹੋਰ ਸਬੰਧਤ ਲੋੜੀਂਦੇ ਦਸਤਾਵੇਜ਼ ਨਹੀਂ ਦੇ ਰਹੇ। ਇਕ ਪੰਜਾਬਣ ਨੇ ਅਪਣੇ ਤੇ ਅਪਣੀਆਂ ਸਾਥੀ ਪੰਜਾਬਣਾਂ ਵਲੋਂ ਅਪੀਲ ਕੀਤੀ ਹੈ ਕਿ ਉਹ ਖ਼ੁਦ ਕਾਫ਼ੀ ਬੀਮਾਰ ਹੈ ਤੇ ਉਸ ਦੇ ਨਾਲ ਦੀਆਂ ਵੀ ਕਾਫ਼ੀ ਬੀਮਾਰ ਹਨ। ਇਨ੍ਹਾਂ ਵਿਚੋਂ ਇਕ ਨੂੰ ਤਾਂ ਦਿਲ ਦਾ ਰੋਗ ਵੀ ਹੈ ਇਸ ਲਈ ਉਨ੍ਹਾਂ ਦੀ ਦੇਸ਼ ਵਾਪਸੀ ਲਈ ਮਦਦ ਕੀਤੀ ਜਾਵੇ।