ਉਤਰਾਖੰਡ ਦੇ ਚਮੋਲੀ ਜਿਲ੍ਹੇ ਦੇ ਰੇਣੀ ਪਿੰਡ ਦੇ ਨਾਲ ਲਗਦੇ ਗਲੇਸ਼ੀਅਰ ਦੇ ਟੁੱਟਣ ਨਾਲ ਭਾਰੀ...
ਨਵੀਂ ਦਿੱਲੀ: ਉਤਰਾਖੰਡ ਦੇ ਚਮੋਲੀ ਜਿਲ੍ਹੇ ਦੇ ਰੇਣੀ ਪਿੰਡ ਦੇ ਨਾਲ ਲਗਦੇ ਗਲੇਸ਼ੀਅਰ ਦੇ ਟੁੱਟਣ ਨਾਲ ਭਾਰੀ ਤਬਾਹੀ ਦੇਖਣ ਨੂੰ ਮਿਲੀ ਹੈ। ਗਲੇਸ਼ੀਅਰ ਟੁੱਟਣ ਨਾਲ ਆਈ ਆਫ਼ਤ ਤੋਂ ਬਾਅਦ ਹੁਣ ਤੱਕ 29 ਲੋਕਾਂ ਦੀਆਂ ਮ੍ਰਿਤਕ ਦੇਹਾਂ ਬਰਾਮਦ ਕੀਤੀਆਂ ਜਾ ਚੁੱਕੀਆਂ ਹਨ, ਹੋਰ ਦੀ ਭਾਲ ਜਾਰੀ ਹੈ। ਇਸ ਦੁਖਾਂਤ ਨੂੰ ਲੈ ਕੇ ਹਰਿਆਣਾ ਦੇ ਮੁੱਖ ਮੰਤਰੀ ਮਨੋਹਰ ਲਾਲ ਖੱਟਰ ਨੇ ਉਤਰਾਖੰਡ ਦੁਖਾਂਤ ਲਈ ਮੁੱਖ ਮੰਤਰੀ ਰਾਹਤ ਫੰਡ ਤੋਂ 11 ਕਰੋੜ ਰੁਪਏ ਦੀ ਰਾਸ਼ੀ ਦੇਣ ਦਾ ਐਲਾਨ ਕੀਤਾ ਹੈ।
ਸੁਰੰਗ ਵਿਚ ਲਗਪਗ 35 ਵਰਕਰ ਹਾਲੇ ਵੀ ਫਸੇ ਹਨ: ਸੀਐਮ ਰਾਵਤ
ਉਤਰਾਖੰਡ ਆਫ਼ਤ ਤੋਂ ਬਾਅਦ ਇੱਥੇ ਹਰ ਗਤੀਵਿਧੀ ਉੱਤੇ ਸੀਐਮ ਤਰਿਵੇਂਦਰ ਸਿੰਘ ਰਾਵਤ ਨਜ਼ਰ ਰੱਖ ਰਹੇ ਹਨ, ਉਹ ਲਗਾਤਾਰ ਤਬਾਹੀ ਦੇ ਪ੍ਰਭਾਵੀ ਸਥਾਨਾਂ ਦਾ ਦੌਰਾ ਕਰ ਰਹੇ ਹਨ। ਸੀਐਮ ਨੇ ਦੱਸਿਆ ਕਿ ਤਪੋਵਨ ਸੁਰੰਗ ਵਿੱਚ ਲਗਪਗ 35 ਵਰਕਰ ਹਾਲੇ ਵੀ ਫਸੇ ਹੋਏ ਹਨ, ਉਨ੍ਹਾਂ ਦੇ ਲਈ ਡਰਿੱਲ ਕਰਕੇ ਸੁਰੰਗ ਵਿੱਚ ਰੱਸੀ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਇਸਦੀ ਸਫਲਤਾ ‘ਚ ਹੁਣ ਥੋੜ੍ਹਾ ਸਮਾਂ ਲੱਗੇਗਾ, ਪਰ ਇਸਦੇ ਲਈ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਪ੍ਰਧਾਨ ਮੰਤਰੀ ਦਾ ਸਵੇਰੇ ਫੋਨ ਆਇਆ ਸੀ
ਪ੍ਰਧਾਨ ਮੰਤਰੀ ਲਗਾਤਾਰ ਇੱਥੋਂ ਦੀ ਅਪਡੇਟ ਲੈ ਰਹੇ ਹਨ। ਇਸਤੋਂ ਪਹਿਲਾਂ ਰਾਜ ਦੇ ਸਾਬਕਾ ਮੁੱਖ ਮੰਤਰੀ ਹਰੀਸ਼ ਰਾਵਤ ਜੋਸ਼ੀਮਠ ਦੇ ਤਪੋਵਨ ਸੁਰੰਗ ਵਿੱਚ ਚੱਲ ਰਹੇ ਰਾਹਤ ਅਤੇ ਬਚਾਅ ਕਾਰਜ ਦਾ ਜਾਇਜਾ ਲੈਣ ਲਈ ਜੋਸ਼ੀਮਠ ਪੁੱਜੇ ਸਨ।
ਮ੍ਰਿਤਕ ਮਜ਼ਦੂਰਾਂ ਦੇ ਪਰਵਾਰ ਨੂੰ 20-20 ਲੱਖ ਰੁਪਏ ਦੇਣ ਦਾ ਐਲਾਨ
ਕੇਂਦਰੀ ਮੰਤਰੀ ਆਰ.ਕੇ. ਸਿੰਘ ਨੇ ਦੱਸਿਆ ਕਿ ਉਸ ਪ੍ਰੀਯੋਜਨਾ ਦੇ 93 ਵਰਕਰ ਹਾਲੇ ਵੀ ਲਾਪਤਾ ਹਨ। ਸਾਨੂੰ ਲੱਗਦਾ ਹੈ ਉਹ ਬਚੇ ਨਹੀਂ ਹਨ। 35 ਲੋਕ ਹਾਲੇ ਵੀ ਸੁਰੰਗ ਵਿੱਚ ਫਸੇ ਹੋਏ ਹਨ। ਸਾਡੀ ਪ੍ਰੀਯੋਜਨਾਵਾਂ ਜਿੱਥੇ ਹੈ ਹਰ ਜਗ੍ਹਾ ਅਰਲੀ ਵਾਰਨਿੰਗ ਸਿਸਟਮ ਗੱਡਾਂਗੇ। ਮਾਰੇ ਗਏ ਮਜਦੂਰਾਂ ਦੇ ਪਰਵਾਰ ਨੂੰ 20-20 ਲੱਖ ਰੁਪਏ ਦੇਣ ਨੂੰ ਕਿਹਾ ਗਿਆ ਹੈ।
ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਕਹੀ ਇਹ ਗੱਲ
ਉਥੇ ਹੀ ਦੂਜੇ ਪਾਸੇ ਰਾਜ ਸਭਾ ਵਿੱਚ ਆਪਣੇ ਭਾਸ਼ਣ ਦੌਰਾਨ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਦੱਸਿਆ ਕਿ 7 ਫਰਵਰੀ 2021 ਦੇ ਉਪਗ੍ਰਹਿ ਡਾਟਾ ਦੇ ਅਨੁਸਾਰ ਰਿਸ਼ੀ ਗੰਗਾ ਨਦੀ ਦੇ ਵਹਾਅ ਖੇਤਰ ਵਿੱਚ ਸਮੁੰਦਰ ਤਲ ਤੋਂ 5600 ਮੀਟਰ ਉੱਤੇ ਗਲੇਸ਼ੀਅਰ ਦੇ ਮੂੰਹ ਉੱਤੇ ਬਰਫ਼ ਡਿੱਗੀ ਜੋ ਲੱਗਭੱਗ 14 ਵਰਗ ਕਿਲੋਮੀਟਰ ਖੇਤਰ ਜਿੰਨੀ ਵੱਡੀ ਸੀ। ਜਿਸ ਨਾਲ ਰਿਸ਼ੀ ਗੰਗਾ ਨਦੀ ਦੇ ਹੇਠਲੇ ਖੇਤਰ ਵਿੱਚ ਫਲੈਸ਼ ਫਲੱਡ ਦੀ ਹਾਲਤ ਬਣ ਗਈ।
ਸੁਰੰਗ ਵਿੱਚ ਫਸੇ ਲੋਕਾਂ ਨੂੰ ਬਾਹਰ ਕੱਢਣ ਲਈ ਪੂਰੀ ਰਾਤ ਦੀ ਸਖਤ ਕੋਸ਼ਿਸ਼ ਤੋਂ ਬਾਅਦ ਫੌਜ ਨੇ ਸੁਰੰਗ ਦੇ ਮੁੰਹ ਉੱਤੇ ਪਏ ਮਲਬੇ ਨੂੰ ਸਾਫ਼ ਕਰ ਲਿਆ ਹੈ, ਸਾਡੇ ਲੋਕ ਕਾਫ਼ੀ ਅੰਦਰ ਤੱਕ ਗਏ ਹਨ। ਫਸੇ ਹੋਏ ਲੋਕਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਲਗਾਤਾਰ ਜਾਰੀ ਹਨ।