ਮੁੰਬਈ : ਡਾਲਰ ਦੇ ਮੁਕਾਬਲੇ ਕਮਜ਼ੋਰ ਹੁੰਦਾ ਰੁਪਈਆ ਭਾਰਤ ਵਿਚ ਬਿਮਾਰ ਲੋਕਾਂ ਦਾ ਮੈਡੀਕਲ ਬਿਲ ਵਧਾ ਸਕਦਾ ਹੈ। ਡਾਲਰ ਅਤੇ ਯੂਰੋ ਦੇ ਮੁਕਾਬਲੇ ਰੁਪਏ ਦੀ ਕਮਜ਼ੋਰੀ ਅਤੇ ਇਨਫਲੈਕਸ਼ਨ ਦੀ ਵਜ੍ਹਾ ਨਾਲ ਕਾਰਡੀਅਕ ਸਟੈਂਟਸ, ਆਰਥੋਪੈਡਿਕ ਇੰਪਲੈਂਟ, ਹਾਰਟ ਵਾਲਵ ਅਤੇ ਕੈਥਟਰ ਵਰਗੇ ਮੈਡੀਕਲ ਡਿਵਾਈਸਸ ਦੀਆਂ ਕੀਮਤਾਂ ਵਧ ਸਕਦੀਆਂ ਹਨ। ਜਨਵਰੀ ਤੋਂ ਅਗੱਸਤ ਦੇ ਵਿਚਕਾਰ ਰੁਪਈਆ ਡਾਲਰ ਦੇ ਮੁਕਾਬਲੇ ਕਰੀਬ 10.7 ਫ਼ੀਸਦੀ ਡਿਗ ਚੁੱਕਿਆ ਹੈ ਅਤੇ ਯੂਰੋ ਦੀ ਤੁਲਨਾ ਵਿਚ 7.6 ਫ਼ੀਸਦੀ ਕਮਜ਼ੋਰ ਹੋ ਚੁੱਕਿਆ ਹੈ।
Rupee Down
ਇਸ ਤੋਂ ਇਲਾਵਾ ਇੰਫਲੈਕਸ਼ਨ ਦੀ ਵਜ੍ਹਾ ਨਾਲ ਅਪਰੇਟਿੰਗ ਕਾਸਟ 5-6 ਫ਼ੀਸਦੀ ਵਧ ਚੁੱਕਿਆ ਹੈ ਅਤੇ ਜੇਕਰ ਇਸ ਨੂੰ ਮਰੀਜ਼ਾਂ ਤਕ ਪਾਸ ਕੀਤਾ ਜਾਂਦਾ ਹੈ ਤਾਂ ਉਨ੍ਹਾਂ ਦਾ ਮੈਡੀਕਲ ਬਿਲ ਵਧ ਜਾਵੇਗਾ। ਇੰਡਸਟਰੀ ਨਾਲ ਜੁੜੇ ਇਕ ਅਧਿਕਾਰੀ ਨੇ ਕਿਹਾ ਕਿ ਆਯਾਤ ਦਰ ਵਿਚ ਵਾਧਾ ਹੋਇਆ ਹੈ, ਪਰ ਅਜੇ ਕੰਪਨੀਆਂ ਇਸ ਦਾ ਖ਼ਰਚ ਉਠਾ ਰਹੀਆਂ ਹਨ। ਭਾਰਤ 80 ਫ਼ੀਸਦੀ ਮੈਡੀਕਲ ਡਿਵਾਈਸਸ ਅਮਰੀਕਾ ਤੋਂ ਆਯਾਤ ਕਰਦਾ ਹੈ। ਕਾਰਡੀਅਕ ਸਟੇਂਟਸ ਅਤੇ ਹੋਰ ਉਪਕਰਨਾਂ ਦੀ ਕੀਮਤ ਸਰਕਾਰ ਨੇ ਤੈਅ ਕਰ ਦਿਤੀ ਹੈ, ਇਸ ਲਈ ਕੰਪਨੀਆਂ ਅਪਰੂਵਲ ਦੇ ਬਿਨਾਂ ਐਮਆਰਪੀ ਨਹੀਂ ਵਧਾ ਸਕਦੀਆਂ ਹਨ।
Medical Treatment Cost
ਮੈਡੀਕਲ ਡਿਵਾਈਸਸ ਇੰਡਸਟਰੀ ਨੇ ਨੈਸ਼ਨਲ ਫਾਰਮਾਸੂਟੀਕਲ ਪ੍ਰਾਈਸਿੰਗ ਅਥਾਰਟੀ (ਐਨਪੀਪੀਏ) ਤੋਂ 10 ਫ਼ੀਸਦੀ ਕੀਮਤ ਵਧਾਉਣ ਦੀ ਮੰਗ ਕੀਤੀ ਹੈ।ਕੀਮਤਾਂ ਵਿਚ ਇਕ ਸਾਲ ਵਿਚ ਇੰਨਾ ਵਧਾ ਸਵੀਕਾਰਯੋਗ ਵੀ ਹੈ। ਹਾਲਾਂਕਿ ਸਰਕਾਰ ਅਜੇ ਕੀਮਤਾਂ ਵਿਚ ਬਦਲਾਅ ਦੀ ਇਜਾਜ਼ਤ ਦੇਣ ਦੇ ਪੱਖ ਵਿਚ ਨਹੀਂ ਹੈ। ਮੈਡੀਕਲ ਤਕਨੀਕ ਐਸੋਸੀਏਸ਼ਨ ਆਫ਼ ਇੰਡੀਆ ਦੇ ਚੇਅਰਮੈਨ ਪਵਨ ਚੌਧਰੀ ਨੇ ਕਿਹਾ ਕਿ ਅਸੀਂ ਵਿੱਤ ਅਤੇ ਸਿਹਤ ਮੰਤਰਾਲਾ ਨੂੰ ਕਸਟਮ ਡਿਊਟੀ ਵਿਚ ਛੋਟ ਦੀ ਅਪੀਲ ਕਰਾਂਗੇ ਤਾਕਿ ਕੀਮਤਾਂ ਵਿਚ ਵਾਧਾ ਅਡਜਸਟ ਹੋ ਸਕੇ। ਅਜੇ ਇਨ੍ਹਾਂ ਡਿਵਾਈਸਸ 'ਤੇ 8-28 ਫ਼ੀਸਦੀ ਕਸਟਮ ਡਿਊਟੀ ਹੈ।
Falling Rupee
ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਬੀਤੇ ਦਿਨ ਇਕ ਸੰਸਥਾ ਵਲੋਂ ਰੁਪਏ ਦੀ ਡਿਗ ਰਹੀ ਕੀਮਤ ਅਤੇ ਪਟਰੌਲ ਡੀਜ਼ਲ ਦੀਆਂ ਵਧ ਰਹੀਆਂ ਕੀਮਤਾਂ ਨੂੰ ਲੈ ਕੇ ਖ਼ੁਲਾਸਾ ਕੀਤਾ ਗਿਆ ਸੀ ਕਿ ਇਸ ਨਾਲ ਮਹਿੰਗਾਈ ਹੋਰ ਜ਼ਿਆਦਾ ਵਧੇਗੀ। ਕੁੱਝ ਕੰਪਨੀਆਂ ਨੇ ਵੀ ਅਪਣੇ ਉਤਪਾਦਾਂ ਵਿਚ 5-8 ਫ਼ੀਸਦੀ ਤਕ ਵਾਧਾ ਕਰਨ ਦੀ ਤਿਆਰੀ ਕੀਤੀ ਹੋਈ ਹੈ ਜਦਕਿ ਕਈਆਂ ਨੇ ਵਾਧਾ ਕਰ ਦਿਤਾ ਹੈ। ਇਸ ਵਾਧੇ ਦਾ ਬੋਝ ਯਕੀਨਨ ਤੌਰ 'ਤੇ ਜਨਤਾ ਦੀ ਜੇਬ 'ਤੇ ਪਵੇਗਾ।
