4 ਸੰਸਦ ਮੈਂਬਰਾਂ ਦੇ ਵਿਦਾਇਗੀ ਭਾਸ਼ਣ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਭਾਵੁਕ ਹੋਏ ਹਨ।

ਨਵੀਂ ਦਿੱਲੀ:  ਅੱਜ ਕਾਂਗਰਸ ਦੇ ਸੰਸਦ ਮੈਂਬਰ ਗੁਲਾਮ ਨਬੀ ਆਜ਼ਾਦ ਸਣੇ ਚਾਰ ਮੈਂਬਰ ਰਾਜ ਸਭਾ ਤੋਂ ਵਿਦਾ ਹੋ ਰਹੇ ਹਨ।  ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਗੁਲਾਮ ਨਬੀ ਆਜ਼ਾਦ ਦੀ ਸ਼ਲਾਘਾ ਕਰਦਿਆਂ ਭਾਵੁਕ ਹੋ ਗਏ। ਜਿਨ੍ਹਾਂ ਸੰਸਦ ਮੈਂਬਰਾਂ ਦਾ ਕਾਰਜਕਾਲ ਪੂਰਾ ਹੋ ਰਿਹਾ ਹੈ, ਉਨ੍ਹਾਂ ਵਿੱਚ ਦੋ ਪੀਡੀਪੀ, ਇੱਕ ਕਾਂਗਰਸ ਅਤੇ ਇੱਕ ਭਾਜਪਾ ਸੰਸਦ ਮੈਂਬਰ ਸ਼ਾਮਲ ਹਨ। ਇਸ ਮੌਕੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਾਰੇ ਸੰਸਦ ਮੈਂਬਰਾਂ ਨੂੰ ਵਿਦਾਈ ਦਿੰਦੇ ਹੋਏ ਰਾਜ ਸਭਾ ਨੂੰ ਸੰਬੋਧਨ ਕਰ ਰਹੇ ਹਨ। 

pm modi

ਪੀਐਮ ਮੋਦੀ ਦਾ ਸੰਬੋਧਨ 

• ਪੀਐਮ ਮੋਦੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਮੈਂ ਆਪਣੇ ਤਜ਼ਰਬਿਆਂ ਅਤੇ ਸਥਿਤੀਆਂ ਦੇ ਅਧਾਰ ਤੇ ਗੁਲਾਮ ਨਬੀ ਆਜ਼ਾਦ ਜੀ ਦਾ ਸਤਿਕਾਰ ਕਰਦਾ ਹਾਂ, ਮੈਨੂੰ ਯਕੀਨ ਹੈ ਕਿ ਦਇਆ, ਸ਼ਾਂਤੀ ਅਤੇ ਦੇਸ਼ ਪ੍ਰਤੀ ਉਨ੍ਹਾਂ ਦੀ ਮੁਹਿੰਮ ਹਮੇਸ਼ਾਂ ਜਾਰੀ ਰਹੇਗੀ। 
• ਪੀਐਮ ਮੋਦੀ ਨੇ ਜੰਮੂ ਕਸ਼ਮੀਰ ਵਿੱਚ ਅੱਤਵਾਦੀ ਹਮਲੇ ਦੀ ਘਟਨਾ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਗੁਲਾਮ ਨਬੀ ਆਜ਼ਾਦ ਨੇ ਉਸ ਦਿਨ  ਬੁਲਾਇਆ ਸੀ ਅਤੇ ਉਹ ਫੋਨ ਤੇ ਹੀ ਬਹੁਤ ਭਾਵੁਕ ਹੋ ਗਏ ਸੀ ਅਤੇ ਆਪਣੇ ਪਰਿਵਾਰ ਦੇ ਮੈਂਬਰ ਵਾਂਗ ਚਿੰਤਾ ਕੀਤੀ, ਇਹ ਮੇਰੇ ਲਈ ਬਹੁਤ ਭਾਵੁਕ ਪਲ ਸੀ। ਇੱਕ ਦੋਸਤ ਦੇ ਤੌਰ ਤੇ, ਘਟਨਾਵਾਂ ਅਤੇ ਤਜ਼ਰਬੇ ਦੇ ਅਧਾਰ ਤੇ ਮੈਂ ਗੁਲਾਮ ਨਬੀ ਜੀ ਦਾ ਆਦਰ ਕਰਦਾ ਹਾਂ।  
• ਉਸ ਸਮੇਂ ਮੈਂ ਗੁਜਰਾਤ ਦਾ ਮੁੱਖ ਮੰਤਰੀ ਸੀ। ਗੁਲਾਬ ਨਬੀ ਆਜ਼ਾਦ ਨਾਲ ਮੇਰਾ ਸਬੰਧ ਦੋਸਤਾਨਾ ਰਿਹਾ। ਰਾਜਨੀਤੀ ਵਿਚ, ਬਹਿਸ ਪਲਟਵਾਰ ਚੱਲਦਾ ਰਹਿੰਦਾ ਹੈ ਪਰ ਇਕ ਦੋਸਤ ਵਜੋਂ ਮੈਂ  ਉਨ੍ਹਾਂ ਦਾ ਬਹੁਤ ਸਤਿਕਾਰ ਕਰਦਾ ਹਾਂ। 

• ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਜਦੋਂ ਗੁਲਾਮ ਨਬੀ ਜੀ ਮੁੱਖ ਮੰਤਰੀ ਸਨ, ਮੈਂ ਇੱਕ ਰਾਜ ਦਾ ਮੁੱਖ ਮੰਤਰੀ ਵੀ ਸੀ। ਅਸੀਂ ਬਹੁਤ ਨੇੜੇ ਸੀ, ਇਕ ਵਾਰ ਗੁਜਰਾਤ ਦੇ ਕੁਝ ਯਾਤਰੀਆਂ 'ਤੇ ਅੱਤਵਾਦੀਆਂ ਨੇ ਹਮਲਾ ਕਰ ਦਿੱਤਾ, ਇਸ ਵਿਚ 8 ਲੋਕਾਂ ਦੀ ਮੌਤ ਹੋ ਗਈ। ਮੈਨੂੰ ਪਹਿਲਾਂ ਗੁਲਾਮ ਨਬੀ ਜੀ ਦਾ ਫ਼ੋਨ ਆਇਆ। ਉਸਦੇ ਹੰਝੂ ਨਹੀਂ ਰੁਕ ਰਹੇ ਸਨ।