File
ਕਿੰਨੂ ਉਤਪਾਦਕ ਠੰਢ ਅਤੇ ਮੀਂਹ ਤੋਂ ਨਿਰਾਸ਼
ਸ਼ਿਮਲਾ- ਰਿਕਾਰਡ ਤੋੜ ਪੈ ਰਹੀ ਠੰਡ ਅਤੇ ਮੀਂਹ ਜਿੱਥੇ ਕਣਕ ਦੀ ਫਸਲ ਲਈ ਲਾਹੇਵੰਦ ਹੋਣ 'ਤੇ ਕਿਸਾਨ ਕਾਫੀ ਖੁਸ਼ ਦਿਖਾਈ ਦੇ ਰਹੇ ਹਨ, ਉਥੇ ਹੀ ਮਾਲਵੇ ਦੇ ਕਿੰਨੂ ਉਤਪਾਦਕ ਇਸ ਠੰਡ ਅਤੇ ਮੀਂਹ ਤੋਂ ਖਾਸੇ ਨਿਰਾਸ਼ ਹਨ।
File
ਹਾਲਾਂਕਿ ਬੂਟੇ ਫਲ ਨਾਲ ਲੱਦੇ ਪਏ ਹਨ ਪਰ ਮੀਂਹ ਨਾਲ ਕਾਫੀ ਫਲ ਝੜ ਗਿਆ ਹੈ। ਰਹਿੰਦੀ ਕਸਰ ਧੁੰਦ ਤੇ ਕੋਹਰੇ ਨੇ ਕੱਢ ਦਿੱਤੀ, ਜਿਸ ਨਾਲ ਫਲ ਖਰਾਬ ਹੋ ਰਿਹਾ ਹੈ। ਉਪਰੋਂ ਸਰਕਾਰਾਂ ਵਲੋਂ ਕਿੰਨੂ ਉਤਪਾਦਕਾਂ ਨੂੰ ਕੋਈ ਮਦਦ ਨਹੀਂ ਦਿੱਤੀ ਜਾ ਰਹੀ।
File
ਕਿੰਨੂ ਉਤਪਾਦਕਾਂ ਦਾ ਗਿਲਾ ਹੈ ਕਿ ਇੱਕ ਪਾਸੇ ਸਰਕਾਰ ਉਨ੍ਹਾਂ ਨੂੰ ਫਸਲੀ ਚੱਕਰ 'ਚੋਂ ਨਿਕਲਣ ਲਈ ਕਹਿੰਦੀ ਹੈ ਤੇ ਜਦੋਂ ਕੋਈ ਕਿਸਾਨ ਫਸਲੀ ਚੱਕਰ 'ਚੋਂ ਨਿਕਲ ਬਾਗਬਾਨੀ ਵੱਲ ਜਾਂਦਾ ਹੈ ਤਾਂ ਸਰਕਾਰ ਉਸ ਦੀ ਬਾਂਹ ਨਹੀਂ ਫੜਦੀ।
File
ਕਿੰਨੂ ਉਤਪਾਦਕਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਉਨ੍ਹਾਂ ਦੀ ਫਸਲ ਦੀ ਮਾਰਕਿਟਿੰਗ ਦਾ ਚੰਗਾ ਪ੍ਰਬੰਧ ਕੀਤਾ ਜਾਵੇ ਤੇ ਲੋੜ ਮੁਤਾਬਕ ਸਬਸਿਡੀ ਦਿੱਤੀ ਜਾਵੇ ਤਾਂ ਜੋ ਫਸਲੀ ਚੱਕਰ 'ਚੋਂ ਨਿਕਲ ਕਿਸਾਨ ਖੁਸ਼ਹਾਲ ਹੋ ਸਕਣ।
