ਅਰਜ਼ੀ ਦੀ ਆਖਰੀ ਮਿਤੀ 8 ਅਪ੍ਰੈਲ 2024 ਹੈ।
Railway Recruitment 2024 News : ਰੇਲਵੇ ਭਰਤੀ ਬੋਰਡ (RRB) ਨੇ ਟੈਕਨੀਸ਼ੀਅਨ ਦੀਆਂ 9144 ਅਸਾਮੀਆਂ 'ਤੇ ਭਰਤੀ ਲਈ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਇਸ ਦੇ ਲਈ ਆਨਲਾਈਨ ਅਰਜ਼ੀ ਦੀ ਪ੍ਰਕਿਰਿਆ ਅੱਜ 9 ਮਾਰਚ, 2024 ਤੋਂ ਸ਼ੁਰੂ ਹੋ ਗਈ ਹੈ। ਅਪਲਾਈ ਕਰਨ ਲਈ ਲਿੰਕ ਐਕਟੀਵੇਟ ਕਰ ਦਿਤਾ ਗਿਆ ਹੈ। ਯੋਗ ਉਮੀਦਵਾਰ RRB ਦੀ ਵੈੱਬਸਾਈਟ 'ਤੇ ਜਾ ਕੇ ਭਰਤੀ ਲਈ ਅਰਜ਼ੀ ਦੇ ਸਕਦੇ ਹਨ। ਅਰਜ਼ੀ ਦੀ ਆਖਰੀ ਮਿਤੀ 8 ਅਪ੍ਰੈਲ 2024 ਹੈ।
ਖਾਲੀ ਅਸਾਮੀਆਂ ਵਿਚੋਂ, 1092 ਅਸਾਮੀਆਂ ਟੈਕਨੀਸ਼ੀਅਨ ਗ੍ਰੇਡ-1 ਸਿਗਨਲ ਦੀਆਂ ਹਨ ਅਤੇ 8052 ਅਸਾਮੀਆਂ ਟੈਕਨੀਸ਼ੀਅਨ ਗ੍ਰੇਡ-3 ਦੀਆਂ ਹਨ। ਟੈਕਨੀਸ਼ੀਅਨ ਗ੍ਰੇਡ-1 ਲੈਵਲ-5 ਦੀ ਪੋਸਟ ਹੈ ਅਤੇ ਟੈਕਨੀਸ਼ੀਅਨ ਗ੍ਰੇਡ-III ਲੈਵਲ-2 ਦੀ ਪੋਸਟ ਹੈ। ਇਸ ਵਾਰ ਉਮੀਦਵਾਰਾਂ ਲਈ ਵੱਡੀ ਰਾਹਤ ਇਹ ਹੈ ਕਿ ਪ੍ਰੀਖਿਆ ਸਿਰਫ਼ ਇਕ ਪੜਾਅ ਵਿਚ ਹੀ ਹੋਵੇਗੀ। ਅਪਲਾਈ ਕਰਨ ਤੋਂ ਪਹਿਲਾਂ, ਉਮੀਦਵਾਰਾਂ ਨੂੰ ਸਬੰਧਤ ਪੋਸਟ ਦੀ ਮੈਡੀਕਲ ਫਿਟਨੈਸ ਦੀ ਜਾਂਚ ਕਰਨੀ ਚਾਹੀਦੀ ਹੈ।
1. ਸਭ ਤੋਂ ਵੱਡਾ ਬਦਲਾਅ
ਇਸ ਵਾਰ ਆਰਆਰਬੀ ਟੈਕਨੀਸ਼ੀਅਨ ਭਰਤੀ ਵਿਚ ਸਿਰਫ਼ ਇਕ ਪੇਪਰ ਹੋਵੇਗਾ। ਬਿਨੈਕਾਰਾਂ ਲਈ ਇਹ ਵੱਡੀ ਰਾਹਤ ਹੈ। ਸਾਲ 2018 ਵਿਚ, ਜਦੋਂ 26000 ALP ਟੈਕਨੀਸ਼ੀਅਨ ਦੀ ਭਰਤੀ ਜਾਰੀ ਕੀਤੀ ਗਈ ਸੀ, ਟੈਕਨੀਸ਼ੀਅਨ ਦੇ ਅਹੁਦੇ ਲਈ ਦੋ-ਪੜਾਅ ਦੀ CBT ਪ੍ਰੀਖਿਆ ਕਰਵਾਈ ਗਈ ਸੀ।
2. ਟੈਕਨੀਸ਼ੀਅਨ ਗ੍ਰੇਡ-1 ਸਿਗਨਲ - 1092
ਯੋਗਤਾ – B.Sc (ਭੌਤਿਕ ਵਿਗਿਆਨ ਜਾਂ ਇਲੈਕਟ੍ਰਾਨਿਕਸ ਜਾਂ ਕੰਪਿਊਟਰ ਸਾਇੰਸ ਜਾਂ ਆਈ.ਟੀ ਜਾਂ ਇੰਸਟਰੂਮੈਂਟੇਸ਼ਨ/ BE ਜਾਂ B.Tech/ ਤਿੰਨ ਸਾਲਾ ਇੰਜੀਨੀਅਰਿੰਗ ਡਿਪਲੋਮਾ)
ਟੈਕਨੀਸ਼ੀਅਨ ਗ੍ਰੇਡ-III – 8052 ਅਸਾਮੀਆਂ
ਯੋਗਤਾ:- ਸਬੰਧਤ ਟਰੇਡ ਵਿਚ 10ਵੀਂ ਪਾਸ ਅਤੇ ਆਈਟੀਆਈ ਸਰਟੀਫਿਕੇਟ
ਟੈਕਨੀਸ਼ੀਅਨ ਗ੍ਰੇਡ-III (ਐਸਐਂਡਟੀ)
ਯੋਗਤਾ: 10ਵੀਂ, ਆਈਟੀਆਈ ਅਤੇ 12ਵੀਂ ਭੌਤਿਕ ਵਿਗਿਆਨ ਅਤੇ ਗਣਿਤ ਦੇ ਨਾਲ ਪਾਸ ਹੋਣ ਦੀ ਮੰਗ ਕੀਤੀ ਗਈ ਹੈ।
3. ਉਮਰ ਸੀਮਾ
18 ਤੋਂ 36 ਸਾਲ ਦੀ ਉਮਰ ਦੇ ਉਮੀਦਵਾਰ ਟੈਕਨੀਸ਼ੀਅਨ ਗ੍ਰੇਡ-1 ਦੀ ਅਸਾਮੀ ਲਈ ਅਪਲਾਈ ਕਰਨ ਦੇ ਯੋਗ ਹੋਣਗੇ। 18 ਤੋਂ 33 ਸਾਲ ਦੀ ਉਮਰ ਦੇ ਉਮੀਦਵਾਰ ਟੈਕਨੀਸ਼ੀਅਨ ਗ੍ਰੇਡ-III ਦੀ ਖਾਲੀ ਅਸਾਮੀ ਲਈ ਅਪਲਾਈ ਕਰਨ ਦੇ ਯੋਗ ਹੋਣਗੇ। ਐਸਸੀ ਅਤੇ ਐਸਟੀ ਨੂੰ ਪੰਜ ਸਾਲ ਅਤੇ ਓਬੀਸੀ ਨੂੰ ਤਿੰਨ ਸਾਲ ਦੀ ਛੋਟ ਮਿਲੇਗੀ।
4. ਚੋਣ ਪ੍ਰਕਿਰਿਆ
-ਲਿਖਤੀ ਟੈਸਟ (CBT)
-ਮੈਡੀਕਲ ਟੈਸਟ
-ਦਸਤਾਵੇਜ਼ ਤਸਦੀਕ
5. ਟੈਕਨੀਸ਼ੀਅਨ ਗ੍ਰੇਡ – I CBT ਪ੍ਰੀਖਿਆ ਪੈਟਰਨ
ਇਸ ਪ੍ਰੀਖਿਆ ਦਾ ਸਮਾਂ 90 ਮਿੰਟ ਦਾ ਹੋਵੇਗਾ ਅਤੇ 100 ਸਵਾਲ ਹੋਣਗੇ। ਇਸ ਲਈ ਯੋਗਤਾ ਪੂਰੀ ਕਰਨ ਲਈ, ਗੈਰ-ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ 40%, ਓਬੀਸੀ ਉਮੀਦਵਾਰਾਂ ਨੂੰ 30%, ਐਸਸੀ ਨੂੰ 30% ਅਤੇ ਐਸਟੀ ਉਮੀਦਵਾਰਾਂ ਨੂੰ 25% ਸਕੋਰ ਕਰਨੇ ਪੈਣਗੇ। ਜਨਰਲ ਅਵੇਅਰਨੈਸ ਤੋਂ 10, ਜਨਰਲ ਇੰਟੈਲੀਜੈਂਸ ਐਂਡ ਰੀਜ਼ਨਿੰਗ ਤੋਂ 15, ਕੰਪਿਊਟਰ ਅਤੇ ਐਪਲੀਕੇਸ਼ਨ ਦੇ ਬੇਸਿਕ ਤੋਂ 20, ਮੈਥਸ ਤੋਂ 20, ਬੇਸਿਕ ਸਾਇੰਸ ਅਤੇ ਇੰਜੀਨੀਅਰਿੰਗ ਤੋਂ 35 ਸਵਾਲ ਪੁੱਛੇ ਜਾਣਗੇ। ਹਰ ਸਵਾਲ ਇਕ ਅੰਕ ਦਾ ਹੋਵੇਗਾ।
6. ਟੈਕਨੀਸ਼ੀਅਨ ਗ੍ਰੇਡ – III – CBT ਪ੍ਰੀਖਿਆ ਪੈਟਰਨ
ਇਸ ਲਈ ਸਮਾਂ 90 ਮਿੰਟ ਦਾ ਹੋਵੇਗਾ ਅਤੇ 100 ਸਵਾਲ ਹੋਣਗੇ। ਇਸ ਲਈ ਯੋਗਤਾ ਪੂਰੀ ਕਰਨ ਲਈ, ਗੈਰ-ਰਾਖਵੀਂ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ 40%, ਓਬੀਸੀ ਉਮੀਦਵਾਰਾਂ ਨੂੰ 30%, ਐਸਸੀ ਨੂੰ 30% ਅਤੇ ਐਸਟੀ ਉਮੀਦਵਾਰਾਂ ਨੂੰ 25% ਸਕੋਰ ਕਰਨੇ ਪੈਣਗੇ। ਜਨਰਲ ਅਵੇਅਰਨੈੱਸ ਤੋਂ 10, ਜਨਰਲ ਇੰਟੈਲੀਜੈਂਸ ਅਤੇ ਰੀਜ਼ਨਿੰਗ ਤੋਂ 25, ਮੈਥਸ ਤੋਂ 25 ਅਤੇ ਜਨਰਲ ਸਾਇੰਸ ਤੋਂ 40 ਸਵਾਲ ਪੁੱਛੇ ਜਾਣਗੇ। ਹਰ ਸਵਾਲ ਇਕ ਅੰਕ ਦਾ ਹੋਵੇਗਾ।
7. ਨੈਗੇਟਿਵ ਮਾਰਕਿੰਗ
ਸੀਬੀਟੀ ਵਿਚ ਨਕਾਰਾਤਮਕ ਮਾਰਕਿੰਗ ਹੋਵੇਗੀ। ਹਰੇਕ ਗਲਤ ਜਵਾਬ ਲਈ ਇਕ ਤਿਹਾਈ ਅੰਕ ਕੱਟਿਆ ਜਾਵੇਗਾ।
8. ਅਰਜ਼ੀ ਫੀਸ
ਜਨਰਲ, ਓਬੀਸੀ, ਈਡਬਲਯੂਐਸ ਸ਼੍ਰੇਣੀ - 500 ਰੁਪਏ (CBT 1 ਪ੍ਰੀਖਿਆ ਵਿਚ ਸ਼ਾਮਲ ਹੋਣ ਵਾਲਿਆਂ ਨੂੰ 400 ਰੁਪਏ ਵਾਪਸ ਕੀਤੇ ਜਾਣਗੇ)
SC, ST, ਮਹਿਲਾ, EBC, ਅਪਾਹਜ - 250 ਰੁਪਏ। (CBT 1 ਦੀ ਪ੍ਰੀਖਿਆ ਵਿਚ ਬੈਠਣ ਵਾਲਿਆਂ ਨੂੰ ਪੂਰੀ ਰਕਮ ਵਾਪਸ ਕਰ ਦਿਤੀ ਜਾਵੇਗੀ)
(For more Punjabi news apart from Railway Recruitment 2024 News in Punjabi, stay tuned to Rozana Spokesman)
