ਬੰਬ ਧਮਾਕੇ 'ਚ ਟੁੱਟ ਗਿਆ ਸੀ ਇਕ ਪੈਰ
ਅਫ਼ਗਾਨਿਸਤਾਨ- ਵੀਡੀਓ 'ਚ ਨੱਚ ਰਹੇ ਇਸ ਮਾਸੂਮ ਅਫ਼ਗਾਨੀ ਬੱਚੇ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਇਕ ਹਸਪਤਾਲ ਦਾ ਹੈ, ਜਿੱਥੇ ਹੌਲੀ ਆਵਾਜ਼ ਵਿਚ ਇਕ ਗੀਤ ਵੱਜ ਰਿਹਾ ਹੈ। ਕੁੱਝ ਔਰਤਾਂ ਬੈਠੀਆਂ ਹਨ ਅਤੇ ਇਸੇ ਗਾਣੇ ਦੀ ਧੁੰਨ 'ਤੇ ਇੱਕ ਬੱਚਾ ਨੱਚ ਰਿਹਾ ਹੈ। ਨੱਚਦੇ ਹੋਏ ਅਫਗਾਨੀ ਬੱਚੇ ਦੀ ਮਾਸੂਮੀਅਤ ਅਤੇ ਮੁਸਕਾਨ ਵਾਕਈ ਦਿਲ ਨੂੰ ਛੂੰਹਦੀ ਹੈ।
ਇਸ ਵੀਡੀਓ ਵਿਚ ਦੋ ਚੀਜ਼ਾਂ ਖ਼ਾਸ ਹਨ। ਪਹਿਲੀ ਬੱਚੇ ਦੀ ਇਕ ਲੱਤ ਜੋ ਨਕਲੀ ਹੈ ਅਤੇ ਦੂਜੀ ਬੱਚੇ ਦੇ ਚਿਹਰੇ 'ਤੇ ਹੱਦ ਦਰਜੇ ਦੀ ਮਾਸੂਮ ਮੁਕਸਾਨ, ਅਸਲ ਵਿਚ ਇਹ ਬੱਚਾ ਅਫ਼ਗਾਨਿਸਤਾਨ ਵਿਚ ਇਕ ਬਾਰੂਦੀ ਸੁਰੰਗ ਦੀ ਲਪੇਟ ਵਿਚ ਆ ਗਿਆ ਸੀ। ਵਿਸਫ਼ੋਟ ਨੇ ਬੱਚੇ ਦੀ ਇਕ ਲੱਤ ਖੋਹ ਲਈ ਅਤੇ ਰੈੱਡ ਕਰਾਸ ਦੇ ਹਸਪਤਾਲ ਵਿਚ ਡਾਕਟਰਾਂ ਨੇ ਬੱਚੇ ਦੇ ਨਕਲੀ ਲੱਤ ਲਗਾ ਦਿੱਤੀ।ਜਿਸ ਤੋਂ ਬਾਅਦ ਬੱਚਾ ਨਕਲੀ ਲੱਤ ਲਗਾ ਕੇ ਵੀ ਪੂਰੀ ਤਰ੍ਹਾਂ ਖ਼ੁਸ਼ ਨਜ਼ਰ ਆ ਰਿਹਾ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਅਫਗਾਨੀ ਬੱਚੇ ਦਾ ਇਹ ਵੀਡੀਓ ਕਾਫ਼ੀ ਵਾਇਰਲ ਹੋ ਰਿਹਾ ਹੈ ਅਤੇ ਲੋਕਾਂ ਵਲੋਂ ਇਸ ਬੱਚੇ ਦੀ ਮਾਸੂਮੀਅਤ 'ਤੇ ਤਰ੍ਹਾਂ ਤਰ੍ਹਾਂ ਦੇ ਕੁਮੈਂਟ ਕੀਤੇ ਜਾ ਰਹੇ ਹਨ। ਦੇਖੋ ਵੀਡੀਓ.........
Cute and happy #Afghan boy dances at the @ICRC_af orthopaedics center after he got a prosthetic leg. He was a victim of a landmine.
— Sharif Hassan (@MSharif1990) May 6, 2019
via @roya_musawi pic.twitter.com/G1eRd9ZmFf
