ਯੈੱਸ ਬੈਂਕ ਦੇ ਸੰਕਟ ਦੇ ਨਾਲ ਹੀ ਇਸ ਦੇ ਪ੍ਰਮੋਟਰ ਰਾਣਾ ਕਪੂਰ ਦੇ ਇੱਕ ਪੇਂਟਿੰਗ ਨੂੰ ਕਾਂਗਰਸ ਨੇਤਾ ਪ੍ਰਿਅੰਕਾ ਗਾਂਧੀ ਤੋਂ 2 ਕਰੋੜ ਰੁਪਏ ਵਿੱਚ ਖਰੀਦਣ ਦੀ ਵੀ ਚਰਚਾ
ਨਵੀਂ ਦਿੱਲੀ- ਯੈੱਸ ਬੈਂਕ ਦੇ ਸੰਕਟ ਦੇ ਨਾਲ ਹੀ ਇਸ ਦੇ ਪ੍ਰਮੋਟਰ ਰਾਣਾ ਕਪੂਰ ਦੇ ਇੱਕ ਪੇਂਟਿੰਗ ਨੂੰ ਕਾਂਗਰਸ ਨੇਤਾ ਪ੍ਰਿਅੰਕਾ ਗਾਂਧੀ ਤੋਂ 2 ਕਰੋੜ ਰੁਪਏ ਵਿੱਚ ਖਰੀਦਣ ਦੀ ਵੀ ਚਰਚਾ ਸ਼ੁਰੂ ਹੋ ਗਈ ਹੈ। ਭਾਜਪਾ ਦੇ ਆਈ ਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਦੋਸ਼ ਲਗਾਇਆ ਹੈ ਕਿ ਰਾਣਾ ਕਪੂਰ ਨੇ ਕੁਝ ਸਾਲ ਪਹਿਲਾਂ ਐਮਐਫ ਹੁਸੈਨ ਦੀ ਇੱਕ ਪੇਂਟਿੰਗ ਕਾਂਗਰਸ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਵਾਡਰਾ ਤੋਂ ਖਰੀਦੀ ਸੀ
ਜਿਸ ‘ਤੇ ਪਲਟਵਾਰ ਕਰਦੇ ਹੋਏ ਕਾਂਗਰਸ ਨੇ ਆਰੋਪ ਲਗਾਇਆ ਹੈ ਕਿ ਸੰਕਟ ਨਾਲ ਘਿਰਿਆ ਇਹ ਬੈਂਕ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੌਜੂਦਗੀ ਵਾਲੇ ਕਈ ਸਮਾਗਮਾਂ ਦਾ ਪ੍ਰਾਯੋਜਕ ਰਿਹਾ ਹੈ। ਕਾਂਗਰਸ ਦੇ ਬੁਲਾਰੇ ਅਭਿਸ਼ੇਕ ਮਨੂ ਸਿੰਘਵੀ ਨੇ ਇਹ ਵੀ ਕਿਹਾ ਕਿ ਪ੍ਰਿਯੰਕਾ ਨੇ ਰਾਜੀਵ ਗਾਂਧੀ ਦੀ ਤਸਵੀਰ ਵਾਲੀ ਹੁਸੈਨ ਦੀ ਇਕ ਪੇਂਟਿੰਗ ਵੇਚੀ ਸੀ,
ਜਿਸ ਦਾ ਭੁਗਤਾਨ ਚੈੱਕ ਦੁਆਰਾ ਕੀਤਾ ਗਿਆ ਸੀ ਅਤੇ ਇਸ ਤੇ ਟੈਕਸ ਵੀ ਦਿੱਤਾ ਗਿਆ ਸੀ। ਇਸ ਬਾਰੇ ਵਿਚ ਪੁੱਛੇ ਜਾਣ 'ਤੇ ਕਾਂਗਰਸ ਦੇ ਬੁਲਾਰੇ ਸਿੰਘਵੀ ਨੇ ਕਿਹਾ, "ਰਾਜੀਵ ਗਾਂਧੀ ਦੀ ਤਸਵੀਰ ਸੀ, ਜੋ ਐਮਐਫ ਹੁਸੈਨ ਨੇ ਬਣਾਈ ਸੀ। ਇਸ ਨੂੰ ਦੋ ਕਰੋੜ ਰੁਪਏ ਵਿਚ ਵੇਚਿਆ ਗਿਆ ਸੀ।
ਇਸ ਦੇ ਨਾਲ ਹੀ ਉਹਨਾਂ ਨੇ ਅਮਿਤ ਮਾਲਵੀਆ ਤੇ ਪਲਟਵਾਰ ਕਰਦੇ ਹੋਏ ਕਿਹਾ ਕਿ 'ਕੀ ਉਹ ਇਹ ਦੱਸਣਗੇ ਕਿ 2014 ਤੋਂ ਬਾਅਦ 5 ਸਾਲਾਂ ਵਿਚ ਯੈੱਸ ਬੈਂਕ ਦੀ ਲੋਨ ਬੁੱਕ ਵਿਚ 2 ਲੱਖ ਦਾ ਵਾਧਾ ਕਿਵੇਂ ਹੋ ਗਿਆ। ਸਿੰਘਵੀ ਨੇ ਕਿਹਾ ਕਿ ਇਸ ਵਿਚ ਸਭ ਤੋਂ ਜ਼ਿਆਦਾ ਵਾਧਾ ਨੋਟਬੰਦੀ ਤੋਂ ਬਾਅਦ ਹੋਇਆ ਹੈ।